Kumsada 18:32 - BIBLIA - traduson antigu in Krioulo

³² I torna falal: “Ka bu paña raiba, Siñor; es un bias son ku N na papia. Si kontra i ojadu la des?” I ruspundi i falal: “N ka na kaba ku el pa amor di ki des.”

Kumsada 18:32 ပူးပေါင်းရင်းမြစ်များ

Kumsada 18:30

Abraon torna falal mas: “Ka bu paña raiba, Siñor; disan N papia. Si kontra i ojadu la trinta?” I ruspundi i falal: “N ka na fasil si N oja la trinta.”

Kumsada 18:31

Abraon falal: “Suma ku N mara koraẑen pa papia ku Siñor, si kontra i ojadu la vinti?” I falal: “N ka na kaba ku el pa amor di ki vinti.”

Kumsada 44:18

Judá bai pa el i falal: “Siñor, di fabur, dan lisensa pa N papia un palabra ku bo. Ka bu paña raiba kontra bu servu, pabia bu sedu suma Faraó.

Jo 33:23

“Si un di ki milyaris di anju bin pa un omi, pa i sta entri el ku Deus, pa kontal ke ki dibi di fasi,

Salmus 86:5

SIÑOR, abo i bon, bu sta pruntu pa purda. Bu riku na bondadi pa tudu kilis ku comau.

Saida 32:14

Asin, SIÑOR muda ideia di ki mal ki falaba kuma i na fasi si pobu.

Ditus 15:8

Sakrifisiu di jinti mau i nujenti pa SIÑOR, ma orason di jinti retu i si kontentamentu.

Isaias 65:8

SIÑOR fala mas: “Ora ki ojadu inda sumu na kacu di uvas, jinti ta fala: ‘Ka bu danal; i tene kusa bon nel inda.’ Asin ku N na fasi pa amor di ña servus, N ka na kaba ku elis tudu.

Jeremias 5:1

“Bo yanda-yanda na ruas di Jerusalen, bo jubi, bo buska sibi; bo buska na kaus di nkontru na prasa, si bo ta oja, nin si i un algin, ku na fasi ben, i na buska bardadi. Si bo pudi, ami N na purda Jerusalen.

Mikeias 7:18

I ka ten ningin suma bo, o Deus, ku ta purda pekadu, ku ta diskisi di disobdiensia di kilis di bu yardansa ku sobra. O SIÑOR, bu ka ta guarda bu raiba pa sempri, pabia bu ten kontentamentu na bu bondadi.

Mateus 7:7

“Bo pidi, bo ta dadu; bo buska, bo ta oja; bo bati porta, i ta yabridu pa bos.

Efésius 3:20

Gloria pa kil ki kapas di fasi muitu mas ciu di ki tudu kil ku no pidi, o no pensa, konformi puder ku na tarbaja na nos;

Ŝefis 6:39

Jidion fala Deus: “Ka bu paña raiba di mi. Son es un bias ku N na fala. N pidiu pa bu fasi mas un sinal son ku lan. N pidiu pa son lan fika seku e bias, ma pa con tudu moja ku serenu.”