Kumsada 3:19 - BIBLIA - traduson antigu in Krioulo

¹⁹ Bu na kume bu kumida ku kalur di bu rostu, tok bu riba pa con nunde ku bu tiradu; pabia bu kumpudu ku reia; bu na torna sedu reia.”

Kumsada 3:19 ပူးပေါင်းရင်းမြစ်များ

Kumsada 18:27

Abraon ruspundi i falal: “Suma ku N mara koraẑen pa papia ku Siñor, nin ku N sedu suma puera ku sinsa,

Kumsada 2:7

SIÑOR Deus bin kumpu omi ku reia di con, i supral na si naris, i da folgu di vida. Omi bin sedu kriatura bibu.

Kumsada 23:4

“Ami i stranjeru ku bin mora na bo metadi. Bo bindin un terenu ku pudi sedu simiteriu, pa N pudi ntera ña difuntu.”

Kumsada 3:18

I na padiu pe di fidida ku paja brabu; bu na kume plantas di matu.

Kumsada 5:5

Tudu vida di Adon i 930 anu; dipus i muri.

Jo 1:21

i fala: “Nun ku N sai na bariga di ña mame; nun ku N na disa e mundu. I SIÑOR ku dan; i el ku toma. Pa nomi di SIÑOR ngabadu!”

Jo 10:9

Lembra kuma bu kumpun ku lama; gosi bu misti bidantan reia.

Jo 19:26

Dipus ku ña peli kumedu, ami, na ña karni, N na oja Deus.

Jo 21:26

E ta dita na con juntu, nunde ku bicus ta kubri elis.

Jo 34:15

jinti ku tene vida ta muriba tudu juntu; omi ta ribaba pa reia.

Jo 4:19

ku fadi kilis ku kumpudu ku lama, se alisersu sta na reia, e ta kebrantadu suma bicu!

Salmus 103:14

pabia i sibi kuma ku no kumpudu; i ta lembra kuma anos i reia.

Salmus 104:23

Omi ta sai pa si tarbaju, i ta pega nel te di tardi.

Salmus 104:29

Si bu sukundi bu rostu, e ta tarpaja. Si bu korta elis folgu, e ta muri, e riba pa reia.

Salmus 127:2

I ka bali pena mandurga, bu dita tardi, bu tarbaja ciu pa oja kumida, pabia i ta dal pa kilis ki ama, nkuantu e na durmi.

Salmus 22:15

Ña forsa seku kan! Ña lingua pega na jinjirba; bu ditandan na reia di mortu.

Salmus 22:29

Tudu garandis di mundu na bin kume, e adoral; tudu kilis ku na ria pa koba na mpina si dianti, suma tambi kilis ku ka pudi guarda se propi vida.

Salmus 90:3

Bu ta pui omi pa i torna sedu reia, bu fala: “Abos omis, bo riba pa kil ku bo seduba.”

Ditus 21:16

Omi ku disvia di kamiñu di ntindimentu i na bai diskansa juntu ku mortus.

Eklesiastis 1:13

N pui sintidu pa rabista, pa N studa ku jiresa tudu ku pasa bas di seu. Es i kargu kansadu ku Deus pui riba di omis!

Eklesiastis 1:3

Kal purbitu ku omi ten di tudu si tarbaju ki fasi bas di sol?

Eklesiastis 12:7

reia riba pa con, suma ki seduba; spiritu riba pa Deus, kil ku dal.

Eklesiastis 3:20

E na bai tudu pa un lugar son; tudu elis i reia, e na riba pa reia.

Eklesiastis 5:15

Suma ki sai nun na bariga di si mame, asin ki na riba nun. I ka na tene nada di si tarbaju ki pudi leba na mon.

Daniel 12:2

Manga del ku nteradu na con e na lanta, utrus pa vida ku ka ta kaba, utrus pa borgoña ku disprezu ku ka ta kaba.

1 Koríntius 15:47

Purmeru omi, kumpudu di reia, i di tera; sugundu omi bin di seu.

Efésius 4:28

Kil ku ta furtaba, pa i para furta, i pega ku si mon, i fasi bon tarbaju, pa i pudi tene kil ku ciga pa i rapati ku kil ku ka tene.

1 Tesalonisensis 2:9

Ermons, N ten sertesa kuma bo lembra di no tarbaju ku fadiga. Oca ku no na konta bos Bon Noba di Deus, no ta tarbajaba di noti ku di dia pa ka no sedu kargu pisadu pa nin un di bos.

2 Tesalonisensis 3:10

Ocanu ku bos, no da bos e ordi: “Si algin nega tarbaja, i ka dibi di kume tambi.”

Ebreus 9:27

Tudu jinti ten ku muri un bias; dipus, julgamentu na bin.