Kumsada 39:9 - BIBLIA - traduson antigu in Krioulo

⁹ Ne kasa i ka ten ningin riba di mi. Ña dunu ka tujin nada, si i ka sedu abo, pabia bu sedu si minjer. Kuma ku N na fasi e mal garandi, N peka kontra Deus?”

Kumsada 39:9 ပူးပေါင်းရင်းမြစ်များ

Kumsada 13:13

Omis di Sodoma seduba mau, e ta fasiba pekadu ciu kontra SIÑOR.

Kumsada 20:3

Deus bai pa Abimelek di noti na suñu, i falal: “Bu na muri pabia di minjer ku bu toma. I tene si omi ki kasa ku el.”

Kumsada 20:6

Deus falal na si suñu: “N sibi kuma bu fasi es ku bon korson. E ku manda N tujiu peka kontra mi. Asin N tujiu toka nel.

Kumsada 20:9

Abimelek coma Abraon, i puntal: “Ke ku bu fasinu? Na ke ku N peka kontra bo pa bu tisi garandi pekadu riba di mi ku ña renu? Bu fasin un kusa ku bu ka dibi di fasi.”

Kumsada 24:2

Abraon fala si servu ku mas tardaba ku el, ku ta tomaba konta di tudu ki teneba: “Pui bu mon bas di ña perna.

Kumsada 39:10

Minjer fika i na nsisti ku el kada dia, ma José nega bai dita ku el o sta juntu ku el.

Kumsada 41:40

N na pou riba di ña kasa; tudu ña pobu na sta bas di bu ordi. Son ami ku na sta riba di bo, suma N sta na tronu.”

Kumsada 42:18

Na terseru dia José fala elis: “Si bo fasi es, bo na tene vida, pabia ami N rispita Deus.

2 Samuel 11:27

Oca tempu di cur pasa, Davi manda tisil pa si kasa; i bai sedu si minjer, i padi un fiju ku el, ma SIÑOR ka kontenti ku ki kusa ku Davi fasi.

2 Samuel 12:13

Davi fala Natan: “N peka kontra SIÑOR.” Natan falal: “SIÑOR tira bu pekadu; bu ka na muri,

Neemias 5:15

ma ki purmeru gubernaduris ku staba antis di mi e seduba pisadu pa pobu, pabia e ta toma na se mon kumida ku biñu, suma tambi korenta mueda di prata. Fora di kila, se ajudantis ta dominaba riba di pobu. Ami N ka fasi asin, pabia N rispita Deus.

Neemias 6:11

N puntal: “Un omi suma mi dibi di kuri? O algin suma mi pudi yentra na kau sagradu, i fika ku vida? N ka na yentra la.”

Jo 31:23

Pabia kastigu di Deus i un kusa meduñu pa mi; suma N ka pudi nguenta si garandesa, N ka pudiba fasi kusas asin.

Salmus 51:4

I kontra bo ku N peka, i son kontra bo; N fasi kil ki mau bu dianti. Asin bu ten tudu roson ora ku bu papia, bu julgan.

Saida 20:14

“Ka bu dita ku algin ku bu ka kasa ku el.

Ditus 6:29

Asin ki sedu ku kil ku dita ku minjer di si kumpañer. Kil ku toka nel i ka na fika sin kulpa.

Ditus 6:32

Kil ku dita ku minjer di utru omi i ka tene kabesa; i dana si propi vida.

Eklesiastis 7:26

N oja un kusa mas malgos di ki mortu — un minjer ku si korson i ridia ku armadilia; si mon i korenti. Algin ki bon dianti di Deus i ta kapli del, ma i ta paña kil ku ta fasi pekadu.

Jeremias 28:16

E ku manda SIÑOR fala asin: ‘N na tirau na mundu. Bu na muri e anu, pabia bu palabra na pui jinti disobdisi SIÑOR.’ ”

Jeremias 50:7

Tudu kin ku oja elis, i ta nguli elis. Se inimigus ta falaba: ‘No ka ten kulpa, pabia e peka kontra SIÑOR, ku sedu se Morada justu, Speransa di se papes.’

Sirmonias 20:10

“Si un omi dita ku minjer di si kumpañer, elis tudu dus e na matadu, ku sedu omi ku minjer.

Sirmonias 6:2

“I pudi sedu ku algin peka, i fasi mal kontra SIÑOR, manera ki nega torna kusa ku si kumpañer ntregal na si mon pa i rakada, o i furta, o i toma kusas di si kumpañer ku violensia,

Numerus 32:23

“Ma si bo ka fasi asin, i ta kontra bo peka kontra SIÑOR. Bo pudi sibi kuma bo pekadu i na oja bos.

Lukas 12:48

ma kil ku ka sibi, i fasi kusa ku mersi kastigu, i ta dadu puku suti. Kil ku dadu ciu i ta pididu ciu; kil ku ntregadu ciu i na pididu mas ciu.

1 Koríntius 4:2

Agora no na pera kuma un nkargadu dibi di ojadu fiel.

Titu 2:10

ka e ba ta toma kusa ku se dunu ka da elis, ma e ten ku mostra sedu sempri bon i fiel, pa e sedu un bon fajamentu na tudu kusa pa nsinamentu di Deus no Salbadur.

Ebreus 13:4

Pa tudu jinti rispita kasamenti. Kama di kasadu pa ka i mancadu ku pekadu. Deus na julga kilis ku ta sta na vida susu, ku pekadu seksual.

1 Jon 3:9

Kil ku padidu na familia di Deus ka ta fasi pekadu, pabia simentera di Deus sta nel. I ka pudi kontinua na pekadu, pabia i padidu na familia di Deus.

Apokalipsi 21:8

Ma pa kilis ku kobardu, ku kilis ki ka fiel, ku jinti di vida susu, ku mataduris, kaiduris di cai, botaduris di sorti, kilis ku ta adora idulus, ku tudu munturusis, se lugar i na sedu na lagua ku na yardi ku fugu ku nŝofri; i el ki sugundu mortu.”

Apokalipsi 22:15

Kilis ku ta fasi suma kacur e ten ku fika fora, ku botaduris di sorti, ku kilis ku ta fasi pekadu seksual, ku mataduris, ku adoraduris di idulus, ku kilis ku gosta di konta mintida.