Kumsada 27:40 - BIBLIA - traduson antigu in Krioulo

⁴⁰ Bu na vivi ku spada na mon; bu na sirbi bu ermon, ma tempu na ciga ku bu na sedu rebeldi, bu na sakudi si korenti na bu garganti.”

Kumsada 27:40 ပူးပေါင်းရင်းမြစ်များ

Kumsada 25:23

SIÑOR falal: “Dus nason ku sta na bu bariga. Bu na padi dus jorson ku na separa. Un jorson na sedu mas forti di ki ki utru; Ki mas garandi na sirbi ki mas pikininu.”

Kumsada 27:29

Pa utru jinti sirbiu; nasons pa e mpina bu dianti; pa bu sedu siñor riba di bu ermons; fijus di bu mame pa e mpina bu dianti. Kilis ku ta maldisuau, pa e sedu maldisuadu; kilis ku ta bensuau, pa e sedu bensuadu.”

Kumsada 32:6

Oca ki jinti riba pa Jakó, e falal: “No bai pa bu ermon Esaú; i sta ja na kamiñu pa bin kontra ku bo, ku kuatrusentus omi ku el.”

Kumsada 33:9

Esaú falal: “Ña ermon, kil ku N tene i ciu. Kil ku bu tene, bu ta guardal pa bo.”

2 Samuel 8:14

I pui kampamentus di tropas na tudu ladu di Edon; tudu edomeus bin fika bas di Davi. SIÑOR ta judaba Davi na tudu ladu ki ta baiba.

2 Reis 14:10

Na bardadi bu ngaña riba di edomeus; orgulyu inci bu korson. Fika na kasa, bu kontenti ku ki gloria. Pabia di ke ku bu na miti na mal, pa bu kai, tudu ku Judá?”

2 Reis 14:7

Amazias ngaña riba di des mil edomeu na Kobon di Sal, i toma prasa di Sela na gera, i muda si nomi pa Jokteel, nomi ki ta comadu te aos.

2 Kronikas 21:10

Asin edomeus fika indipendenti di Judá te aos. Na mesmu tempu Libna tambi ravolta, i nega fika bas di ordi di Jeoran, pabia Jeoran bandona SIÑOR, Deus di si papes.

2 Kronikas 21:8

Duranti si renansa edomeus ravolta, e nega fika bas di Judá, e ranja se propi rei.

2 Kronikas 28:17

pabia edomeus bai ataka Judá, e leba utrus pa katiberasku.

Salmus 60:8

Moab i ña basia di laba; N na bota ña sapatu riba di Edon; N na kontenti ku ña vitoria riba di Filistia.”

Mateus 10:34

“Ka bo pensa kuma N bin pa tisi pas na tera. N ka bin tisi pas, ma N tisi spada.