Kumsada 22:12 - BIBLIA - traduson antigu in Krioulo

¹² I falal: “Ka bu pui mon na rapas; ka bu fasil nada. Gosi N sibi kuma bu rispita Deus. Bu ka tujin bu fiju un son.”

Kumsada 22:12 ပူးပေါင်းရင်းမြစ်များ

Kumsada 20:11

Abraon falal: “Ami N fala na ña sintidu: ‘N ten sertesa kuma jinti ne kau ka ten rispitu pa Deus. E na matan pabia di ña minjer.’

Kumsada 22:13

Abraon yalsa uju, i oja un karnel macu si tras, ku mbaransaba ku si cifris na matu. I bai, i toma karnel, i sakrifikal suma oferta kemadu na konta di si fiju.

Kumsada 22:16

i falal: “Ami, SIÑOR, N na jurmenta pa ña propi kabesa kuma, suma ku bu fasi es, bu ka tujin bu fiju, ki un son ku bu tene,

Kumsada 22:2

Deus falal: “Toma Isak, bu fiju un son, kil ku bu ama, bu bai pa tera di Moriá, bu matal riba di altar, bu kemal suma oferta, riba di un di montañas ku N na mostrau.”

Kumsada 26:5

pabia Abraon ta obinba, i kumpri tudu ña mandadu, ña ordi, ña regra ku ña lei.”

Kumsada 42:18

Na terseru dia José fala elis: “Si bo fasi es, bo na tene vida, pabia ami N rispita Deus.

Neemias 5:15

ma ki purmeru gubernaduris ku staba antis di mi e seduba pisadu pa pobu, pabia e ta toma na se mon kumida ku biñu, suma tambi korenta mueda di prata. Fora di kila, se ajudantis ta dominaba riba di pobu. Ami N ka fasi asin, pabia N rispita Deus.

Jo 1:1

Na tera di Uz i tenba un omi comadu Jo, un omi di bardadi ku rispita Deus, i yanda diritu, i libra di fasi mal.

Jo 28:28

Deus fala omi: ‘Rispitu pa SIÑOR i jiresa; pa libra di fasi mal i ntindimentu.’ ”

Jo 5:19

I na librau di seis foronta; na setimu, mal ka na toka na bo.

Salmus 1:6

SIÑOR na guarda justus na se kamiñu, ma jinti mau sta na kamiñu pa pirdi.

Salmus 111:10

Rispitu pa SIÑOR i purmeru pasu pa jiresa; tudu jinti ku obdisi si ordis e na ten bon ntindimentu. Deus ten ku ngabadu pa sempri.

Salmus 147:11

ma SIÑOR ta ten si kontentamentu na kilis ku rispital, ku ta pui se speransa na si bondadi.

Salmus 2:11

Bo sirbi SIÑOR ku rispitu, bo kontenti ma bo tirmi tambi.

Salmus 25:12

Si i ten un omi ku ta rispita SIÑOR, SIÑOR na nsinal kamiñu ki dibi di kuji.

Salmus 25:14

SIÑOR ta konta si sigridu pa kilis ku rispital, i ta pui elis kunsi si kontratu.

Saida 20:20

Moisés fala pobu: “Ka bo medi; Deus bin pa proba bos, pa bo pudi kontinua ten rispitu pa el, pa bo ka peka.”

Ditus 1:7

Rispita SIÑOR i purmeru pasu pa kuñisimentu, ma tulus ta njuti jiresa ku nsinamentu.

Eklesiastis 12:13

Na tudu ku bu obi, kusa importanti i es: Rispita Deus, bu obdisi si mandamentus, pabia es i kil ku tudu omi dibi di fasi.

Jeremias 19:5

E kumpu kaus altu pa Baal, pa kema se fijus na fugu suma oferta kemadu pa Baal, kusa ku nunka N ka manda elis, nin pa N papia del, ku fadi pa i ciga na ña kabesa.

Jeremias 32:40

N na fasi ku elis un kontratu ku ka na kaba, ku na pun pa N ka para fasi elis ben. N na pui elis pa e rispitan ku tudu se korson, pa nunka mas e ka bai lunju di mi.

Malakias 4:2

Ma pa bos ku ta rispita ña nomi, ña bondadi ku puder di kura na bin suma raiu di sol ku na mansi. Bo na sai, bo jukuta suma bakasiñus ku dismancadu na se koral.

Mateus 16:24

Jesus fala si disipulus: “Si algin misti bin ku mi, i ten ku nega si kabesa, i lambu si krus, i sigin.

Mateus 19:29

Tudu kil ku disa kasa, ermons, irmas, pape, mame, fijus, o teras, pabia di ña nomi, i na risibi sen bias mas ciu, tambi ku vida ku ka ta kaba,

Mateus 5:16

Asin tambi ku bo dibi di fasi bo lus pa i numia dianti di jinti, pa e pudi oja kusas bon ku bo ta fasi, pa e pudi ngaba bo Pape ku sta na seu.

Bon Noba di Jesus Kristu ku Jon 3:16

Deus ama jinti di mundu dimas, tok i da si uniku Fiju, pa tudu kil ku setal ka ta pirdi, ma i ta tene vida ku ka ta kaba.

Atus 9:31

Asin igreẑa na tudu Judeia, Galileia ku Samaria teneba un tempu di pas. Spiritu Santu fortifika igreẑa, i dal animu. Numeru di krentis na buri; e na vivi ku rispitu pa Siñor.

Romanus 5:8

ma Deus danu proba di si amor pa nos, manera ku Kristu muri pa nos ocanu inda na no pekadu.

Romanus 8:32

Kil ku ka tuji nin propi si Fiju, ma i ntregal pabia di nos tudu, kuma tambi ki ka na bin patinu tudu kusas juntu ku el?

1 Koríntius 10:13

Tudu koldadi tentason ku bin pa bos i suma di tudu jinti, ma Deus i fiel; i ka na disa pa bo tentadu mas di ki kil ku bo pudi ku el; na ora di tentason i ta da tambi manera di kapli, pa bo pudi nguental.

2 Koríntius 8:12

Si bo sta ku vontadi di da, Deus ta seta kil ku bo tene; i ka na pidi bos kil ku bo ka tene.

Ebreus 11:19

Na un sintidu i di mortu ki risibil.

Ebreus 12:28

Renu ku no risibi ka pudi bulbulidu. Asin no ba ta fala Deus obrigadu, no adoral ku rispitu, ku medu, suma ki misti,

Tiagu 2:18

Utru na fala: “Un algin pudi ten fe, utru i ta tarbaja.” Mbon, ki algin pa i mostra si fe sin fasi nada; ami N ta mostrau ña fe ku ña tarbaju.

Apokalipsi 19:5

I sai na tronu un vos ku fala: “Bo ngaba no Deus, abos tudu si servus, abos ku ten medu del, pikininus tudu ku garandis.”

1 Samuel 15:22

Samuel ruspundi i puntal: “Kal ku SIÑOR mas gosta del: ofertas kemadu ku sakrifisius o pa algin obdisi si palabra? Obdisi i minjor di ki sakrifisiu; para sintidu i minjor di ki gurdura di karnel.