Kumsada 48:14 - BIBLIA - traduson antigu in Krioulo

¹⁴ Ma Israel distindi si mon direita, i pul riba di kabesa di Efrain, mesmu ki seduba mas pikininu. I kursa mon, i pui mon skerda na kabesa di Manasés, mesmu ku el i seduba purmeru fiju.

Kumsada 48:14 ပူးပေါင်းရင်းမြစ်များ

Kumsada 41:51

José coma nomi di ki purmeru fiju Manasés, pabia i fala: “Deus fasin diskisi di tudu ña kansera, ku tudu kasa di ña pape.”

Kumsada 41:52

I coma nomi di sugundu Efrain, pabia i fala: “Deus fasin kirsi na tera di ña kansera.”

Kumsada 46:20

Na Ejitu José ku Asenat, fiju di Potífera, saserdoti di On, e padi Manasés ku Efrain.

Kumsada 48:13

Dipus José toma elis dus, Efrain na si ladu direita pa mon skerda di Israel, Manasés na si ladu skerda pa mon direita di Israel, i ciganta elis pertu del.

Kumsada 48:17

Oca José oja si pape pui si mon direita riba di kabesa di Efrain, i ka fika kontenti; asin, i pega na mon di si pape pa tiral na kabesa di Efrain pa pul riba di kabesa di Manasés.

Kumsada 48:18

José falal: “Papa, i ka asin, pabia i es ku padidu purmeru. Pui bu mon direita riba di si kabesa.”

Salmus 110:1

SIÑOR fala ña Siñor: “Sinta na ña direita tok N pui bu inimigus suma tapeti pa bu diskansa pe nel.”

Salmus 118:16

Mon direita di SIÑOR i yalsadu; mon direita di SIÑOR fasi kusas garandi!”

Saida 15:6

O SIÑOR! Bu mon direita i meduñu na puder! O SIÑOR! Bu mon direita sapa-sapa inimigu.

Numerus 2:18

“Na ladu di kaida di sol kilis ku sta bas di bandera di kompañia di Efrain e na kampa konformi se jorsons, ku se ŝefis, de manera: Di Efrain, ŝef Elisama, fiju di Amijud 40.500 di Manasés, ŝef Gamaliel, fiju di Pedazur 32.200 di Benjamin, ŝef Abidan, fiju di Jideoni 35.400 Total 108.100 Kompañia di Efrain na marŝa na terseru lugar.

Numerus 8:10

Leba levitas dianti di SIÑOR; fijus di Israel na pui se mon riba delis.

Numerus 8:18

ma N toma ja levitas na konta di purmeru fijus di Israel.

Mateus 16:18

Tambi N na falau kuma abo i Pedru. Riba de pedra N na kumpu ña igreẑa. Forsa di nfernu ka na bin pudi ku el.

Mateus 19:13

Utru jinti tisi mininus pa Jesus pa i pui mon riba delis, i ora, ma si disipulus raprindi elis.

Mateus 19:15

Dipus ki pui mon riba delis, i sai di la.

Mateus 6:5

“Tambi, ora ku bu na ora, ka bu sedu suma finjiduris, pabia e ta misti ora firmadu na kasas di juntamentu, tambi na skina di ruas, pa jinti pudi oja elis. Na bardadi N na konta bos kuma e risibi ja se pagamentu.

Lukas 13:13

I pui mon riba del; na ki ora i ndirita, i ngaba Deus.

Lukas 4:40

Oca ku sol na kai, tudu kilis ku teneba jinti ku na sufri ku manga di koldadi duensa e leba elis pa Jesus. I pui si mon riba di kada un, i kura elis.

Atus 13:3

E torna junjuŋa, e ora, e pui mon riba delis, e dispidi elis.

Atus 6:6

E tisi elis dianti di apostolus. Apostolus pui mon riba delis, e ora.

Ripitison di Lei 34:9

Josué, fiju di Nun, staba incidu ku spiritu di jiresa, pabia Moisés puiba mon riba del. Asin fijus di Israel obdisil, e fasi suma ku SIÑOR manda Moisés.

1 Timótiu 4:14

Ka bu diskuda ku don ku sta na bo, ku Deus dau oca ku anunsiaduris papia, presbíterus pui mon riba di bo.

1 Timótiu 5:22

Ka bu jumna pui mon dipresa riba di algin pa dedikal. Ka bu toma parti na pekadu di utrus. Guarda bu kabesa puru.