Kumsada 50:5 - BIBLIA - traduson antigu in Krioulo

⁵ ña pape pun pa N jurmenta, i falan: ‘Ami N na muri. Nteran na koba ku N purpara pa mi na tera di Kanaan.’ Gosi N na pidiu lisensa pa N bai ntera ña pape. Dipus N na riba.”

Kumsada 50:5 ပူးပေါင်းရင်းမြစ်များ

Kumsada 3:19

Bu na kume bu kumida ku kalur di bu rostu, tok bu riba pa con nunde ku bu tiradu; pabia bu kumpudu ku reia; bu na torna sedu reia.”

Kumsada 48:21

Dipus, Israel fala José: “Ami N na muri, ma Deus i na sta ku bos; i na fasi pa bo riba pa tera di bo papes.

Kumsada 50:24

Dipus, José fala si ermons: “Ami N na muri, ma di sertesa Deus na bin juda bos, i na fasi pa bo sai ne tera pa tera ki jurmenta pa da Abraon, Isak ku Jakó.”

Kumsada 50:4

Oca dias di cur pasa, José bai pa ŝefis di kasa di Faraó, i fala elis: “Si N oja fabur na bo ujus, N pidi bos pa bo papia ku Faraó, bo falal kuma

Kumsada 50:6

Faraó falal: “Bai bu ntera bu pape, suma el i fasiu pa bu jurmenta.”

2 Kronikas 16:14

E ditandal na kama, ku inci ku kusas ku ta cera sabi ku jinti ku ta tarbaja na purfumus purpara. E nteral na prasa di Davi, na koba ki fasiba pa si kabesa; e sindi garandi fugu na si onra.

Jo 30:23

N sibi kuma bu na leban pa mortu, pa kasa di juntamentu ku tudu bibus na bai pa el.

Salmus 79:3

E darma se sangi suma yagu na roda di Jerusalen; i ka ten kin ku na ntera ki mortus.

Eklesiastis 12:5

ora ku omis sinti medu di kau altu, ku di pirigus na rua; ora ku flor di amenduiña bida branku, gamfañotis na yanda pisadu, ora ku vontadi di kume ka ten mas, pabia omi na bai pa si kau iternu; jinti na yanda e na cora na ruas.

Eklesiastis 12:7

reia riba pa con, suma ki seduba; spiritu riba pa Deus, kil ku dal.

Eklesiastis 6:3

Si un omi padi sen fiju, i tene vida kumpridu tok i na beju, si i ka na oja kontentamentu na kusas ki tene, fora di kila, si i ka nteradu ku rispitu, N oja kuma mininu ku padidu mortu i mas sortiadu di ki el.

Isaias 22:16

“Kal diritu ku bu ten li? Kin ku dau lisensa pa yabri un koba li? Bu kuji e kau altu, bu na koba na pedra ku pikareta pa ranja bu kau di nteru.

Mateus 27:60

i pul na si koba nobu ki kobaba na roca, i rola un pedra garandi pa entrada di koba; dipus i bai.

Ripitison di Lei 4:22

Ami N na muri ne tera; N ka na kamba Jordon, ma abos bo na kamba, bo bai yarda ki bon tera.

1 Samuel 14:43

Saul fala Jonatas: “Kontan ke ku bu fasi.” Jonatas falal: “N kume son un bokadiñu di mel na ponta di po ku N teneba na mon. Nta N ten ku muri?”