Kumsada 17:8 - BIBLIA - traduson antigu in Krioulo

⁸ Tudu tera di Kanaan, ku bu sedu stranjeru nel gosi, N na dau el, pa i sedu di bo pa sempri. I na sedu di bu jorson dipus di bo; ami N na sedu se Deus.”

Kumsada 17:8 ပူးပေါင်းရင်းမြစ်များ

Kumsada 12:7

SIÑOR bin pa Abron i falal: “N na da e tera pa bu jorson.” Abron kumpu la un altar pa SIÑOR ku binba pa el.

Kumsada 13:15

Tudu tera ku bu na oja, N na dau el, abo ku bu jorson pa sempri.

Kumsada 13:17

Lanta, bu bai pa tudu ladu di tera, pabia N na dau el.”

Kumsada 23:4

“Ami i stranjeru ku bin mora na bo metadi. Bo bindin un terenu ku pudi sedu simiteriu, pa N pudi ntera ña difuntu.”

Kumsada 26:24

Ki di noti SIÑOR bai pa el, i falal: “Ami i Deus di bu pape Abraon. Ka bu medi, pabia N sta ku bo. N na bensuau, N na buri numeru di bu jorson, pabia di ña servu Abraon.”

Kumsada 28:4

I ta dau benson di Abraon, abo ku bu jorson, pa bu yarda tera nunde ku bu na mora nel suma stranjeru, ku Deus da Abraon.”

Kumsada 35:27

Jakó bin pa si pape Isak na Manre, ku sta pertu di Kiriat-Arba, ku sedu Ebron, nunde ku Abraon ku Isak moraba.

Kumsada 36:7

pabia rikesa ke teneba i ciu pa e mora juntu. Kau ke moraba nel i ka pudiba sustenta elis tudu, pabia di se limarias.

Kumsada 37:1

Jakó mora na tera nunde ku si pape moraba, ku sedu tera di Kanaan.

Kumsada 48:4

i falan: ‘N na fasiu pa bu padi, bu buri ciu. N na pui pa bu sedu multidon di rasa. N na dau e tera pa bu jorson dipus di bo, suma diritu pa sempri.’

2 Samuel 23:5

“Nin ku ña familia ka bin na yanda de manera, ma Deus fasi ku mi un kontratu ku ka na kaba, ku rumadu diritu, ku sta suguru. Ña salbason ku ña kontentamentu na sedu kompletu, nin ki ka sta inda maduru.

1 Kronikas 16:18

i fala: “N na dau tera di Kanaan suma kiñon di bo yardansa.”

Salmus 103:17

Antis di kumsada te dipus di kabantada, bondadi di SIÑOR sta riba di kilis ku rispital; si retidon sta riba delis ku se fijus ku netus,

Salmus 105:11

i fala: “N na dau tera di Kanaan pa bu tenel suma kiñon di bu yardansa.”

Salmus 105:9

Ki kontratu ki fasi ku Abraon, ki juramentu ki fasi pa Isak.

Saida 13:11

“Dipus ku SIÑOR lebau na tera di kananeus, i dau el, suma ki jurmenta pa bo ku bu papes,

Saida 21:6

si dunu ta lebal pa juisis, i ta cigantal pa porta o aru di porta, i ta fural oreja ku guja gros. Asin i ta sedu di sil pa sempri.

Saida 29:45

N na sinta na metadi di fijus di Israel; N na sedu se Deus.

Saida 32:13

Lembra di bu servus Abraon, Isak ku Israel, ku bu jurmenta pa elis pa bu propi kabesa, bu fala: ‘N na buri numeru di bo jorson suma strelas na seu; N na da bo jorson tudu e tera ku N fala N na da elis pa e tenel suma yardansa pa sempri.’ ”

Saida 40:15

bu unji elis suma ku bu unji se pape, pa e pudi fasin tarbaju di saserdoti. Se unson na fasi elis saserdotis, elis ku se jorson pa sempri.”

Saida 6:4

Tambi N fasi kontratu ku elis kuma N na da elis tera di Kanaan, nunde ke na moraba nel suma ospris.

Saida 6:7

N na bin toma bos pa bo sedu ña pobu, N na sedu bo Deus. Bo na sibi kuma ami i SIÑOR bo Deus ku na kaplinti bos di ki tarbaju duru na mon di ejipsius.

Jeremias 25:5

Anunsiaduris fika e na fala bos: Bo konverti, kada kin di si mau manera di yanda, ku kusas mau ki ta fasi, pa bo pudi sinta na tera ku SIÑOR da bos ku bo papes, disna di tempu antigu pa tudu sempri.

