Kumsada 5:22 - BIBLIA - traduson antigu in Krioulo

²² Dipus di padi Metuselá, Enok yanda ku Deus 300 anu; i padi fijus macu ku femia.

Kumsada 5:22 ပူးပေါင်းရင်းမြစ်များ

Kumsada 17:1

Oca Abron teneba noventa i novi anu, SIÑOR bin pa el, i falal: “Ami i Deus ku ten tudu puder. Yanda ña dianti, sin kulpa.

Kumsada 24:40

El i falan: ‘SIÑOR ku N yanda na si dianti, i na manda si anju ku bo, i na pui bu bias pa i da bon rusultadu, pa bu pudi ranja minjer pa ña fiju na ña familia, na kasa di ña pape.

Kumsada 48:15

I bensua José, i fala: Deus, ku ña papes Abraon ku Isak yandaba na si pursensa, ki Deus ku sedu ña Gia disna di dia ku N padidu te aos,

Kumsada 5:21

Enok vivi 65 anu, i padi Metuselá.

Kumsada 5:23

Tudu vida di Enok i 365 anu.

Kumsada 5:24

Enok yanda ku Deus. I ka bin ojadu mas, pabia Deus lebal.

Kumsada 6:9

Es i storia di Noe. Noe seduba un omi justu, ku staba sin kulpa na metadi di jinti di si tempu. I ta yandaba ku Deus.

1 Reis 2:4

Tambi SIÑOR na konfirma si palabra ki dan, oca ki falan: ‘Si bu fijus toma sintidu pa yanda diritu ña dianti ku tudu se korson ku alma, nunka i ka na faltau algin na bu jorson pa sinta na tronu di Israel.’

2 Reis 20:3

“O SIÑOR! Lembra di manera ku N yanda bu dianti na bardadi, ku tudu ña korson, N fasi kusas ku bu misti pa N fasi.” Dipus i kumsa na cora risu.

Salmus 116:9

pa N pudi yanda bu dianti, SIÑOR, na mundu di jinti bibu.

Salmus 128:1

Sortiadu i kil ku rispita SIÑOR, i yanda na si kamiñus.

Salmus 16:8

N pui SIÑOR sempri ña dianti; manera ki sta na ña direita, N ka na bulbulidu.

Salmus 26:11

Ma ami, N ta yanda na ña bardadi; libran, bu ten pena di mi.

Salmus 56:13

pabia bu libran di mortu, bu libra ña pe di da tapada, pa N pudi yanda dianti di Deus na lus di jinti bibu.

Salmus 86:11

O SIÑOR, nsinan bu kamiñu; N na yanda na bu bardadi. Pui un sintidu na ña korson: pa N rispita bu nomi.

Saida 16:4

SIÑOR fala Moisés: “N na fasi pa i cubi pon di seu pa bos. Jinti na ba ta sai kada dia pa kuji kil ku na justa pa ki dia. Asin N na proba elis pa jubi si e na sigi ña ordi o nau.

Kantiga di Salomon 1:4

Leban ku bo; no ta kuri juntu! Rei yentrandan na si kuartus. No ta kontenti ku bo, no ta fika alegri; no ta lembra di bu amor mas di ki biñu. Jinti ten roson di amau.

Oseias 14:9

Kin ki jiru? I na sibi kuma e kusas i sertu. Kin ku ten ntindimentu? I na ntindi elis. Kamiñus di SIÑOR i retu; jinti justu na yanda nelis, ma kilis ku ta kebra lei e na kai na ki kamiñus.

Sirmonias 26:12

N na yanda na bo metadi, N na sedu bo Deus; bo na sedu ña pobu.

Amos 3:3

Nta dus ta yanda juntu si e ka pui na un son?

Mikeias 4:5

Tudu nasons na yanda, kada un na nomi di si deus, ma anos, no na yanda na nomi di SIÑOR no Deus, pa tudu sempri.

Mikeias 6:8

O omi, el i kontau ke ki bon. Kusa ku SIÑOR na pidiu i son pa bu fasi kil ki justu, pa bu mostra sempri bondadi, tambi pa bu yanda umildi ku bu Deus.

Malakias 2:6

I ta nsinaba sempri bardadi; maldadi ka ta sai na si boka. I yanda ku mi diritu, ku pas, i libra manga di jinti di fasi pekadu.

Lukas 1:6

Elis tudu dus e ta yandaba diritu dianti di Deus; e ta guardaba mandamentu ku lei di Siñor; ningin ka pudi culi elis dedu.

Atus 9:31

Asin igreẑa na tudu Judeia, Galileia ku Samaria teneba un tempu di pas. Spiritu Santu fortifika igreẑa, i dal animu. Numeru di krentis na buri; e na vivi ku rispitu pa Siñor.

Romanus 8:1

I ka ten kondenason pa kilis ku liga ja ku Kristu Jesus, [ku ka ta yanda konformi vontadi di se kurpu, ma konformi Spiritu,]

1 Koríntius 7:17

Kada un dibi di kontinua vivi konformi don ku Siñor dal, suma ki staba oca Deus comal. Es ku N ta nsina na tudu igreẑa.

2 Koríntius 6:16

Kal kontratu ku kasa di Deus pudi ten ku idulu? I anos gora ku sedu kasa di Deus bibu. El propi i fala: “N na mora juntu ku elis, N na yanda na se metadi. N ta sedu se Deus; elis e ta sedu ña pobu.”

Efésius 5:15

Bo toma sintidu kuma ku bo na yanda. Ka bo yanda suma kil ki ka jiru, ma suma algin jiru.

Ripitison di Lei 13:4

Son tras di SIÑOR bo Deus ku bo na yanda; i el ku bo na rispita, i si mandamentus ku bo na obdisi, si palabra ku bo na obi, i el son ku bo na ciga pertu del pa sirbi.

Ripitison di Lei 28:9

SIÑOR na konfirmau pa bu sedu si pobu sagradu, suma ki jurmenta, si bu obdisi mandamentus di SIÑOR bu Deus, bu yanda na si kamiñus.

Ripitison di Lei 5:33

Bo yanda na tudu kamiñu ku SIÑOR bo Deus manda pa bo yanda nel, pa bo tene vida, pa kusas kuri bos diritu, tambi pa bo pudi tarda na tera ku bo na bai yarda.

Kolosensis 1:10

pa bo pudi yanda na manera dignu di Siñor, pa i pudi kontenti ku bos na tudu, pa bo vida mostra tudu koldadi frutu na bon kusas ku bo ta fasi, pa bo kirsi na kuñisimentu di Deus.

Kolosensis 4:5

Bo yanda na jiresa ku kilis ku ka sedu krenti, bo purbita kada oportunidadi ku bo ten.

1 Tesalonisensis 2:12

no ngoda bos pa bo yanda na manera dignu di Deus ku coma bos pa si renu ku si gloria.

1 Tesalonisensis 4:1

Pa kabanta, ermons, no nsina bos kuma ku bo dibi di yanda pa fasi Deus kontenti. Asin propi ku bo na yanda, ma no roga bos, no na konsija bos na nomi di Siñor Jesus, pa bo fasi forsa pa yanda mas diritu inda.

1 Jon 1:7

Si no na yanda na lus, suma ku el i sta na lus, no ta liga ku ŋutru; sangi di Jesus, si Fiju, i ta limpanu di tudu pekadu.