Kumsada 26:3 - BIBLIA - traduson antigu in Krioulo

³ Mora ne tera un bokadu; ami N na sta ku bo, N na da tudu e teras pa bo ku bu jorson. N na konfirma palabra ku N jurmenta pa Abraon, bu pape.

Kumsada 26:3 ပူးပေါင်းရင်းမြစ်များ

Kumsada 12:7

SIÑOR bin pa Abron i falal: “N na da e tera pa bu jorson.” Abron kumpu la un altar pa SIÑOR ku binba pa el.

Kumsada 13:15

Tudu tera ku bu na oja, N na dau el, abo ku bu jorson pa sempri.

Kumsada 13:17

Lanta, bu bai pa tudu ladu di tera, pabia N na dau el.”

Kumsada 15:18

Na ki mesmu dia, SIÑOR fasi kontratu ku Abron, nunde ki falal: “N da bu jorson e tera disna di riu di Ejitu te na garandi riu Eufrates,

Kumsada 17:19

Deus falal: “Bardadi, Sara bu minjer i na padi un fiju; bu na comal nomi di Isak. N na firmanta ña kontratu ku el pa i sedu kontratu ku ka ta kaba, pa si jorson dipus del.

Kumsada 17:8

Tudu tera di Kanaan, ku bu sedu stranjeru nel gosi, N na dau el, pa i sedu di bo pa sempri. I na sedu di bu jorson dipus di bo; ami N na sedu se Deus.”

Kumsada 20:1

Abraon sai di Manre, i bai mora na ladu di sul di Kanaan, na metadi di Kades ku Sur. Mas tardi, oca i bai pa Jerar,

Kumsada 25:11

Dipus di mortu di Abraon, Deus bensua si fiju Isak, ku moraba lungu di fonti di Laai-Roi.

Kumsada 26:12

Isak labra na ki tera; na ki mesmu anu i kuji sen bias mas di ki kil ki sumiaba, pabia SIÑOR bensual.

Kumsada 26:14

I teneba manga di karnel ku baka ku manga di kriadu, tok filisteus nveẑa del.

Kumsada 26:24

Ki di noti SIÑOR bai pa el, i falal: “Ami i Deus di bu pape Abraon. Ka bu medi, pabia N sta ku bo. N na bensuau, N na buri numeru di bu jorson, pabia di ña servu Abraon.”

Kumsada 28:13

SIÑOR staba riba di ki skada, i falal: “Ami i SIÑOR, Deus di bu pape Abraon, Deus di Isak. E tera ku bu dita nel, N na dau el, ku bu jorson.

Kumsada 28:15

Ami N sta ku bo, N na guardau pa nunde ku bu na bai. N na ribantau pa e tera, pabia N ka na disau, tok N fasi ke ku N falau.”

Kumsada 31:3

SIÑOR fala Jakó: “Riba pa tera di bu pape, pa bu parentis; ami N na sta ku bo.”

Kumsada 35:12

Tera ku N da Abraon ku Isak, N na dau el. Dipus di bo N na dal pa bu jorson.”

Kumsada 39:2

SIÑOR staba ku José; kusas kuril diritu. I fika na kasa di si dunu ejipsiu.

Kumsada 39:21

SIÑOR staba ku el, i mostral si bondadi, i dal fabur dianti di ŝef di kalabus.

Kumsada 48:21

Dipus, Israel fala José: “Ami N na muri, ma Deus i na sta ku bos; i na fasi pa bo riba pa tera di bo papes.

Kumsada 50:24

Dipus, José fala si ermons: “Ami N na muri, ma di sertesa Deus na bin juda bos, i na fasi pa bo sai ne tera pa tera ki jurmenta pa da Abraon, Isak ku Jakó.”

1 Kronikas 16:16

ki kontratu ki fasi ku Abraon, ki juramentu ki fasi pa Isak.

Salmus 105:8

I ta lembra sempri di si kontratu, ki palabra ki firmanta pa tudu tempu;

Salmus 105:9

Ki kontratu ki fasi ku Abraon, ki juramentu ki fasi pa Isak.

Salmus 32:8

Deus fala: “N na nsinau, N mostrau kamiñu ku bu dibi di yanda nel; N na giau ku ña uju.

Salmus 39:12

SIÑOR, obi ña orason; sukutan ora ku N na yalsa ña fála. Ka bu kala dianti di ña larmas, pabia N sedu suma ospri na bu kau, stranjeru suma ku tudu ña papes seduba.

Saida 2:24

Deus obi manera ke na jimi, i lembra di kontratu ki fasi ku Abraon, Isak ku Jakó.

Saida 3:12

Deus falal: “Ami N na sta ku bo. Es i na sedu sinal di kuma i ami ku mandau. Ora ku bu kaba tira e pobu di Ejitu, bo na adora Deus ne monti.”

Saida 6:4

Tambi N fasi kontratu ku elis kuma N na da elis tera di Kanaan, nunde ke na moraba nel suma ospris.

Saida 6:7

N na bin toma bos pa bo sedu ña pobu, N na sedu bo Deus. Bo na sibi kuma ami i SIÑOR bo Deus ku na kaplinti bos di ki tarbaju duru na mon di ejipsius.

Saida 6:8

N na bin leba bos pa tera ku N yalsa mon pa jurmenta kuma N na da Abraon, Isak ku Jakó. N na da bos el pa yardansa. Ami i SIÑOR.”

Isaias 43:2

Ora ku bu na pasa na yagu, N na sta ku bo; ora ku bu na pasa na rius, e ka na fogantau; nin ki na fugu ku bu na pasa, bu ka na kema, nin lingua di fugu ka na sindi na bo.

Isaias 43:5

Ka bu medi, pabia N sta ku bo; N na tisi bu fijus di saida di sol ku si kaida, pa N junta elis na se tera.

Mikeias 7:20

Bu na sedu fiel pa Jakó, bu na sedu bon pa Abraon, suma ku bu jurmenta pa no papes disna di tempu antigu.

Numerus 23:19

Deus i ka omi ku ta konta mintida, nin i ka fiju di omi ku ta muda di ideia. Nta i ta fala un kusa, i ka bin fasil? I ta da purmesa, i ka bin kumpril?

Ripitison di Lei 1:8

Ali N pui e tera bo dianti; bo yentra bo tomal. I tera ku SIÑOR jurmenta pa da bo papes Abraon, Isak ku Jakó pa i sedu di selis ku se jorson dipus delis.”

Ripitison di Lei 34:4

SIÑOR falal: “Kila i tera ku N purmiti Abraon, Isak ku Jakó ku juramentu, oca ku N fala elis kuma N na dal pa se jorson. N na mostrau el pa bu ojal ku bu uju, ma bu ka na kamba pa la.”

Filipensis 4:9

Tambi bo fasi kil ku N nsina bos, kil ku bo risibi, ku bo obi na ña boka, ku bo oja na mi. Deus ku ta da pas ta sta ku bos.

Ebreus 11:9

I fe ku pul i sinta suma stranjeru na tera ku Deus fala i na dal. I mora na tenda, suma Isak, ku Jakó, ku risibi tambi mesmu purmesa ku el,

Ebreus 6:17

Asin Deus misti mostra klaru pa kilis ku na risibi kusa ki fala i na da, kuma, kusa ki tene na sintidu ka na maina. E ku manda i papia ku juramentu.