Kumsada 6:2 - BIBLIA - traduson antigu in Krioulo

² Fijus di Deus oja kuma fijus femia di omis e bonitu. E kasa ku kilis ke mistiba.

Kumsada 6:2 ပူးပေါင်းရင်းမြစ်များ

Kumsada 12:11

Oca ki pertuba ja Ejitu, i fala si minjer Sarai: “N sibi kuma abo i minjer bonitu.

Kumsada 24:3

N misti pa bu jurmenta pa SIÑOR, Deus di seu ku tera, ku bu ka na ranja minjer pa ña fiju na metadi di bajudas di jinti di Kanaan nunde ku N mora,

Kumsada 26:35

Esis e tisi garandi kasabi pa Isak ku Rebeka.

Kumsada 27:46

Rebeka fala Isak: “N sta disgostadu di ña vida pabia de minjeris eteu. Si Jakó kasa ku un minjer de tera, un fiju di Et suma esis li, ke ku ña vida na bali?”

Kumsada 3:6

Minjer oja ki arvuri kuma i bon pa kume, i bonitu na si uju; i kumsa dijal pa i pudi dal ntindimentu. I tira si fruta, i kume, i da tambi si omi; kila kumel juntu ku el.

Kumsada 4:26

Set padi tambi un fiju, i comal nomi di Enos. Na ki tempu jinti kumsa na coma nomi di SIÑOR.

Kumsada 6:1

Oca ku omis kumsa na ciu na tera, e padi fijus femia.

Kumsada 6:3

SIÑOR fala: “Ña spiritu ka na fika na omi pa sempri, pabia si kurpu ten ku muri. Pabia des, i na vivi son 120 anu.”

2 Samuel 11:2

Un dia di tardi, oca Davi lanta na kama, i na pasia-pasia riba di palasiu. Di la i oja un minjer ku na lababa kurpu. Ki minjer i bonitu ba dimas.

Esdras 9:12

Asin, bo ka na da bo fijus femia pa e kasa ku se fijus, nin bo ka na toma se fijus femia pa e kasa ku bo fijus. Ka bo fasi pas ku elis nin ka bo juda elis pa kusas kuri elis diritu. Asin si bo obdisi e ordis, bo ta sedu forti, bo kume bon kusas di tera, bo fasi pa bo fijus pudi yardal pa sempri.’

Jo 1:6

Un dia, anjus di Deus bai pursenta dianti di SIÑOR; Satanas bai juntu ku elis.

Jo 31:1

“N fasi kontratu ku ña uju; nta kuma ku N na pul na un bajuda?

Saida 34:16

O bu pudi bin toma se bajudas pa e kasa ku bu fijus. Ki minjeris ta bin yanda tras di se deusis, e ta bin pui bu fijus fasi mesmu kusas.

Isaias 63:16

Ma abo i no Pape, mesmu ku Abraon ku Israel ka kunsinu. Abo, SIÑOR, i no Pape; bu nomi i no Libertadur disna di tempu antigu.

Malakias 2:11

Judá sedu infiel; un kusa nujenti fasidu na Israel, suma na Jerusalen, pabia omis di Judá kontamina kau sagradu di SIÑOR ku el i ama, e bai kasa ku minjeris ku ta adora deus strañu.

Malakias 2:15

Nta Deus ka fasi elis un son, na kurpu ku spiritu? Ke ku manda i fasi elis un son? I pa e pudi tene fijus ku sedu di Deus. Asin bo toma sintidu ku bo spiritu; ka ningin sedu infiel pa minjer di si nobresa.

1 Koríntius 7:39

Minjer kasadu i ta sta ligadu ku si omi nkuantu kila bibu, ma si i muri, minjer ta fika libri pa kasa ku kin ki misti, ma son si omi i krenti tambi,

2 Koríntius 6:18

N ta sedu bo pape; bo ta sedu ña fijus macu ku femia. Asin ku Siñor ku ten tudu puder fala.”

Ripitison di Lei 14:1

Bo sedu fijus di SIÑOR bo Deus. Ka bo laña bo kurpu, nin ka bo rapa kabelu na parti di frenti di bo kabesa pabia di algin ku muri.

2 Pedru 2:14

E pui se uju son na minjeris di mau vida, ujus ku ka ta para peka. E ta ngoda jinti ku ka sta firmi; e ta faima pa tene; maldison sta riba delis.

1 Jon 2:16

pabia tudu ku sta na mundu, ku sedu kusas ku no kurpu ta dija, ku uju ta oja i misti, ku vida di ronku, es tudu i ka di no Pape, ma i di mundu.