Kumsada 46:34 - BIBLIA - traduson antigu in Krioulo

³⁴ bo ta ruspundi: ‘Bu servus ta toma konta di limarias disna ku no pikininu, suma no papes tambi.’ Asin bo na dadu lisensa pa mora na tera di Gosen, pabia tudu bakiadur di karnel sedu nujenti pa ejipsius.”

Kumsada 46:34 ပူးပေါင်းရင်းမြစ်များ

Kumsada 13:7

I tenba jus na metadi di bakiaduris di Abron ku bakiaduris di Lo. Kananeus ku perizeus e moraba tambi na tera na ki tempu.

Kumsada 13:8

Abron fala Lo: “I ka dibi di ten jus na no metadi, nin na metadi di no bakiaduris, pabia anos i ermons.

Kumsada 26:20

Bakiaduris di Jerar jusia ku bakiaduris di Isak, e fala: “E yagu i di nos!” E ku manda i coma nomi di ki fonti Esek, suma ke jusiaba.

Kumsada 30:35

Na ki mesmu dia Labon separa tudu kabra, macu ku femia, ku sedu pinta-pintadu, tudu kil ku teneba algun kor branku, ku tudu fiju di karnel sukuru, i ntrega elis na mon di si fijus;

Kumsada 34:5

Oca ku Jakó obi kuma si fiju Dina disonraduba, si fijus staba na kampu ku si limarias. I kala tok e bin.

Kumsada 37:12

Si ermons bai bakia koral di se pape pertu di Siken.

Kumsada 37:2

Asin ki kontisi na vida di Jakó. Oca José teneba disaseti anu, i ta bakiaba karnelis ku si ermons, fijus di Bila ku fijus di Zilpa, minjeris di si pape. José sempri i ta bin konta se pape mau kusas aserka delis.

Kumsada 43:32

E sirbi di sil aparti, e sirbi tambi di si ermons aparti; ejipsius ku ta kumeba ku el, e sirbi elis tudu aparti; ejipsius ka pudiba kume ku ebreus, pabia i sedu un kusa nujenti pa elis.

Kumsada 45:10

Bu na mora na tera di Gosen, bu na sta pertu di mi, abo ku bu fijus ku bu netus, ku bu karnelis ku bakas, ku tudu ku bu tene.

Kumsada 45:18

bo tisi bo pape ku bo familias pa mi. N na da bos minjor parti di tera di Ejitu; bo na kume fartura di tera.’

Kumsada 46:32

Omis e sedu bakiaduris di karnel, pabia e sedu jinti ku ta sta ku limarias; e tisi se karnel ku se bakas, ku tudu ke tene.’

Kumsada 47:11

José da si pape ku si ermons kau ku pertensi elis propi na minjor parti di tera di Ejitu, na ladu di Ramasés, pa e mora la, suma ku Faraó daba ordi.

Kumsada 47:3

Faraó punta si ermons: “Kal ki bo tarbaju?” E ruspundi Faraó: “Bu servus e sedu bakiaduris di karnel, suma no papes tambi.”

Kumsada 47:4

E falal mas: “No bin pa fika ne tera un bokadu, pabia fomi i duru na Kanaan; kumida ka ten pa karnelis di bu servus. No rogau pa bu disa bu servus mora na tera di Gosen.”

Kumsada 47:6

Tera di Ejitu sta bu dianti. Pui bu pape ku bu ermons pa e mora na minjor parti di tera, na ladu di Gosen. Si bu kunsi utrus na se metadi ku ten jitu, bu ta pui elis suma ŝefis di bakiaduris di ña limarias.”

Saida 8:22

Na ki dia N na separa tera di Gosen nunde ku ña pobu mora nel, pa i ka tene ki manga di moska, pa bu pudi sibi kuma ami i SIÑOR ku sta ne tera.

Saida 8:26

Moisés falal: “No ka pudi fasi kila, pabia limarias ku no ta sakrifika pa SIÑOR i nujenti pa ejipsius. Nta, si no bin na fasi sakrifisiu nujenti na uju di ejipsius, e ka na bin matanu ku pedra?