Kumsada 6:7 - BIBLIA - traduson antigu in Krioulo

⁷ Asin SIÑOR fala: “N na kaba ku tudu jinti ku N kumpu, N na tira elis na tera, desdi omi, tudu ku limarias, ku kilis ku ta rasta, ku kacus ku ta bua na seu, pabia N ripindi manera ku N kumpu elis.”

Kumsada 6:7 ပူးပေါင်းရင်းမြစ်များ

Kumsada 6:6

SIÑOR fika ripindidu manera ki kumpu omi na tera; si korson staba tristi.

Kumsada 7:21

Tudu limarias bibu ku staba na tera muri, suma kacus ku limarias di kasa, ku di matu, ku tudu kilis ku ta rasta na con, ku tudu jinti.

Kumsada 7:4

Si seti dia pasa, N na manda cuba na tera korenta dia ku korenta noti. N na kaba ku tudu kriatura bibu ku N kumpu na tera.”

Kumsada 8:21

SIÑOR sinti ki ceru sabi, i fala na si korson: “Nunka mas N ka na maldisua tera pabia di omi, nin ku si korson ta jingi sempri pa mal, disna di si mininesa. N ka na torna mata tudu kriatura bibu, suma ku N fasi.

Salmus 37:20

ma jinti mau na muri; inimigus di SIÑOR na pasa suma bonitasku di paja, e na disparsi suma fumu.

Ditus 10:27

Rispitu pa SIÑOR ta pui vida mas kumpridu, ma anus di jinti mau ta kortadu.

Ditus 16:4

SIÑOR kumpu tudu kusas pa se propi fin, te ki algin ku ka mporta ku el, i kumpul pa dia di mal.

Isaias 27:11

Ora ku si ramus seku, e ta kebradu; minjeris ta bin kuji elis pa leña, pabia e pobu ka ta ntindi. Pabia di kila, kil ku kumpu elis, i forma elis, i ka na sinti pena delis, nin i ka na mostra elis nin un fabur.

Oseias 4:3

E ku manda tera na seku; jinti ku mora nel na magru; elis tudu ku limarias di matu, ku kacus ku ta bua, te ku pis di mar, e na muri.

Amos 7:3

SIÑOR disa, i fala: “I ka na bin sedu.”

Amos 7:6

SIÑOR Deus disa, i fala: “Es tambi i ka na bin sedu.”

Sofonias 1:18

Nin se prata nin se uru ka na pudi libra elis na dia di raiba di SIÑOR, ma tudu mundu na kabadu ku el ku fugu di si siumi. Di repenti i na kaba ku tudu jinti ku na vivi na mundu.”

Sofonias 1:2

SIÑOR fala: “N na kaba ku tudu kusas na mundu.

Sofonias 1:3

N na kaba ku omis ku limarias, ku kacus ku ta bua, ku pis di mar. N na pui jinti mau pa e kai. N na kaba ku tudu omis na mundu.” Asin ku SIÑOR fala.

Ripitison di Lei 28:63

Suma ku SIÑOR kontenti ba ku bos, i fasi bos ben, i aumenta bos, asin tambi ki na kontenti pa dana bos, i kaba ku bos. Bo na rinkadu na tera ku bo na bai toma.

Ripitison di Lei 29:20

SIÑOR ka na misti purdal, ma si raiba ku siumi na yardi riba di ki omi. Tudu maldison ku sta skritu ne libru na kai riba del; SIÑOR na tira si nomi na mundu.

1 Samuel 15:11

“N ripindi manera ku N pui Saul pa i sedu rei, pabia i disa di sigin, i ka obdisi ña ordi.” Samuel fika tristi, i coma SIÑOR tudu ki di noti.