Kumsada 33:4 - BIBLIA - traduson antigu in Krioulo

⁴ Esaú kuri pa kontra ku Jakó, i barsal, i beẑal; e cora.

Kumsada 33:4 ပူးပေါင်းရင်းမြစ်များ

Kumsada 29:11

Jakó da Rakel beẑu, i yalsa si fála, i cora.

Kumsada 29:13

Oca Labon obi noba di Jakó, fiju di si irma, i kuri pa bai dal kontrada. I barsal, i dal beẑu, i lebal pa si kasa. Jakó konta Labon tudu e kusas.

Kumsada 32:11

N pidiu pa bu salban di ña ermon Esaú, pabia N medi pa ka i bin atakan, tudu ku minjeris ku fijus.

Kumsada 32:28

Omi falal: “Bu nomi ka na sedu mas Jakó, ma Israel, pabia bu luta ku Deus, tambi ku omis, bu ngaña.”

Kumsada 43:30

José sinti tokadu dimas pa si ermon, i buska kau nunde ki na cora; i yentra na un kuartu partikular, i cora la.

Kumsada 43:34

Kumida sirbidu pa elis di mesa di José, ma kumida di Benjamin i seduba sinku bias mas garandi di ki kualker un delis. E kume, e bibi, e fika kontenti ku el.

Kumsada 45:2

I cora risu, tok ejipsius obil. Jinti di kasa di Faraó obil.

Kumsada 46:29

José manda purpara karu, i bai pa kontra ku Israel, si pape, na Gosen. Oca ki ojal, i barsal, i cora ciu.

2 Samuel 14:33

Asin Joab bai nunde rei, i kontal ke ku Absalon fala. Rei manda coma Absalon; kila bai nunde el, i mpina si dianti ku rostu na con. Rei beẑa Absalon.

Neemias 1:11

SIÑOR, yabri bu oreja pa orason di bu servu, tambi pa orason di utru bu servus ku misti rispita bu nomi. Judan aos, bu pui na korson de omi pa i mostran fabur.” Ña tarbaju seduba ntrega rei kopu.

Jo 2:12

Oca ke staba inda lunju, e ojal, e ka raparal. Dipus e yalsa se fála, e cora; kada kin rumpi si manta, i bota puera riba di si kabesa.

Salmus 34:4

N buska SIÑOR; el i kudin, i libran di tudu ña medu.

Ditus 16:7

Si SIÑOR sta kontenti ku manera ku un omi na yanda, i ta fasi si inimigus ten pas ku el.

Ditus 21:1

SIÑOR ta diriẑi pensamentus di rei suma ki ta pui yagu na riusiñus pa i kuri na manera ku el i misti.

Lukas 15:20

I lanta ki ora, i bai pa si pape. Oca i staba inda lunju, si pape ojal, i sinti garandi pena del, i kuri, i barsal, i dal beẑu.

Atus 20:37

Tudu elis e cora risu, e barsa Paulu, e dal beẑu.

1 Samuel 20:41

Oca rapas bai, Davi lanta tras di ki pedra, i mpina tris bias ku si rostu na con; e beẑa ŋutru, e cora juntu, ma Davi ku mas cora ciu.