Kumsada 38:16 - BIBLIA - traduson antigu in Krioulo

¹⁶ I bai pa el na kamiñu, pabia i ka sibiba kuma i minjer di si fiju. I falal: “Bin pa N dita ku bo.” Tamar puntal: “Ke ku bu na dan pa N dita ku bo?”

Kumsada 38:16 ပူးပေါင်းရင်းမြစ်များ

Kumsada 38:15

Judá ojal, i kuda kuma i minjer di mau fama, suma ki kubriba si rostu.

Kumsada 38:17

I falal: “N na mandau kabritu.” I puntal: “Bu na fikan ku un kusa te ora ku bu bin mandal?”

2 Samuel 13:11

Oca ki na dal ki bulus pa i kume, Amnon pegal, i falal: “Ña irma, bin dita ku mi.”

Ezekiel 16:33

Tudu minjer di mau vida i ta pagadu, ma abo bu ta da pursentis pa tudu bu amantis. Bu ta da elis suku di bas pa e bin pa bo di tudu ladu pa dita ku bo.

Mateus 26:15

i punta elis: “Ke ku bo na dan pa N pudi ntrega bos el?” Elis e pesal trinta mueda di prata.

Ripitison di Lei 23:18

Diñeru ngañadu na mau vida, nin si i di minjer o di omi, i ka pudi tisidu pa kasa di SIÑOR bu Deus pa paga kualker votu, pabia SIÑOR nuju e kustumus tudu.

1 Timótiu 6:10

Amor pa diñeru i rais di tudu koldadi mal. Utru jinti buskal tok e disvia na fe; e fidi se vida ku manga di dur.