Kumsada 20:7 - BIBLIA - traduson antigu in Krioulo

⁷ Gosi, torna minjer pa si omi, pabia el i anunsiadur di ña palabra. I na roga pa bo pa bu pudi vivi, ma si bu ka tornal, sibi sertu kuma bu na muri, ku tudu kil ku bu tene.”

Kumsada 20:7 ပူးပေါင်းရင်းမြစ်များ

Kumsada 12:15

Ŝefis di Faraó, ku sedu rei di Ejitu, e ojal, e ngabal dianti di Faraó. Minjer lebadu pa kasa di Faraó.

Kumsada 12:17

SIÑOR manda garandi duensas riba di Faraó ku jinti di si kasa pabia di Sarai, minjer di Abron.

Kumsada 2:17

ma arvuri ku ta da kuñisimentu di ben ku mal, ka bu kumel, pabia dia ku bu kumel, bu na muri.”

Kumsada 20:18

pabia SIÑOR tujiba tudu minjeris na kasa di Abimelek pa e padi, pabia di Sara, minjer di Abraon.

Kumsada 20:3

Deus bai pa Abimelek di noti na suñu, i falal: “Bu na muri pabia di minjer ku bu toma. I tene si omi ki kasa ku el.”

Kumsada 20:8

Abimelek lanta mandrugada, i coma tudu si ŝefis, i konta elis tudu ki palabras ki obiba. Ki omis tenba garandi medu.

Kumsada 23:6

“Siñor, sukuta ke ku no na falau. Abo i ŝef di puder na no metadi. Ntera bu difuntu na kau ku bu kuji na no simiteriu. Nin un son di nos ka na tujiu ntera bu difuntu na si simiteriu.”

2 Samuel 24:17

Oca ku Davi oja anju ku na mata jinti, i fala SIÑOR: “I ami ku fasi pekadu; kulpa i di mi. E koitadis, ke ke fasi? Bu mon dibi di sta kontra mi ku ña familia.”

1 Reis 13:6

Rei fala omi di Deus: “Ora, bu buska SIÑOR bu Deus, bu roga pa mi, pa ña mon pudi san.” Omi di Deus ora dianti di SIÑOR; mon di rei kuradu, i torna suma ki staba.

2 Reis 5:11

Naaman paña raiba, i bai oca i na papia, i fala: “Ami N kudaba kuma i na sai, i firma, i coma nomi di SIÑOR si Deus, i pasa si mon riba di ña mpincu, i kuran.

1 Kronikas 16:22

“Ka bo toka na jinti ku N kuji, nin ka bo fasi ña anunsiaduris mal.”

2 Kronikas 30:18

Manera ku manga di jinti di Efrain, Manasés, Isakar ku Zebulon e ka fasiba sirmonia di purifikason, e kume Paskua kontra kil ku sta skritu na lei. Ezekias ora pa elis, i fala: “O SIÑOR, Deus di no papes, suma ku bu sedu bon, purda kilis ku purpara se korson pa buskau, SIÑOR Deus, nin si e ka sta purifikadu konformi lei di kau sagradu.”

Jo 34:19

Ku fadi kil ku ka ta toma parti di ŝefis, nin i ka ta rispita riku mas di ki koitadi, pabia elis tudu i tarbaju di si mon.

Jo 42:8

Bo toma seti fiju di baka ku seti karnel macu, bo bai pa ña servu Jo, bo pursenta oferta kemadu pa bos. Ña servu Jo na ora pa bos; N na seta si orason, pa N ka trata bos konformi bo tulesa, pabia bo ka fala kusas retu aserka di mi suma ña servu Jo.”

Salmus 25:14

SIÑOR ta konta si sigridu pa kilis ku rispital, i ta pui elis kunsi si kontratu.

Saida 18:17

Jetru falal: “Kusa ku bu na fasi i ka sta bon.

Saida 4:16

El i na papia ku pobu pa bo, i na sedu bu boka; abo bu na sedu suma Deus pa el.

Saida 7:1

SIÑOR fala Moisés: “N fasiu suma Deus pa Faraó; bu ermon Aron i na sedu bu anunsiadur.

Jeremias 14:11

SIÑOR falan: “Ka bu roga pa ben de pobu.

Jeremias 15:1

SIÑOR falan: “Mesmu ku Moisés ku Samuel firmaba ña dianti, ña korson ka na baiba pa e pobu. Tira elis ña dianti pa e bai.

Jeremias 27:18

Si kontra e sedu anunsiaduris, si palabra di SIÑOR sta ku elis, e ta ora pa SIÑOR ku ten tudu puder, pa ki rikesa ku fika na kasa di SIÑOR, kasa di rei di Judá, ku na Jerusalen, pa ka i lebadu pa Babilonia.

Ezekiel 3:18

Si N fala un omi mau kuma i na muri, bu ka avisal, bu ka falal pa i disa si kamiñu mau pa salba si vida, i na bin muri na si pekadu, ma N na pidiu pa bu da konta di si mortu.

Ezekiel 33:8

Si N fala un omi mau kuma i na muri, abo bu ka avisal pa i muda di si mau kamiñu, ki omi mau na muri na si pekadu, ma N na pidiu konta di si mortu.

Sirmonias 6:4

Si i peka asin, i na kulpadu. I ten ku torna kil ki furta, o kil ki toma ku violensia, o kil ki ntregadu pa rakada, o ki kusa pirdidu ki oja,

Sirmonias 6:7

Saserdoti na fasi sakrifisiu pa el dianti di SIÑOR; i na purdadu kualker de kusas ki fasi ku pul i sedu kulpadu.”

Atus 8:24

Simon ruspundi i fala elis: “Bo pidi Siñor pa mi, pa ka nada di kil ku bo fala bin riba di mi.”

1 Koríntius 14:4

Kil ku na fala na lingua strañu i ta juda son si kabesa, ma kil ku ta anunsia rekadu di Deus i ta juda tudu jinti na igreẑa.

Ebreus 1:1

Na tempu ku pasa, Deus papia manga di bias, na manga di manera, ku no papes di antigu pa boka di anunsiaduris. Ne dias di kabantada i papia ku nos suma ki mandanu si Fiju,

Ebreus 13:4

Pa tudu jinti rispita kasamenti. Kama di kasadu pa ka i mancadu ku pekadu. Deus na julga kilis ku ta sta na vida susu, ku pekadu seksual.

1 Jon 5:16

Si algin oja si ermon na fasi un pekadu ki ka pa mortu, i ta pidi Deus; Deus ta dal vida. Ma i son pa kilis ku fasi pekadu ki ka pa mortu. I ten pekadu ki pa mortu; N ka fala pa bo ora pa el.

1 Samuel 12:19

E fala Samuel: “Roga SIÑOR bu Deus pa bu servus, pa ka no muri, pabia riba di tudu no pekadu no buri e mal, di pidi un rei.”

1 Samuel 12:23

Pa ña parti, SIÑOR ta judan pa N ka fasi e pekadu kontra el, di para ora pa bos, ma N na nsina bos kamiñu bon i justu.

1 Samuel 7:5

Samuel manda coma tudu Israel pa e junta na Mizpá, pa i pudi ora SIÑOR pa elis.

1 Samuel 7:8

E fala Samuel: “Ka bu para coma SIÑOR no Deus pa nos, pa i pudi libranu na mon di filisteus.”