Kumsada 24:3 - BIBLIA - traduson antigu in Krioulo

³ N misti pa bu jurmenta pa SIÑOR, Deus di seu ku tera, ku bu ka na ranja minjer pa ña fiju na metadi di bajudas di jinti di Kanaan nunde ku N mora,

Kumsada 24:3 ပူးပေါင်းရင်းမြစ်များ

Kumsada 14:19

I bensua Abron, i falal: “Deus ku sta riba di tudu, ku kumpu seu ku tera, pa i bensua Abron.

Kumsada 14:22

Abron fala rei di Sodoma: “N yalsa mon pa SIÑOR, Deus ku sta riba di tudu kusa, ku kumpu seu ku tera; N jurmenta

Kumsada 21:23

Asin, jurmentan, na nomi di Deus, ku bu ka na nganan, ami nin ña fiju nin ña netu. Suma ku N fasiu ben, bu ta fasin ben tambi, ku ña tera ku bu bin mora nel.”

Kumsada 24:7

SIÑOR, Deus di seu, ku tisin di kasa di ña pape, di tera di ña parentis, i papia ku mi, i jurmenta, i fala kuma i na da e tera pa ña jorson. El ku na manda si anju pa i bai bu dianti, pa bu pudi ranja minjer la pa ña fiju.

Kumsada 27:46

Rebeka fala Isak: “N sta disgostadu di ña vida pabia de minjeris eteu. Si Jakó kasa ku un minjer de tera, un fiju di Et suma esis li, ke ku ña vida na bali?”

Kumsada 28:1

Isak coma Jakó, i bensual, i falal: “Ka bu kasa ku minjer di fijus di Kanaan.

Kumsada 28:8

Tambi i rapara kuma minjeris di Kanaan e ka bali dianti di uju di Isak si pape.

Kumsada 34:9

Asin bo pudi sedu parenti ku nos, bo ta da bo fijus femia pa nos, bo toma no fijus femia pa bos.

Kumsada 38:2

Judá oja la un fiju femia di un omi kananeu comadu Suá. I tomal, i kasa ku el.

Kumsada 47:31

Jakó falal: “Jurmentan.” José jurmental. Israel mpina riba di kabesa di si kama.

Kumsada 50:25

José pui fijus di Israel pa e jurmenta, i fala elis: “N sibi sertu kuma Deus na bin juda bos. Na ki tempu bo na tira ña os li, bo lebal.”

Kumsada 6:2

Fijus di Deus oja kuma fijus femia di omis e bonitu. E kasa ku kilis ke mistiba.

Kumsada 6:4

Na ki tempu, ku mas tardi tambi, i tenba jigantis na tera. Oca ku fijus di Deus junta ku fijus femia di omis, e padi fijus. Esis e seduba balentis ki tenba na ki tempu antigu, omis di fama.

2 Reis 19:15

i ora, i fala: “O SIÑOR, Deus di Israel, ku sta sintadu na tronu na metadi di kirubins, abo son ku sedu Deus riba di tudu renus di mundu. Abo ku kumpu seu ku tera.

2 Kronikas 2:12

SIÑOR Deus di Israel i dibi di ngabadu, kil ku kumpu seu ku tera! I da rei Davi un fiju jiru, ku ten bon juisu ku ntindimentu, ku na kumpu kasa pa SIÑOR ku kasa pa si renansa.

Esdras 5:11

“E ruspundinu asin: ‘Anos i servus di Deus di seu ku tera; no na torna kumpu kasa ku kumpuduba ja disna di manga di anu. Un garandi rei di Israel kumpul, i kabantal,

Neemias 13:25

N jusia ku ki omis, N maldisua elis, N suta utrus, N rinka elis kabelu, N pui elis pa e jurmenta na nomi di Deus, N fala: “Nunka mas bo ka na da bo fijus femia pa e kasa ku se fijus, nin bo ka na torna toma se fijus femia pa bo fijus, nin pa bos.

Neemias 9:6

Abo son ku sedu SIÑOR. Bu kumpu seu, te na ki seu mas altu, ku tudu multidon di strelas; bu kumpu tera ku tudu ku sta nel; bu kumpu maris ku tudu ku sta nelis. Abo ku ta guarda tudu vida; puderis di seu ta adorau.

Salmus 115:15

SIÑOR ku kumpu seu ku tera, pa i bensua bos!

Salmus 136:26

Bo ngaba Deus di seu. Si bondadi i pa sempri.

Saida 20:7

“Ka bu coma nomi di SIÑOR bu Deus na nada, pabia algin ku fasi asin, SIÑOR ka na ojal suma kin ku ka ten kulpa.

