Kumsada 2:8 - BIBLIA - traduson antigu in Krioulo

⁸ SIÑOR Deus fasi jardin na tera comadu Eden na saida di sol, i toma omi ki kumpuba, i pul la.

Kumsada 2:8 ပူးပေါင်းရင်းမြစ်များ

Kumsada 13:10

Lo yalsa rostu, i jubi pa bulañas di Jordon, te na prasa di Zoar, i ojal ben reguadu suma jardin di SIÑOR, o suma tera di Ejitu. (Es i seduba antis di SIÑOR kaba ku tera di Sodoma ku Gomora.)

Kumsada 3:23

Asin SIÑOR Deus serkal fora di jardin di Eden, pa i bai labra con ki tiraduba nel.

Kumsada 3:24

Dipus di tira omi fora, i pui kirubins na jardin di Eden, na ladu di saida di sol, ku un spada burmeju di fugu, ku na yanda i na da volta, pa guarda kamiñu di ki arvuri ku ta da vida.

Kumsada 4:16

Asin Kain sai na pursensa di SIÑOR, i bai mora na tera di Nod, na ladu di Eden na saida di sol.

2 Reis 19:12

Ña papes kaba ku prasas di Gozan, Aran ku Rezef, e mata pobu di Eden ku staba na Telasar. Nta deusis di ki rasas libra elis?

Isaias 51:3

SIÑOR na konsola Sion; i na ten pena di tudu si kaus ku danadu. I na pui si lala pa i sedu suma Eden; i na pui kau ku ka tene nada pa i sedu suma jardin di SIÑOR. Sion na ten kontentamentu ku alegria; jinti na gardisi Deus ku kantiga bonitu.

Ezekiel 27:23

“‘Nogosiantis di Sebá ta binba, ku jinti di Aran, Kané, Eden, Asur ku Kilmad, pa nogosia ku bo,

Ezekiel 28:13

Bu staba na Eden, jardin di Deus. Bu ta fajaba ku tudu pedra di balur, ku sedu sardonika, topaziu, diamanti, turkesa, oniks, jaspi, safira, karbunkulu ku esmeralda. Na tempu ku bu kumpudu, uru purparadu, pa ki pedras mitidu nel pa fajamentu.

Ezekiel 31:16

Oca ku N pui pa i ria na mundu di mortus, baruju di si kaida pui pa nasons tirmi. Tudu arvuris di Eden ku arvuris mas bonitu di Líbanu, kilis ku ta bibi yagu ciu, e fika kontenti na mundu la bas.

Ezekiel 31:18

“Kal arvuri di Eden ku parsi ku bo na bonitasku ku garandesa? Ma bu na riantadu ku arvuris di Eden pa mundu di mortus. Bu na dita na metadi di jinti ku ka sirkunsidadu, ku kilis ku matadu ku spada. Es i Faraó ku tudu si jinti.” Asin ku SIÑOR Deus fala.

Joel 2:3

Dianti ku tras sedu suma fugu ku na yardi ku forsa, i kaba ku tudu. Tera se dianti i suma jardin di Eden, ma se tras i un lala sin paja; nada ka na kapli delis.