Kumsada 44:16 - BIBLIA - traduson antigu in Krioulo

¹⁶ Judá puntal: “Ke ku no na fala ña siñor? Ke ku no na kontal? Kuma ku no pudi proba kuma no ka ten kulpa? Deus bin diskubri pekadu di bu servus. Ali no sedu katibus di ña siñor, anos propi suma kil ku kopu ojadu ku el.”

Kumsada 44:16 ပူးပေါင်းရင်းမြစ်များ

Kumsada 37:7

No na maraba miju na lugar. Ña maradura lanta i firma; bo maraduras rodial, e mpina pa el.”

Kumsada 37:9

I suña inda utru suñu, i konta si ermons, i fala: “Bo sibi ke? N suña inda utru kusa, ku sol, lua ku onzi strela e mpina tudu ña dianti.”

Kumsada 44:17

Ma José falal: “Lunju di mi pa N fasi e kusa. Omi ku kopu ojadu na si mon, el ku na sedu ña katibu, ma abos bo pudi bai ku pas pa bo pape.”

Kumsada 44:32

Ami N fika fiadur pa vida di rapas dianti di ña pape, pabia N falal kuma, si N ka tornal el, N na sedu kulpadu tudu ña vida dianti di ña pape.

Kumsada 44:9

Siñor, si kualker di bu servus ojadu ku el, i na muri; anos ku sobra no na sedu bu katibu.”

1 Reis 17:18

Minjer punta Elias: “Omi di Deus, ke ku no ten? Bu bin pa mi pa lembranta Deus di ña pekadu, pa mata ña fiju?”

Esdras 9:10

“Gosi, no Deus, ke ku no na fala suma ku e kusas kontisi? No disobdisi mandamentus

Esdras 9:15

O SIÑOR Deus di Israel, abo i justu. Anos no kapli te aos. Ali no sta bu dianti na no kulpa, ma i ka ten ningin ku ten diritu di firma bu dianti pabia de kusa.”

Jo 40:4

“Ami N ka bali; ke ku N na ruspundiu? N pui mon na boka.

Ditus 17:15

Kil ku da roson pa kulpadu, ku kil ku kondena justu, e nujenti pa SIÑOR, tudu dus.

Ditus 28:17

Omi ku mata si kumpañer i na kuri te dia di si mortu; ka ningin judal.

Isaias 27:9

Purdon di pekadu di Israel i na sedu ora ku Israel tira si propi pekadu. I na purdadu ora ki fasi tudu pedras di si altaris suma padas pikininu di jis; ki idulus di Aserá ku altaris di nsensu e ka pudi fika di pe.

Isaias 5:3

Abos, moraduris di Jerusalen ku jinti di Judá, N pidi bos pa bo jubi diritu, ami ku ña orta di uva.

Daniel 9:7

“O SIÑOR, abo i justu, ma anos no sta na borgoña aos, anos jinti di Judá, ku moraduris di Jerusalen, ku tudu Israel, kilis ku sta pertu ku kilis ku sta lunju, na tudu teras ku bu pajiga elis pabia di mal ke fasi kontra bo.

Numerus 32:23

“Ma si bo ka fasi asin, i ta kontra bo peka kontra SIÑOR. Bo pudi sibi kuma bo pekadu i na oja bos.

Mateus 7:2

pabia manera ku bo julga utrus, asin tambi ku bo na julgadu. Midida ku bo midi ku el, i el ku bo na mididu ku el tambi.

Lukas 12:2

I ka ten nada kubridu ku ka na bin diskubridu, nin sukundidu ku ka na bin sibidu,

Atus 2:37

Oca jinti obi ki kusa, se korson fika tristi dimas; e punta Pedru ku ki utru apostolus: “Ermons, ke ku no dibi di fasi?”

Ripitison di Lei 25:1

Si dus omi tene keŝa na se metadi, e bai pa kau di fasi justisa pa kasu pudi julgadu, juisis na da roson pa kil ki justu, e na kondena kil ku ten kulpa.

Josué 7:1

Fijus di Israel bin kebra ki lei ku Deus pui pa dana tudu ku staba na Jerikó. Akan, fiju di Karmi, fiju di Zabdi, fiju di Zerá, di jorson di Judá, i toma utru kusas pruibidu. Raiba di SIÑOR yardi kontra fijus di Israel.

Josué 7:18

I fasi ki kasa pa i bin omi pa omi; i mostradu Akan, fiju di Karmi, fiju di Zabdi, fiju di Zerá, di jorson di Judá.

Ŝefis 1:7

Adoni-Bezek fala: “Setenta rei, ku dedus garandi di mon ku pe kortadu, e ta pañaba restu di kumida bas di ña mesa. Suma ku N fasi, asin ku Deus fasin tambi.” E lebal pa Jerusalen; la ki muri.