Kumsada 41:38 - BIBLIA - traduson antigu in Krioulo

³⁸ Faraó punta elis: “Nta no na oja un omi suma es ku tene spiritu di Deus?”

Kumsada 41:38 ပူးပေါင်းရင်းမြစ်များ

Kumsada 41:37

E planu parsi bon pa Faraó ku tudu si ŝefis.

Esdras 7:25

“Abo, Esdras, konformi jiresa ku bu Deus dau, bu ta kuji administraduris ku juisis ku na guberna tudu pobu di Trans-Eufrates ku kunsi leis di bu Deus. Kilis ku ka kunsi ki leis, bu ta nsina elis.

Jo 32:8

Na bardadi i ten spiritu na omi, ku sedu folgu di Deus ku ten tudu puder; el ku ta dal ntindimentu.

Ditus 14:35

Rei ta kontenti ku ŝef jiru, ma i ta paña raiba ku kil ku ka ta tarbaja diritu.

Ditus 22:29

Bu oja un omi ku ta tarbaja diritu? I na bin kolokadu na tarbaju di rei; i ka na tarbaja pa kualker algin.

Isaias 19:11

Na bardadi ŝefis di Zoan tulu; konsijaduris jiru di Faraó ta da konsiju di tulesa. Kuma ku kualker delis pudi fala Faraó: “Ami i fiju di jinti jiru, fiju di reis di antigu”?

Daniel 4:18

“Es i kusa ku ami, rei Nabukodonosor, N oja na ña suñu. Abo, Beltesazar, bu pudi splikan si signifikadu. Tudu konsijaduris na ña renu e ka pudi splikan el, ma abo bu pudi, pabia spiritu di deusis santu sta na bo.”

Daniel 4:6

Asin N da ordi pa tudu konsijaduris di Babilonia tisidu ña dianti, pa e splikan signifikadu di ki suñu.

Daniel 5:11

I ten un omi na bu renu ku tene spiritu di deusis santu. Oca ku bu pape seduba rei, ki omi i mostra lus di jiresa ku kuñisimentu, suma kuñisimentu di deusis. Bu pape, rei Nabukodonosor, i pul ŝef riba di diviñaduris, jambakusis, astrologus ku pauterus.

Daniel 5:14

N obi aserka di bo kuma spiritu di deusis sta na bo, kuma bu tene lus ku ntindimentu ku garandi jiresa.

Daniel 6:3

I mostra kuma i pudi tarbaja minjor di ki utru ministrus ku presidentis, pabia i seduba omi jiru dimas. Rei na pensaba pul riba di tudu renu.

Daniel 6:4

Ki ministrus ku presidentis fika e na buska roson pa pudi keŝa di Daniel na parti di si tarbaju na renu, ma e ka oja kulpa nel, pabia Daniel seduba di fiansa. E ka oja nin kurupson nin falia nel.

Numerus 27:18

SIÑOR fala Moisés: “Toma Josué, fiju di Nun, un omi ku tene spiritu, bu pui mon riba del,