Kumsada 39:6 - BIBLIA - traduson antigu in Krioulo

⁶ Asin i disa tudu kil ki teneba na mon di José. I ka ta mportaba ku nada, son kumida ki ta kumeba. José seduba rapas bonitu ku teneba bon forma di kurpu.

Kumsada 39:6 ပူးပေါင်းရင်းမြစ်များ

Kumsada 29:17

Leia teneba ujus fraku, ma Rakel tene bon forma di po di kurpu ku rostu bonitu.

Kumsada 39:23

Ŝef di kalabus ka ta kuda ku nada ku staba na mon di José, pabia SIÑOR staba ku José, i ta pui tudu kil ki na fasi pa i kuri diritu.

Kumsada 39:4

Asin José oja fabur na uju di Potifar, i bin sedu si mon direita. Pabia di kila, Potifar pul riba di tudu si kasa, i ntregal tudu kil ki teneba na si mon.

Kumsada 39:8

Ma José nega, i falal: “Ña dunu ka ta mporta ku nada na kasa. Tudu kil ki tene i ntregal na ña mon.

Kumsada 43:32

E sirbi di sil aparti, e sirbi tambi di si ermons aparti; ejipsius ku ta kumeba ku el, e sirbi elis tudu aparti; ejipsius ka pudiba kume ku ebreus, pabia i sedu un kusa nujenti pa elis.

Ditus 31:11

Si omi ta pui tudu si fiansa nel, i ka ta ten falta di nada.

Lukas 16:10

Kil ki fiel na kusasiñu, tambi i ta sedu fiel na kusa garandi. Kil ki malandru na kusasiñu, tambi i ta malandru na kusa garandi.

Lukas 19:17

I falal: ‘Abo i bon servu, bu fasi ben. Suma bu sedu fiel na kusa pikininu, bu na manda riba di des prasa.’

Atus 7:20

Na ki tempu Moisés padidu. I bonitu ba dimas; i sukundidu tris mis na kasa di si pape.

1 Samuel 16:12

I manda buskal. I seduba rapas bonitu, ku kara di saudi, ku bon parsensa. SIÑOR fala Samuel: “Lanta bu unjil, pabia i es propi.”

1 Samuel 17:42

Filisteu jubi Davi diritu, i oja kuma i sedu rapas inda, ku bon parsensa ku rostu di saudi; i njutil,