Kumsada 42:21 - BIBLIA - traduson antigu in Krioulo

²¹ e fala ŋutru: “Na bardadi no na kastigadu pabia di no ermon. No oja kuma i foronta, kontra i na roganuba pa si vida, ma anos no ka obi. I pabia di kila ku e foronta bin riba di nos.”

Kumsada 42:21 ပူးပေါင်းရင်းမြစ်များ

Kumsada 41:9

Dipus, ŝef di koperus fala Faraó: “Aos N lembra di ña pekadu.

Kumsada 44:16

Judá puntal: “Ke ku no na fala ña siñor? Ke ku no na kontal? Kuma ku no pudi proba kuma no ka ten kulpa? Deus bin diskubri pekadu di bu servus. Ali no sedu katibus di ña siñor, anos propi suma kil ku kopu ojadu ku el.”

Kumsada 45:3

José fala si ermons: “Ami i José. Ña pape bibu inda?” Si ermons ka pudi ruspundil, pabia e panta si dianti.

Kumsada 50:15

Dipus di mortu di se pape, ermons di José fala: “Talves José rakada un kusa kontra nos; sertamenti i na bin vinganu tudu mal ku no fasil.”

2 Samuel 12:13

Davi fala Natan: “N peka kontra SIÑOR.” Natan falal: “SIÑOR tira bu pekadu; bu ka na muri,

1 Reis 17:18

Minjer punta Elias: “Omi di Deus, ke ku no ten? Bu bin pa mi pa lembranta Deus di ña pekadu, pa mata ña fiju?”

Ditus 21:13

Kil ku tapa oreja ora ku koitadi na comal, el tambi i na coma, i ka na obidu.

Ditus 28:17

Omi ku mata si kumpañer i na kuri te dia di si mortu; ka ningin judal.

Jeremias 2:17

Nta tudu e kusas ku kontisi ku bo i ka pabia bu disa SIÑOR bu Deus, oca ki na giauba na kamiñu?

Jeremias 2:19

I bu maldadi ku na kastigau; bu disviu ku na raprindiu. Pensa diritu, bu jubi kuma ki sedu un kusa mau i malgos pa bu disa SIÑOR bu Deus, bu ka ten rispitu pa el.” Asin ku SIÑOR Deus ku ten tudu puder fala.

Jeremias 34:17

“Asin ami, SIÑOR, N fala: Bo ka obdisin pa da liberdadi, kada kin pa si ermon o si kumpañer. Asin ami, SIÑOR, N na da bos liberdadi — liberdadi pa muri ku spada, duensa o fomi. N na pui pa bo sedu un kusa meduñu dianti di tudu renus di mundu.

Jeremias 4:18

Bu manera di yanda ku kusas ku bu fasi i pui e kusas bin riba di bo. Es i bu kastigu; i malgos tok i ciga na bu korson.

Oseias 5:15

N na riba pa ña lugar, te dia ke rikuñisi se kulpa, e buskan. Na se foronta e na lanta mandrugada pa buskan.”

Numerus 32:23

“Ma si bo ka fasi asin, i ta kontra bo peka kontra SIÑOR. Bo pudi sibi kuma bo pekadu i na oja bos.

Mateus 7:2

pabia manera ku bo julga utrus, asin tambi ku bo na julgadu. Midida ku bo midi ku el, i el ku bo na mididu ku el tambi.

Markus 9:48

nunde ku se bicu ka ta muri, fugu nunka ka ta paga.

Lukas 16:28

pabia N tene sinku ermon; pa i bai avisa elis pa ka e bin tambi pa e lugar di kastigu.’

Atus 19:18

Manga delis ku seduba ja krentis e ta bin konfesa, e konta dianti di jinti kusas ke fasiba.

Tiagu 2:13

Kilis ku ka ten miserikordia pa utrus, e na julgadu sin miserikordia. Miserikordia ta ngaña riba di julgamentu.

1 Jon 1:9

Si no konfesa no pekadus, suma el i justu, i di konfiansa, i ta purda no pekadus, i ta limpanu di tudu kusa mau,

Ŝefis 1:7

Adoni-Bezek fala: “Setenta rei, ku dedus garandi di mon ku pe kortadu, e ta pañaba restu di kumida bas di ña mesa. Suma ku N fasi, asin ku Deus fasin tambi.” E lebal pa Jerusalen; la ki muri.