Kumsada 3:8 - BIBLIA - traduson antigu in Krioulo

⁸ Adon ku si minjer obi SIÑOR Deus na pasia na jardin na fuska-fuska. E sukundi di si pursensa na metadi di arvuris di jardin.

Kumsada 3:8 ပူးပေါင်းရင်းမြစ်များ

Kumsada 18:33

Oca ku SIÑOR kaba papia ku Abraon, i bai. Abraon riba pa si kau.

Kumsada 3:10

Adon falal: “N obiu na jardin, N sinti medu, pabia N sta nun. E ku manda N sukundi.”

Jo 22:14

Nuvens ta kubril, tok i ka pudi oja; el i ta pasia na roda di seu.’

Jo 31:33

N ka kubri ña pekadus suma Adon, N ka sukundi ña kulpa na korson,

Jo 38:1

Dipus di kila, SIÑOR ruspundi Jo na metadi di urdumuñu, i puntal:

Ditus 15:3

Uju di SIÑOR sta na tudu kau, i na jubi jinti mau ku bon.

Jeremias 23:24

Algin pudi sukundi na un kau ku N ka na ojal? Nta ami N ka inci seu ku tera?” Asin ku SIÑOR punta.

Oseias 10:8

Kaus altu di Aven, nunde ku Israel ta fasi pekadu, e na danadu. Pe di fidida ku tudu plantas ku ta fidi na nasi, e kubri se altaris. E na fala montañas: “Bo kubrinu!” E na fala montis: “Bo kai riba di nos!”

Sirmonias 26:12

N na yanda na bo metadi, N na sedu bo Deus; bo na sedu ña pobu.

Jonas 1:3

Jonas lanta pa kuri pa Tarsis, pa kapli di SIÑOR. I bai pa Jope, i oja un barku ku na bai pa Tarsis. I paga si pasaju, i mbarka pa bai ku elis pa Tarsis, pa i pudi kapli di SIÑOR.

Romanus 2:15

E mostra kuma kusa ku lei manda i sta skritu na se korson. Se sintidu tambi na mostra kuma es i bardadi, pabia utru ora se pensamentu ta akusa elis, utru ora i ta difindi elis.

Ripitison di Lei 23:14

SIÑOR bu Deus ta yanda na metadi di bu kampamentu, pa difindiu, tambi pa dau vitoria riba di bu inimigus. Pabia di kila, bu kampamentu ten ku sedu puru, pa i ka oja kusa fiu na bo, i dau kosta.

Ripitison di Lei 4:33

Nta i ten un pobu ku ciga di obi vos di Deus ku na papia na metadi di fugu, e fika ku vida, suma ku bo obil?

Ripitison di Lei 5:25

Ma kuma ku no na pui no kabesa na pirigu di mortu? E fugu meduñu i pudi kaba ku nos. Si no kontinua obi vos di SIÑOR no Deus, no pudi muri.

Ebreus 4:13

I ka ten nada ku Deus kumpu ku pudi sukundi del, ma tudu kusa sta nun i klaru na uju di kil ku no ten ku da konta si dianti.

Apokalipsi 6:15

Reis di tera ku garandis, ŝefis militar, rikus, ku kilis di puder, tudu katibus ku libris, e sukundi na kobas, ku burakus di pedra na montañas;