Kumsada 48:17 - BIBLIA - traduson antigu in Krioulo

¹⁷ Oca José oja si pape pui si mon direita riba di kabesa di Efrain, i ka fika kontenti; asin, i pega na mon di si pape pa tiral na kabesa di Efrain pa pul riba di kabesa di Manasés.

Kumsada 48:17 ပူးပေါင်းရင်းမြစ်များ

Kumsada 28:8

Tambi i rapara kuma minjeris di Kanaan e ka bali dianti di uju di Isak si pape.

Kumsada 38:10

Ki kusa ki fasi i mau na uju di SIÑOR; asin tambi SIÑOR matal.

Kumsada 48:14

Ma Israel distindi si mon direita, i pul riba di kabesa di Efrain, mesmu ki seduba mas pikininu. I kursa mon, i pui mon skerda na kabesa di Manasés, mesmu ku el i seduba purmeru fiju.

Kumsada 48:18

José falal: “Papa, i ka asin, pabia i es ku padidu purmeru. Pui bu mon direita riba di si kabesa.”

1 Reis 16:25

Onri fasi mal dianti di SIÑOR, mas pior di ki tudu jinti ku rena antis del.

1 Kronikas 21:7

Deus ka fika kontenti ku ki kusa ku fasidu; asin i kastiga Israel.

Ditus 24:18

SIÑOR na oja manera ku bu na ŋuminil, i ka na kontenti ku bo; i ta bin disvia raiba ki ten pa ki algin.

Numerus 11:1

Dia ciga, pobu na ŋuniŋuniba. SIÑOR obil, si raiba lanta; i manda fugu ku yardi na se metadi, i kema un parti di kampamentu di ladu di tras.

Numerus 22:34

Balaon fala anju di SIÑOR: “N fasi mal. N ka sibiba kuma bu firmaba li kontra mi na kamiñu. Gosi ja, si bu ka sta kontenti ku ña bias, N ta riba.”

Romanus 9:11

Deus falal kuma mas garandi i na sirbi mas pikininu. I fala es antis di mininus padidu, oca e ka fasi nin ben nin mal, pa planu di Deus pudi sedu firmi; i ka pabia di kusas ku mininus fasi, ma i suma ku Deus kuji, i coma.

Josué 17:1

Es i tera ku sorti da Manasés, ku sedu purmeru fiju di José. Makir, purmeru fiju di Manasés, seduba pape di jileaditas, ku risibiba ja Jilead ku Basan, pabia makiritas e seduba omis di gera.

1 Samuel 16:7

Ma SIÑOR fala Samuel: “Ka bu mporta ku si parsensa, manera ki altu asin, pabia N negal. SIÑOR ka ta jubi manera ku omi ta jubi, pabia omi ta jubi kil ku sta dianti di si uju, ma SIÑOR ta jubi korson.”