Kumsada 49:8 - BIBLIA - traduson antigu in Krioulo

⁸ “Judá, bu ermons na ngabau; bu mon na sta riba di garganti di bu inimigus; fijus di bu pape na mpina bu dianti.

Kumsada 49:8 ပူးပေါင်းရင်းမြစ်များ

Kumsada 27:29

Pa utru jinti sirbiu; nasons pa e mpina bu dianti; pa bu sedu siñor riba di bu ermons; fijus di bu mame pa e mpina bu dianti. Kilis ku ta maldisuau, pa e sedu maldisuadu; kilis ku ta bensuau, pa e sedu bensuadu.”

Kumsada 29:35

I torna preña mas, i padi un fiju, i fala: “E bias, N na ngaba SIÑOR.” Pabia di kila, i coma si nomi Judá. Dipus i para padi.

Kumsada 42:6

José seduba gubernadur di ki tera, kil ku ta bindi kumida pa tudu jinti. Oca ermons di José ciga, e mpina si dianti, ku rostu na con.

Kumsada 46:12

Fijus di Judá: Er, Onan, Selá, Perez ku Zerá. (Ma Er ku Onan muri na tera di Kanaan.) Fijus di Perez e sedu Ezron ku Amul.

2 Samuel 22:41

Bu pui ña inimigus pa e kuri di mi; N kaba ku kilis ku odianba.

2 Samuel 24:9

Joab konta rei numeru di jinti ku kontadu. Na Israel i tenba 800.000 omi ku pudiba geria ku spada; na Judá i tenba 500.000 omi.

2 Samuel 5:3

Asin tudu garandis di Israel bai pa rei Davi na Ebron; rei fasi kontratu ku elis la, dianti di SIÑOR; e unji Davi suma rei riba di Israel.

1 Kronikas 28:4

SIÑOR Deus di Israel i kujin na metadi di tudu familia di ña pape, pa N sedu rei riba di Israel pa sempri. I kuji Judá pa i sedu jorson di renansa; na familias di Judá i kuji familia di ña pape. Deus, na si vontadi, i kujin na metadi di ña ermons pa fasin rei riba di tudu Israel.

1 Kronikas 5:2

Judá bin sedu mas forti na metadi di si ermons, tok renansa sai na si jorson, ma diritu di purmeru fiju i seduba di José.

2 Kronikas 14:8

Asa teneba trizentus mil tropa di Judá, omis yarmadu ku tajaderas garandi ku kañakus. Di Benjamin i teneba duzentus i oitenta mil ku teneba tajaderas pikininu, ku mansasas. Elis tudu e seduba omis forti di gera.

2 Kronikas 15:9

Manga di jinti di Efrain, Manasés ku Simeon e oja kuma SIÑOR si Deus staba ku el, e bin mora na Judá. Asa junta elis tudu ku Judá ku Benjamin.

2 Kronikas 17:2

I pui tropas na tudu prasas forti di Judá, i pui kuartelis na tera di Judá suma tambi na prasas di Efrain ku si pape Asa tomaba.

2 Kronikas 30:11

Mesmu asin, utru jintis di Aser ku Manasés ku Zebulon e baŝa, e bin pa Jerusalen.

Salmus 76:1

Deus i kunsidu na Judá; si nomi i garandi na Israel.

Isaias 9:7

Kirsimentu di si gubernu ku si pas ka na ten kabantada. I na sinta na tronu di Davi pa firmanta si renu, pa fortifikal ku justisa ku vida retu, disna di gosi pa sempri. SIÑOR ku ten tudu puder pui sintidu pa fasi e kusa.

Ezekiel 21:29

Visons ke oja aserka di bo i falsu; bu adiviñas i mintida. Spada na pudu na garganti di jinti mau ku na matadu. Se dia ciga, dia di kastigu di kabantada.

Numerus 10:14

Tropas di kampamentu di Judá bai purmeru, ku se bandera. Se ŝef i Naason, fiju di Aminadab.

Numerus 26:20

Jorson di Judá, konformi se familias, e seduba: Selá, pape di familia di selanitas; Perez, pape di perezitas; Zerá, pape di zeraitas.

Numerus 26:22

Esis i familias di Judá. Kilis ku kontadu e seduba 76.500.

Ripitison di Lei 33:7

Es i kil ki fala aserka di Judá: “O SIÑOR, obi vos di Judá, bu juntal ku si pobu. El ku si mon i na difindi si kabesa; sedu si Judadur kontra si inimigus.”

Ebreus 10:13

nunde ki na pera, disna di ki tempu, pa tok si inimigus pudu bas del.

Ebreus 7:14

I sibidu diritu kuma el i padidu na jorson di Judá. Moisés ka fala nada de jorson oca ki na papia di saserdotis.

Josué 10:24

Oca ke leba elis pa Josué, i coma tudu omis di Israel, i fala kumandantis di tropas ku baiba ku el: “Bo bin masa e reis na garganti.” Elis e bai, e masa elis na garganti.

Josué 15:20

Es i yardansa di jorson di Judá, konformi se familias.

Apokalipsi 11:15

Setimu anju toka si korneta. I obidu manga di vos forti na seu, ku fala: “Puder pa manda riba di mundu i pasa ja pa no Siñor ku si Kristu; i na rena pa tudu sempri.”

Apokalipsi 5:5

Un di ki garandis falan: “Ka bu cora. Ali Lion di jorson di Judá ku bin di rais di Davi; i vensi, i ten diritu di kebra selu, tambi pa i yabri ki libru.”

Ŝefis 20:18

Fijus di Israel lanta e bai pa Betel, e punta Deus: “Na no metadi, kin ku na bai purmeru pa bai geria kontra Benjamin?” SIÑOR fala: “Judá ku na bai purmeru.”