Kumsada 21:12 - BIBLIA - traduson antigu in Krioulo

¹² ma Deus falal: “Ka bu fika ku kasabi aserka di rapas ku bu katibu. Obi tudu ke ku Sara na falau, pabia i na Isak ku bu jorson na kontadu.

Kumsada 21:12 ပူးပေါင်းရင်းမြစ်များ

Kumsada 17:19

Deus falal: “Bardadi, Sara bu minjer i na padi un fiju; bu na comal nomi di Isak. N na firmanta ña kontratu ku el pa i sedu kontratu ku ka ta kaba, pa si jorson dipus del.

Kumsada 17:21

ma N na firmanta ña kontratu ku Isak, kil ku Sara na padi ne tempu na anu ku na bin.”

Isaias 46:10

Disna di tempu antigu N kontaba ja kusas ku ka kontisi inda. Na kumsada N ta jumna N konta kusas di kabantada. N ta fala kuma ña planu sta firmi; N na fasi tudu kil ku N misti.

Gálatas 4:30

Ma ke ku Skritura fala? I fala kuma, pa serka katibu ku si fiju, pabia fiju di katibu ka na ten parti na yardansa juntu ku fiju di libri.

Ebreus 11:18

kontudu Deus falalba: “I na Isak ku bu jorson na sai.” Abraon fasi di konta kuma, Deus ten puder te di lantandal di mortu.

1 Samuel 8:7

SIÑOR falal: “Obi tudu kusa ku pobu na falau, pabia i ka abo ke nega, ma i ami ke ka misti pa N rena riba delis.

1 Samuel 8:9

Obi ke ke falau, ma bu na avisa elis risu, bu konta elis kal ku na sedu kustumu di rei ku na rena riba delis.”