Kumsada 28:16 - BIBLIA - traduson antigu in Krioulo

¹⁶ Jakó korda na sonu, i fala: “Bardadi! SIÑOR sta ne kau, ma N ka sibiba.”

Kumsada 28:16 ပူးပေါင်းရင်းမြစ်များ

1 Reis 3:15

Salomon korda, i rapara kuma i seduba suñu. I bai Jerusalen, i bai firma dianti di arka di kontratu di SIÑOR, i sakrifika ofertas kemadu ku ofertas di pas, i fasi festa pa jinti di si sirvis.

Jo 33:14

Ma Deus ta papia, i torna papia mas; i son kuma ningin ka ta nota.

Jo 9:11

I ta pasa ña dianti, ma N ka ta ojal. i ta ripiti pasa, ma nin N ka ta sintil.

Salmus 139:7

Nunde ku N pudi kapli di bu Spiritu? Nunde ku N pudi kuri di bu rostu?

Salmus 68:35

O Deus, abo i meduñu na bu kau sagradu! Deus di Israel ta da forsa ku puder pa si pobu. Deus mersi ngabadu!

Saida 15:11

O SIÑOR, na metadi di deusis, kin ku sedu suma bo? Kin ki suma bo ki garandi dimas na puresa, ku ta ngabadu ku medu, ku ta fasi milagris?

Saida 3:4

Oca ku SIÑOR oja kuma Moisés na bai pa la pa bai jubi, i comal na metadi di arvurisiñu: “Moisés, Moisés!” I kudil i fala: “Alin li.”

Saida 3:5

Deus falal: “Ka bu ciga mas pertu. Tira bu sapatus, pabia kau ku bu na masa i con sagradu.”

Isaias 8:13

SIÑOR ku ten tudu puder, el ku bo na tene suma santu; el ku bo na ten medu del, ku bo pudi panta pabia del.

Jeremias 31:26

Na ki ora N korda, N jubi na roda; N oja kuma ña sonu i sabi.

Numerus 12:6

I fala elis: “Bo sukuta ke ku N na fala. “Si anunsiadur ten na bo metadi, ami, SIÑOR, N ta pul pa i kunsin na vison, o N ta papia ku el na suñus.

Josué 5:13

Oca ku Josué staba pertu di Jerikó, i yalsa uju, i oja un omi ku firma si dianti, ku teneba si mon na spada ki busi. Josué bai pa el i puntal: “Abo i di nos o di no inimigus?”

Josué 5:15

Kumandanti di tropas di SIÑOR fala Josué: “Tira sapatu na bu pe, pabia kau ku bu sta nel i sagradu.” Josué fasi suma ku anju falal.