Kumsada 18:14 - BIBLIA - traduson antigu in Krioulo

¹⁴ Nta i ten un kusa ku SIÑOR ka pudi fasi? Ne tempu na anu ku na bin, N na riba pa bo; Sara na tene un fiju.”

Kumsada 18:14 ပူးပေါင်းရင်းမြစ်များ

Kumsada 17:16

pabia N na bensual, N na dau un fiju ku el. N na bensual; i na sedu mame di nasons; reis di nasons na sai nel.”

Kumsada 17:21

ma N na firmanta ña kontratu ku Isak, kil ku Sara na padi ne tempu na anu ku na bin.”

Kumsada 18:10

SIÑOR falal: “Di sertesa, N na riba pa bo ne tempu na anu ku na bin. Bu minjer Sara na padi un fiju.” Sara staba tras del, na porta di tenda, i na sukuta.

Kumsada 18:13

SIÑOR punta Abraon: “Pabia di ke ku Sara ri, i punta: ‘Na bardadi, N na padi inda, kontra N beju?’

Kumsada 18:15

Sara sintiba medu, i nega i fala: “N ka ri.” Ma el i falal: “Ka bu fala asin pabia bu ri.”

Kumsada 21:1

SIÑOR mostra fabur pa Sara suma ki falaba, i fasi Sara ki kusa ki kontalba.

Kumsada 21:2

Sara preña, i da Abraon un fiju na si bejisa, na tempu markadu ku Deus falalba.

2 Reis 4:16

Eliseu falal: “Ne tempu na anu ku na bin, bu na pega bu fiju propi.” Minjer falal: “Nau, ña siñor, omi di Deus, ka bu nganan!”

Jo 36:5

“Deus i garandi dimas, ma i ka ta njuti ningin; el i forti, i firmi di korson.

Jo 42:2

“N sibi kuma bu pudi fasi tudu; nin un di bu planus ka pudi mpididu.

Salmus 90:13

SIÑOR, te kal tempu? Disa, bu ten pena di bu servus.

Salmus 93:1

SIÑOR na rena. I bisti puder di renansa. SIÑOR bisti di puder, i mara sintu di forsa. Mundu i firmantadu, i ka pudi bulbuli.

Salmus 95:3

pabia SIÑOR i Deus garandi; el i Rei garandi riba di tudu deusis.

Isaias 50:2

Ke ku manda, oca ku N bin, ningin ka staba la? N coma; ningin ka kudi. Nta ña mon kurtusi tok i ka pudi kaplinti algin? O N ka ten ja mas forsa pa liberta? N pudi sekusi mar son ku un palabra di ordi; N ta bidanta rius suma lala, tok se pis ta cera mal pabia di falta di yagu, e ta muri ku sedi.

Jeremias 32:17

“A SIÑOR Deus! Abo ku distindi mon, bu kumpu seu ku tera ku bu garandi puder; i ka ten nada ki kansadu pa bo.

Jeremias 32:27

“Ami i SIÑOR, Deus di tudu jinti. Nta i ten kusa kansadu pa mi?

Daniel 6:20

Oca ki ciga pertu di koba, i coma Daniel ku vos tristi, i falal: “Daniel, servu di Deus bibu! Nta bu Deus ku bu ta sirbi sempri, i seduba kapas di librau di lions?”

Mikeias 7:18

I ka ten ningin suma bo, o Deus, ku ta purda pekadu, ku ta diskisi di disobdiensia di kilis di bu yardansa ku sobra. O SIÑOR, bu ka ta guarda bu raiba pa sempri, pabia bu ten kontentamentu na bu bondadi.

Zakarias 8:6

Asin ku SIÑOR ku ten tudu puder fala: “Es pudi parsi milagri na uju di kilis di pobu ku sobra na ki tempu, ma N na punta: I na parsi un garandi kusa pa mi tambi?”

Numerus 11:23

SIÑOR punta Moisés: “Nta forsa di ña mon i ten limiti? Gosi bu na oja si ña palabra pa bo na kumpri o nau.”

Mateus 14:31

Ki ora Jesus distindi mon, i pegal, i falal: “Omi di puku fe, pabia di ke ku bu duvida?”

Mateus 19:26

Jesus finka elis uju, i fala elis: “Omi ka pudi fasil, ma Deus pudi fasi tudu kusa.”

Mateus 3:9

Ka bo ba ta njata kuma Abraon i bo pape, pabia N na fala bos kuma, te de pedras propi, Deus pudi lantanda fijus pa Abraon.

Markus 10:27

Jesus finka uju nelis, i ruspundi: “Omi ka pudi fasil, ma i ka kansadu pa Deus, pabia Deus pudi fasi tudu kusa.”

Lukas 1:13

Anju falal: “Ka bu medi, Zakarias, pabia bu orason obidu. Isabel bu minjer i na padi un fiju macu; bu na pul nomi di Jon.

Lukas 1:18

Zakarias punta anju: “Kuma ku N pudi ten sertesa des? Ami N beju; ña minjer tambi i tene idadi avansadu.”

Lukas 1:37

I ka ten nada ku Deus ka pudi fasi.”

Lukas 8:50

Jesus obi ke ku faladu, i fala Jairu: “Ka bu panta; fia son. I na salba.”

Romanus 4:21

I tenba sertesa kuma, kil ku Deus fala, i ten puder pa fasil.

Efésius 3:20

Gloria pa kil ki kapas di fasi muitu mas ciu di ki tudu kil ku no pidi, o no pensa, konformi puder ku na tarbaja na nos;

Ripitison di Lei 30:3

SIÑOR bo Deus na ten pena di bos, i ribanta bos di bo katiberasku, i na torna junta bos di tudu nasons nunde ki spaja bos.

Ripitison di Lei 7:21

Ka bo panta se dianti, pabia SIÑOR bo Deus ku sta na bo metadi i Deus garandi i meduñu.

Filipensis 3:21

pa i muda no kurpu koitadi i fraku pa i sedu suma si kurpu gloriosu, ku mesmu puder ki ten di pui tudu kusa fika bas del.

Filipensis 4:13

N ten forsa pa tudu kusa pabia di Kristu ku ta dan puder.

Ebreus 11:19

Na un sintidu i di mortu ki risibil.

Ŝefis 13:3

Anju di SIÑOR bin parsi pa ki minjer, i falal: “Abo bu ka ta padi, bu ka tene fiju, ma bu na preña, bu na padi un fiju.

1 Samuel 14:6

Jonatas fala rapas ku ta lebal material di gera: “Bin no kamba pa kampamentu di ki jinti insirkunsidadu; talves SIÑOR na judanu, pabia nada ka pudi tujil si i misti libra, nin ki ku manga di jinti o ku puku.”