Kumsada 4:5 - BIBLIA - traduson antigu in Krioulo

⁵ ma i ka risibi Kain nin si oferta. Kain paña raiba, tok si rostu muda.

Kumsada 4:5 ပူးပေါင်းရင်းမြစ်များ

Kumsada 31:2

Jakó oja kuma rostu di Labon i ka seduba suma purmeru.

Kumsada 31:5

I fala elis: “N oja kuma rostu di bo pape ku mi i ka sta suma purmeru, ma Deus di ña pape i sta ku mi.

Kumsada 39:19

Dunu di José obi ki palabra ku si minjer kontal, kuma asin ku ’sin ku si katibu fasil; i paña mbruta di raiba,

Jo 15:13

Bu pui bu raiba vira kontra Deus; bu disa ki palabras sai na bu boka.

Jo 5:2

Bu ta sedu tulu si bu fika ku kudadi, bu guarda raiba dentru di bo tok i matau.

Salmus 20:3

Pa i lembra di tudu bu sakrifisius, i seta bu ofertas kemadu. Sela

Ditus 19:3

Tulesa di omi ta dana si vida, ma dipus i ta bin paña raiba di SIÑOR.

Ditus 29:10

Omis ku ta darma sangi e ta aburisi algin di bardadi, ma jinti retu e ta buska ben pa el.

Eklesiastis 4:4

N nota kuma i nveẑa di si kumpañer ku ta pui omi tarbaja ciu ku jitu pa i pudi ngaña. Es tambi i bakatela, suma algin ku na serka bentu.

Isaias 3:9

Se rostu ta mostra se kulpa; elis e ta peka dianti di jinti suma jinti di Sodoma ta pekaba; e ka ta sukundi. Ai delis! E ta fasi mal pa se kabesa.

Numerus 16:15

Moisés raiba ciu, i fala SIÑOR: “Ka bu seta se oferta. N ka toma nada delis, nin un buru; N ka yara nin un delis.”

Mateus 20:15

Nta N ka ten diritu di fasi ke ku N misti ku kil ki di mi? Pabia di ke ku bu na oja mal na bon kusa ku N fasi?’

Atus 13:45

Judeus, oca ke oja ki multidon di jinti, e inci di nveẑa, e kumsa na papia mau palabra kontra kil ku Paulu na fala.

Ebreus 11:4

I fe ku pui Abel da Deus sakrifisiu mas bon di ki kil di Kain. E ku manda Deus ngabal kuma i justu; i kontenti ku si oferta. Pabia di fe, te dipus di mortu, i na papia inda.

Judas 1:11

Koitadi delis! E bai na kamiñu ku Kain bai. Pa amor di diñeru e murguja na eru suma Balaon. E rafila suma Koré; e pirdi suma el.

1 Samuel 16:7

Ma SIÑOR fala Samuel: “Ka bu mporta ku si parsensa, manera ki altu asin, pabia N negal. SIÑOR ka ta jubi manera ku omi ta jubi, pabia omi ta jubi kil ku sta dianti di si uju, ma SIÑOR ta jubi korson.”