Kumsada 4:12 - BIBLIA - traduson antigu in Krioulo

¹² Ora ku bu labra con, nada i ka na dau. Bu na ba ta yanda-yanda, bu ka na tene kau sertu di mora na tera.”

Kumsada 4:12 ပူးပေါင်းရင်းမြစ်များ

Kumsada 4:13

Kain fala SIÑOR: “Ña kastigu i mas di ki kil ku N pudi nguenta.

Kumsada 4:14

Aos bu na serkan na tera; N ten ku sukundi di bu rostu. N na ba ta yanda-yanda na tera, sin kau sertu di mora. Tudu kin ku ojan, i na matan.”

Salmus 107:34

Tera ku ta pruduzi ciu, i bidantal suma lala salgadu, pabia di maldadi di kilis ku mora la.

Salmus 109:10

Pa si fijus yanda-yanda pa pidi simola; pa e serkadu di se kasas ku dana.

Ditus 28:17

Omi ku mata si kumpañer i na kuri te dia di si mortu; ka ningin judal.

Oseias 9:17

Ña Deus na nega elis pabia e ka obdisil. E na yanda-yanda na metadi di nasons.

Joel 1:10

Lugar danadu, tera sta tristi, pabia trigu kabadu ku el; uvas seku, azeiti na falta.

Sirmonias 26:17

N na pui ña rostu kontra bos pa bo inimigus ngaña bos; kilis ku odia bos e na manda riba di bos. Bo na kuri sin ningin serka bos.

Sirmonias 26:20

Bo forsa na gastadu amonton, pabia bo con ka na da si prudutus; arvuris ka na padi se fruta.

Sirmonias 26:36

“Kilis di bos ku fika ku vida, N na miti medu na se korson na tera di se inimigus, tok baruju di paja ku bentu na supra i na pui elis pa e kuri. E na kuri suma kin ku na kapli di spada, tok e kai, sin ningin ka serka elis.

Romanus 8:20

pabia kusas ku Deus kumpu pirdi tudu se balur, e ka sedu nada. I ka pa se vontadi, ma i vontadi di kil ku baŝa elis,

Ripitison di Lei 28:15

Si bu ka para atenson pa palabra di SIÑOR bu Deus, bu ka pui sintidu pa obdisi tudu si mandamentus ku leis ku N na dau aos, tudu e maldison na yangasau, i fika riba di bo.