Kumsada 3:23 - BIBLIA - traduson antigu in Krioulo

²³ Asin SIÑOR Deus serkal fora di jardin di Eden, pa i bai labra con ki tiraduba nel.

Kumsada 3:23 ပူးပေါင်းရင်းမြစ်များ

Kumsada 2:5

planta ka tenba inda na tera, nin paja ka nasiba inda, pabia SIÑOR Deus i ka mandaba inda cuba riba di tera, nin i ka tenba omi ku na labra con,

Kumsada 2:7

SIÑOR Deus bin kumpu omi ku reia di con, i supral na si naris, i da folgu di vida. Omi bin sedu kriatura bibu.

Kumsada 2:8

SIÑOR Deus fasi jardin na tera comadu Eden na saida di sol, i toma omi ki kumpuba, i pul la.

Kumsada 3:19

Bu na kume bu kumida ku kalur di bu rostu, tok bu riba pa con nunde ku bu tiradu; pabia bu kumpudu ku reia; bu na torna sedu reia.”

Kumsada 3:22

SIÑOR Deus fala: “Omi gosi i suma un di nos; i kunsi ben ku mal. No ka dibi di disal pa i distindi mon pa i toma tambi fruta di ki arvuri ku ta da vida; si i kumel, i ta vivi pa sempri.”

Kumsada 3:24

Dipus di tira omi fora, i pui kirubins na jardin di Eden, na ladu di saida di sol, ku un spada burmeju di fugu, ku na yanda i na da volta, pa guarda kamiñu di ki arvuri ku ta da vida.

Kumsada 4:12

Ora ku bu labra con, nada i ka na dau. Bu na ba ta yanda-yanda, bu ka na tene kau sertu di mora na tera.”

Kumsada 4:2

Mas tardi i padi si ermon Abel. Abel seduba bakiadur di karnel; Kain i labradur.

Kumsada 9:20

Noe, ku seduba labradur di con, i paranta orta di pe di uva,

Eklesiastis 5:9

Purbitu di tera i pa tudu jinti; te rei ta purbita di lugar di labur.