Kumsada 46:3 - BIBLIA - traduson antigu in Krioulo

³ I falal: “Ami i Deus, Deus di bu pape. Ka bu ten medu di bai pa Ejitu, pabia la N na fasiu un garandi nason.

Kumsada 46:3 ပူးပေါင်းရင်းမြစ်များ

Kumsada 12:2

N na fasiu un garandi nason, N na bensuau, N na fasi bu nomi pa i sedu garandi; bu na sedu un benson.

Kumsada 15:1

Dipus de kusas tudu pasa, SIÑOR bin papia ku Abron na vison, i falal: “Abron, ka bu ten medu. Ami i bu tajadera; N sedu bu garandi premiu.”

Kumsada 15:13

SIÑOR falal: “Bu pudi sibi sertu kuma bu jorson na bai sedu stranjeru na un tera ki ka di selis. E na sedu katibu, e na kastigadu kuatrusentus anu.

Kumsada 17:1

Oca Abron teneba noventa i novi anu, SIÑOR bin pa el, i falal: “Ami i Deus ku ten tudu puder. Yanda ña dianti, sin kulpa.

Kumsada 18:18

Di sertesa, Abraon na bin sedu un nason garandi ku ten puder. Tudu nasons na mundu na sedu sortiadu pabia del.

Kumsada 22:17

sin falta N na bensuau, N na fasi bu jorson pa i ciu suma strelas di seu o suma reia ku sta na praia di mar. E na ngaña se inimigus, e toma se prasas.

Kumsada 35:11

Deus falal mas: “Ami i Deus ku ten tudu puder. Bu na padi, tok bu jorson ciu. Bu na sedu pape di un nason, ku manga di nason. Reis na sai na bu jorson.

Kumsada 47:27

Asin fijus di Israel bin mora na Ejitu, na tera di Gosen. Ki terenu bin sedu di selis. E padi manga di fiju tok e bin ciu dimas.

Kumsada 48:16

ki anju ku kaplintin di tudu mal, pa i bensua e rapasis, pa e comadu na ña nomi, ku nomi di ña papes Abraon ku Isak; pa e buri suma multidon na tera.”

Kumsada 48:19

Si pape nega, i falal: “Ami N sibi, ña fiju, N sibi. El tambi i na sedu un rasa, i na sedu garandi, ma si ermon mas pikininu i na sedu mas garandi di ki el; si jorson na sedu manga di nason.”

Saida 1:12

Ma konformi e na kastiga elis, e mas na buri, tok e na inci tera. Asin ejipsius mas sinti ameasadu delis,

Saida 14:13

Moisés fala pobu: “Ka bo panta; bo ten koraẑen; bo na jubi kuma ku SIÑOR na libra bos. E ejipsius ku bo na oja aos, nunka mas bo ka na oja elis.

Isaias 41:10

Ka bu medi, pabia N sta ku bo; ka bu panta; ami i bu Deus, N na dau forsa, N na judau, N na nguentau ku mon direita ku ta fasi kusas diritu.

Jeremias 40:9

Jedalias, fiju di Aikan, fiju di Safan, jurmenta pa elis ku se omis, i fala elis: “Ka bo ten medu di jinti di Babilonia; bo fika ne tera, bo sirbi rei di Babilonia; asin tudu na kuri bos diritu.

Atus 27:24

i falan: ‘Paulu, ka bu medi; bu ten ku pursentadu dianti di rei garandi. Bu pudi ten sertesa kuma Deus dau vida di tudu e jinti ku sta ku bo na bias.’

Atus 7:17

“Oca ku tempu pertu pa Deus fasi ke ki falaba Abraon, numeru di no pobu na Ejitu buriba ciu.

Ripitison di Lei 1:10

SIÑOR bo Deus aumenta ja bo numeru; aos bo ciu suma strelas na seu.

Ripitison di Lei 10:22

Oca ku bu papes baiba pa Ejitu e seduba setenta jinti, ma gosi SIÑOR bu Deus fasi bos bo ciu suma strelas na seu.

Ripitison di Lei 26:5

Dipus bu na diklara dianti di SIÑOR bu Deus, bu fala: “Ña pape sai di Siria, i yanda-yanda, i bai pa Ejitu ku puku jinti, i mora la; la ki aumenta tok i ciu, i bin sedu garandi nason forti.