Kumsada 43:9 - BIBLIA - traduson antigu in Krioulo

⁹ Ami N na sedu fiadur pa el; bu na nkargan suma responsavel. Si N ka tisiu el, N ka pul dianti di bu rostu, N na sedu kulpadu bu dianti pa sempri.

Kumsada 43:9 ပူးပေါင်းရင်းမြစ်များ

Kumsada 31:39

N ka tisiu kilis ku limarias brabu sapa-sapa; N ta pagau elis. Kilis ku furtadu di dia ku di noti, bu ta pidinba pagamentu.

Kumsada 42:37

Ruben fala si pape: “Mata ña dus fiju si N ka torna tisiu el. Dan el na ña mon; ami N na tisil.”

Kumsada 43:10

Si no ka tardaba, gosi no staba ja na kamiñu pa riba.”

Kumsada 9:5

Tambi, sangi di vida di bos omis, si algin darmal, N na fasil justisa. N na fasi justisa ku tudu limaria ku tira vida di omi. Tambi N na fasi justisa ku tudu omi ku tira vida di si kumpañer omi.

2 Samuel 14:9

Minjer di Tekoa fala rei: “Ñu Rei, si algin fala di injustisa, kulpa ta kai riba di mi, ku familia di ña pape; rei ku si tronu ta fika libri di kulpa.”

1 Reis 1:21

Si i ka asin, ora ku Ñu Rei muri, i nteradu juntu ku si papes, ami ku ña fiju Salomon, no na tratadu suma kriminosus.”

Jo 17:3

“Dan bu palabra, bu sedu ña fiadur pa bo propi; kin mas ku pudi da mon pa seta sedu ña fiadur?

Salmus 119:122

Sedu fiadur di bu servu pa ben di si vida; ka bu disa jinti orgulyosu kalkan.

Ezekiel 3:18

Si N fala un omi mau kuma i na muri, bu ka avisal, bu ka falal pa i disa si kamiñu mau pa salba si vida, i na bin muri na si pekadu, ma N na pidiu pa bu da konta di si mortu.

Ezekiel 3:20

“Tambi si un omi bon disvia di si bon kamiñu, i kumsa na fasi mal, tok N bin pui un kusa si dianti pa i da tapada; manera ku bu ka avisal, i na bin muri na si pekadu. Ki kusas bon ki fasiba e ka na lembradu, ma N na pidiu pa bu da konta di si mortu.

Ezekiel 33:6

Ma si sintinela oja inimigu na bin, i ka toka korneta pa avisa jinti, si inimigu bin i mata un delis, ki algin na muri na si pekadu, ma N na pidi sintinela konta di si mortu.’

Ezekiel 33:8

Si N fala un omi mau kuma i na muri, abo bu ka avisal pa i muda di si mau kamiñu, ki omi mau na muri na si pekadu, ma N na pidiu konta di si mortu.

Lukas 11:50

De manera li Deus na pidi jinti di aos konta di sangi di tudu anunsiaduris ku matadu disna di kumsada di mundu,

Ebreus 7:22

Asin Jesus fasidu fiadur di un kontratu mas minjor, suma ku Deus fasil ku juramentu.