Kumsada 37:8 - BIBLIA - traduson antigu in Krioulo

⁸ Si ermons falal: “Aa! Bu na rena riba di nos? Abo ku na manda riba di nos?” Elis e mas disgosta del pabia di si suñu, ku palabras ki na konta.

Kumsada 37:8 ပူးပေါင်းရင်းမြစ်များ

Kumsada 27:41

Esaú sinti rankor kontra Jakó pabia di ki benson ku si pape dalba. I fala na si sintidu: “Dias di cur di ña pape i pertu. Dipus N na mata ña ermon Jakó.”

Kumsada 37:4

Oca si ermons oja kuma se pape amal mas di ki elis tudu, e disgosta del; e ka pudiba ja papia ku el ku pas.

Kumsada 37:9

I suña inda utru suñu, i konta si ermons, i fala: “Bo sibi ke? N suña inda utru kusa, ku sol, lua ku onzi strela e mpina tudu ña dianti.”

Kumsada 42:10

E ruspundi: “Siñor, i ka asin, ma bu servus bin pa kumpra kumida.

Kumsada 44:18

Judá bai pa el i falal: “Siñor, di fabur, dan lisensa pa N papia un palabra ku bo. Ka bu paña raiba kontra bu servu, pabia bu sedu suma Faraó.

Kumsada 49:26

Bensons di bu pape i mas ciu di ki bensons di ña papes, mas di ki rikesas di montis di antigu. Ki bensons e na sta riba di kabesa di José, riba di testa di kil ku separadu di si ermons.

Kumsada 50:18

Dipus, si ermons propi e bin, e mborka na con si dianti, e falal: “Ali no sta suma bu servus.”

Salmus 118:22

Pedra ku pedrerus nega i bin sedu purmeru pedra di kantu;

Saida 2:14

Kila puntal: “Kin ku pou suma no ŝef pa bu julganu? Bu misti matan suma ku bu mata ki omi di Ejitu?” Moisés medi, i fala na si sintidu: “E kusa i sibidu.”

Lukas 19:14

“Pobu di si tera ka gosta del, e kuji jinti, e manda elis si tras pa konta kuma e ka misti pa ki omi rena riba delis,

Lukas 20:17

Jesus finka uju nelis, i punta: “E palabra di Skritura ku fala: ‘Pedra ku pedrerus nega i fasidu purmeru pedra di kantu,’ kal ki si sintidu?

Atus 7:35

“I e Moisés ke nega, e puntal: ‘Kin ku pou suma ŝef o juis?’ I el ku Deus manda suma ŝef i libertadur, kontra i papia na boka di anju ku parsi na ki arvurisiñu.

Ripitison di Lei 33:16

ku kusas mas minjor di tera ku tudu si rikesa, ku fabur di kil ku staba na arvurisiñu ku na yardiba; pa e benson tudu bin riba di kabesa di José, riba di testa di kil ku separadu di si ermons.

Ebreus 10:29

Nta ke ku bo oja di algin ku masa Fiju di Deus, ku tene sangi di kontratu ki santifikadu ku el suma kusa lebi, ku papia mal kontra Spiritu di grasa? Bo kuda kuma ki na mersi kastigu mas pior inda!

1 Samuel 10:27

ma utru omis mau punta: “Nta i es ku na bin libertanu?” E njutil, e ka lebal ofertas, ma Saul kala boka.

1 Samuel 17:28

Eliab, si ermon mas garandi, obil i na papia ku ki omis; i paña raiba di Davi, i puntal: “Ke ku bu bin fasi li? Kin ku bu fika ku ki puku karnel la na lala? N kunsi bu orgulyu, ku maldadi di bu pensamentu! Bu bin son pa bin jubi gera.”

1 Samuel 18:8

Saul paña raiba; ki palabras ka fikal sabi. I fala na si sintidu: “E na da Davi si des milyaris; ami, son milyaris ke dan! Na bardadi, ke ku faltal mas si i ka renansa?”