Jeremias 31:1

SIÑOR fala: “Na ki tempu N na sedu Deus di tudu jorsons di Israel; elis e na sedu ña pobu.”

Ezekiel 11:20

pa e pudi yanda konformi ña leis, pa e pui sintidu pa obdisi ña ordis. Elis e na sedu ña pobu, ami N na sedu se Deus.

Ezekiel 33:24

“Fiju di omi, jinti ku mora na ki kaus ku danadu na tera di Israel e na fala: ‘Abraon i un son, i daduba e tera. Anos gora no ciu; asin no dadu e tera pa yarda.’

Sirmonias 14:34

“Ora ku bo yentra na tera di Kanaan, ku N na da bos pa i sedu di bos, si N manda lima ku ta lastra na un kasa di ki tera,

Sirmonias 16:34

“Es i na sedu lei ku na dura pa sempri, pa fasi sakrifisiu un bias na kada anu pa tudu pekadu di fijus di Israel.” Aron fasi suma ku SIÑOR daba ordi pa Moisés.

Sirmonias 26:12

N na yanda na bo metadi, N na sedu bo Deus; bo na sedu ña pobu.

Zakarias 8:8

N na ribanta elis pa e mora na Jerusalen; e na sedu ña pobu; ami N na sedu se Deus fiel i justu.”

Numerus 10:29

Moisés fala Obab, si kuñadu, fiju di Reuel, ki midianita: “No na sai pa bai pa ki lugar ku SIÑOR fala i na danu. Bin ku nos; no na tratau diritu, pabia SIÑOR fala i na da bon kusas pa Israel.”

Numerus 25:13

El ku si jorson e na tene ña kontratu di sedu saserdotis pa sempri, pabia i tenba siumi pa si Deus, i ranja purdon pa pekadu di fijus di Israel.”

Numerus 27:12

Dipus, SIÑOR fala Moisés: “Subi na monti di Abarin, bu jubi pa tera ku N da pa fijus di Israel.

Atus 7:5

I ka dal yardansa ne tera, nin largura di pe, ma i fala kuma i na bin dal el, pa i sedu dipus pa si jorson. Ma i ka teneba inda fiju.

Ripitison di Lei 14:2

Abos i pobu sagradu pa SIÑOR bo Deus. SIÑOR kuji bos di tudu rasas na mundu pa bo sedu si pobu spesial.

Ripitison di Lei 26:18

SIÑOR diklara aos kuma bu na sedu si pobu spesial, suma ki falau, tambi kuma bu ten ku obdisi tudu si mandamentus,

Ripitison di Lei 29:13

pa konfirma aos kuma bo sedu si pobu, el i sedu bo Deus, suma ki fala bos, suma tambi ki purmiti ku juramentu pa bo papes, Abraon, Isak ku Jakó.

Ripitison di Lei 32:49

“Bai pa montañas di Abarin, na tera di Moab, filadu ku Jerikó, bu subi riba di monti Nebu, bu jubi tera di Kanaan, ku N na da fijus di Israel pa e yarda.

Ripitison di Lei 32:8

Deus ku sta riba di tudu i da yardansa pa nasons, i separa fijus di Adon, kada kin pa si ladu; i pui fronteras pa nasons konformi numeru di si pobu.

Ripitison di Lei 34:4

SIÑOR falal: “Kila i tera ku N purmiti Abraon, Isak ku Jakó ku juramentu, oca ku N fala elis kuma N na dal pa se jorson. N na mostrau el pa bu ojal ku bu uju, ma bu ka na kamba pa la.”

Ripitison di Lei 4:37

Manera ki ama bu papes, i kuji se jorson, e ku manda el propi i tirau di Ejitu ku si garandi forsa,

Ripitison di Lei 9:5

I ka pabia di kuma bu justu o bu tene korson retu ku manda bu na bai yentra pa tene ki tera, ma i pabia di maldadi di ki nasons ku SIÑOR bu Deus na bota elis fora bu dianti; tambi i pa kumpri palabra ku SIÑOR bu Deus jurmenta pa bu papes Abraon, Isak ku Jakó.

Ebreus 9:15

E ku manda i ranja nobu kontratu na metadi di nos ku Deus, pa kilis ku comadu pudi risibi yardansa ku ka ta kaba ku Deus fala i na da. Es pudi sedu son pabia di un mortu, ku ta liberta jinti di mal ke fasi na tempu di purmeru kontratu.

Josué 1:2

“Ña servu, Moisés, muri ja. Lanta gosi, bu kamba riu Jordon, abo ku tudu pobu di Israel, pa tera ku N na da elis.

Apokalipsi 21:7

Kil ku ngaña, i na yarda tudu e kusas. Ami N na sedu si Deus, el i na sedu ña fiju.