Saida 22:11

e ten ku bai, elis dus, dianti di SIÑOR, pa kil ku tenel jurmenta kuma i ka furta limaria di si visiñu. Si dunu ta setal; ki utru ka na pagal,

Saida 23:13

“Pui sintidu pa fasi tudu ku N falau. Ka bu coma nomis di utru deusis, nin ka bu lembra delis.

Saida 34:16

O bu pudi bin toma se bajudas pa e kasa ku bu fijus. Ki minjeris ta bin yanda tras di se deusis, e ta bin pui bu fijus fasi mesmu kusas.

Isaias 45:23

N jurmenta pa ña kabesa, na ña boka i sai palabra di bardadi ku ka pudi mainadu, kuma, tudu jujus na dobra ña dianti; lingua di tudu jinti na jurmenta na ña nomi.

Isaias 48:1

“Bo sukuta e kusa, pobu di Jakó, ku ta comadu nomi di Israel, ku sai na familia di Judá. Bo ta jurmenta na nomi di SIÑOR, bo ta coma nomi di Deus di Israel, ma i ka ku bardadi, nin i ka ku korson limpu.

Isaias 65:16

Algin na tera ku pidi benson, Deus di bardadi na bensual; kil ku jurmenta na tera, i na jurmenta na nomi di Deus di bardadi, pabia malis ku pasa i diskisidu ja, i sta sukundidu di ña uju.

Jeremias 10:11

Bo fala elis asin: “Deusis ku ka kumpu seu ku tera e na pirdi ne mundu ku sta bas di seu.”

Jeremias 12:16

Si e pui sintidu pa risibi nsinamentu di kamiñus di ña pobu, pa e coma ña nomi, e fala: ‘N jurmenta pa vida di SIÑOR’ — suma e nsinaba ña pobu pa e jurmenta pa Baal — asin e ta sedu firmantadu na metadi di ña pobu.

Jeremias 29:6

Bo kasa, bo padi fijus macu ku femia, bo buska minjeris pa bo fijus, bo da bo fijus femia pa kasamenti, pa e pudi padi fijus macu ku femia, pa bo buri la, pa bo ka menusa.

Jeremias 4:2

si bu jurmenta pa vida di SIÑOR, na bardadi, ku korson justu i bon, nasons na bensuadu na SIÑOR, e na njata nel.”

Sirmonias 19:12

Ka bo jurmenta kuma bo na fasi un kusa, kontra i ka sta na bo sintidu pa fasil. Si bo fasi asin, bo na lebsi nomi di bo Deus. Ami N sedu SIÑOR.

Sofonias 1:5

Tambi N na kaba ku kilis ku ta bai riba di kasa pa adora sol, lua ku strelas, ku kilis ku ta adora SIÑOR, e jurmenta na si nomi, ma tambi e ta jurmenta pa Milkon, deus di amonitas.

Numerus 5:21

(ali saserdoti ten ku pui minjer bas di maldison di juramentu) ‘SIÑOR na pui bu pobu pa e maldisuau ora ki pui bu koŝa pa i pirdi forsa, i pui bu bariga pa i inca.

1 Koríntius 7:39

Minjer kasadu i ta sta ligadu ku si omi nkuantu kila bibu, ma si i muri, minjer ta fika libri pa kasa ku kin ki misti, ma son si omi i krenti tambi,

Ripitison di Lei 10:20

Rispita SIÑOR bu Deus; el son ku bu na ciga pa el, bu sirbil; son na si nomi ku bu na jurmenta.

Ripitison di Lei 6:13

Rispita SIÑOR bu Deus; el son ku bu na sirbi; na si nomi ku bu na jurmenta.

Ebreus 6:16

Si un algin jurmenta, i ta jurmenta na nomi di utru ku sedu mas garandi di ki el. Juramentu i un kusa sertu ku ta kaba ku tudu palabra.

Josué 2:12

Gosi, N pidi bos pa bo jurmenta pa mi, na nomi di SIÑOR, kuma bo na fasi bondadi pa ña familia suma ku N fasi bondadi pa bos. Asin, bo dan un sinal sertu

Ŝefis 14:3

Si pape ku si mame puntal: “Nta i ka ten minjer na metadi di bu parentis ku tudu no pobu? Pabia di ke ku bu na bai toma un minjer filisteu, ki jinti ku ka sirkunsidadu?” Sanson fala si pape: “Bo bai buskan el, pabia i el ku N gosta del.”

1 Samuel 20:17

Asin Jonatas pui Davi konfirma ki juramentu, pabia di si amor, pabia i amalba ku tudu si korson.

1 Samuel 30:15

Davi puntal: “Bu pudi lebanu pa ki tropas?” I falal: “Si bu jurmentan dianti di Deus kuma bu ka na matan, nin bu ka na ntregan na mon di ña mestre, N ta lebau pa ki tropas.”