Kumsada 19:5 - BIBLIA - traduson antigu in Krioulo

⁵ e coma Lo, e puntal: “Nunde ki omis ku bin nunde bo e di noti? Tisinu elis pa fora, pa no pudi dita ku elis.”

Kumsada 19:5 ပူးပေါင်းရင်းမြစ်များ

Kumsada 19:6

Lo sai pa elis, i fica porta si tras,

1 Reis 14:24

Kusa pior, i tenba rapasis di mau vida ligadu ku ki kaus sagradu. Jinti fasi konformi kustumus nujenti di nasons ku SIÑOR tiraba fora oca ku fijus di Israel na yentra.

1 Reis 22:46

I tira fora rapasis di mau vida ku sobraba di tempu di si pape Asa.

Isaias 1:9

Si SIÑOR ku ten tudu puder ka disanuba utrus ku sobra ku vida, no na danaduba suma Sodoma ku Gomora.

Isaias 3:9

Se rostu ta mostra se kulpa; elis e ta peka dianti di jinti suma jinti di Sodoma ta pekaba; e ka ta sukundi. Ai delis! E ta fasi mal pa se kabesa.

Jeremias 3:3

E ku manda cuba tujidu cubi; i ka ten cuba di kabantada. Abo bu tene rostu di minjer di mau vida; bu ka misti ten borgoña.

Jeremias 6:15

Nta e ta sinti borgoña di kusas nujenti ke ta fasi? Nau! Nin e ka ta burguñu nin e ka sibi ke ki borgoña! E ku manda e na kai ku kilis ku kai. Na tempu ku N kastiga elis e na kai ku forsa.” Asin ku SIÑOR fala.

Ezekiel 16:49

“‘Es i seduba pekadu di bu irma Sodoma ku si fijus femia: E sinti orgulyu pabia e teneba tudu ki pirsis pa kume, ku un vida ketu sin tarbaju, ma nunka e ka juda koitadis ku kin ku pirsisa di ajuda.

Ezekiel 16:50

E bida inda mas orgulyosu, e fasi kusas nujenti ña dianti. E ku manda N kaba ku elis, suma ku bu oja.

Ezekiel 16:51

Tambi Samaria ka fasi metadi di bu pekadus, pabia bu buri bu kustumus nujenti mas di ki elis. Tudu ki kusas nujenti ku bu ta fasi, i ta pui bu irmas parsi justu.

Sirmonias 18:22

“Ka bu dita ku omi suma ku algin ta dita ku minjer. Es i kusa nujenti.

Sirmonias 20:13

Si un omi dita ku utru omi suma ku algin ta dita ku minjer, elis dus e fasi un kusa nujenti. E ten ku matadu; se sangi na sta riba di se kabesa.

1 Koríntius 6:9

O bo ka sibi kuma kilis ku ta fasi mal ka na ten parti na renu di Deus?

Ripitison di Lei 23:17

Na metadi di fijus di Israel i ka na ten nin omi nin minjer ku na bindi si kurpu na mau vida pa sirvis di templu.

1 Timótiu 1:10

kilis ku ta yanda na vida susu, kilis ku ta torkia atu seksual, furtaduris di jinti, munturusis, ku kilis ku ta lantanda falsu tustumuñu, pa tudu kil ki kontra bon nsinamentu

2 Timótiu 3:13

Jinti mau, nganadur, e ta bai kada bias mas mau, e ta ngana utrus; e ta nganadu tambi,

2 Pedru 2:2

Manga di jinti ta sigi se mau vida. Pabia delis, jinti ta fala mal di kamiñu di bardadi.

2 Pedru 2:7

I libra Lo, omi bon, ku staba abursidu pa mau vida di ki jinti ku ta yanda sin lei.

Judas 1:7

Bo lembra tambi di Sodoma ku Gomora, ku prasas ku pertu elis. Jinti di la e fasi suma ki anjus, e yanda na vida susu, e torkia usu di seksu, e sufri kastigu di fugu ntidu, pa sedu avisu pa utru jinti.

Ŝefis 19:22

Oca ke na divirti, omis malvadu di ki prasa da volta di kasa, e na maja porta, e fala omi beju, dunu di kasa: “Tira pa fora ki omi ku yentra na bu kasa, pa no pudi dita ku el.”