Kumsada 25:21 - BIBLIA - traduson antigu in Krioulo

²¹ Isak fika i na ora SIÑOR pa si minjer, pabia i ka ta padi. SIÑOR obi si orason. Rebeka, si minjer, preña.

Kumsada 25:21 ပူးပေါင်းရင်းမြစ်များ

Kumsada 11:30

Sarai ka teneba fiju, pabia i seba.

Kumsada 16:2

Oca ku Abron kompleta des anu ki mora na tera di Kanaan, Sarai falal: “SIÑOR tujin padi fiju. Bai bu dita ku ña katibu; talves i pudi padi fiju na ña konta.” Abron obi kil ku Sarai falal. Asin, Sarai, si minjer, toma Agar, si katibu di Ejitu, i da si omi el pa i sedu si minjer.

Kumsada 30:22

Deus lembra di Rakel, i kudil, i toka na si kurpu.

1 Kronikas 5:20

E coma Deus na gera, e fiansa nel; Deus obi elis, i juda elis pa e ngaña vitoria riba di agarenus ku tudu ki jinti ku juntaba ku elis.

2 Kronikas 33:13

Oca ki ora, Deus setal, i obi si pididu, i torna tisil pa si renansa na Jerusalen. Disna di ki dia, Manasés bin sibi kuma SIÑOR i Deus.

Esdras 8:23

Asin no junjuŋa, no pidi no Deus pa i danu bon bias; i kudi no orason.

Salmus 127:3

Fijus i yardansa di SIÑOR, i benson ki dau.

Salmus 145:19

Kilis ku rispital, i ta da elis kusa ke misti, i ta obi elis ora ke na comal, i ta salba elis.

Salmus 50:15

Coman na dia di foronta; N na librau; bu na glorifikan.”

Salmus 65:2

Abo ku ta obi orason, tudu jinti na bin pa bo.

Salmus 91:15

I na coman, N na kudil. N na sta ku el na foronta, N na libral, N dal rispitu dianti di jinti.

Ditus 10:24

Kusa ku omi mau medi i na bin riba del, ma Deus na da algin justu ke ki misti.

Isaias 45:11

Asin ku SIÑOR, Deus Santu di Israel, kil ku kumpul, fala: “Nta bo na osa puntan kusas di futuru, o aserka di ña fijus? O bo na dan ordi aserka di ña tarbajus?

Isaias 58:9

Ora ku bu comal, SIÑOR na kudiu; si bu grita pa sakur, i na falau: ‘Alin li.’ “Si bu kaba ku splorason na bo metadi, ku dedu ku ta akusa, ku palabra ku ta dana,

Isaias 65:24

Antis de coma, N na kudi; nkuantu e na papia inda, N na obi.

Lukas 1:13

Anju falal: “Ka bu medi, Zakarias, pabia bu orason obidu. Isabel bu minjer i na padi un fiju macu; bu na pul nomi di Jon.

Lukas 1:7

E ka teneba fiju, pabia Isabel i sebadu. Elis tudu dus e teneba idadi avansadu.

1 Samuel 1:11

i fasi votu i fala: “SIÑOR ku ten tudu puder! Si bu jubi pa ña kasabi, bu lembra di mi, bu ka diskisi di bu servu, ma bu dan un fiju macu, N na ntrega SIÑOR el tudu tempu di si vida; faka ka na pasa na si kabelu.”

1 Samuel 1:17

Eli ruspundi i falal: “Bai ku pas. Pa Deus di Israel dau kusa ku bu pidil.”

1 Samuel 1:2

Ki omi teneba dus minjer; nomi di un seduba Ana, di ki utru i sedu Penina. Penina teneba fijus, ma Ana ka teneba.

1 Samuel 1:27

N na pidiba Deus pa i dan e mininu. SIÑOR dan kil ku N pidil.