Kumsada 12:16 - BIBLIA - traduson antigu in Krioulo

¹⁶ Faraó trata Abron diritu pabia del. Asin Abron ngaña karnelis ku bakas, ku burus macu ku femia, ku kamelus ku katibus macu ku femia.

Kumsada 12:16 ပူးပေါင်းရင်းမြစ်များ

Kumsada 13:2

Abron tornaba ja riku dimas na limaria di kasa, na prata ku uru.

Kumsada 13:6

Tera ka pudiba sustenta elis tudu juntu, pabia se limarias ciu ba, tok e ka pudiba fika juntu.

Kumsada 16:1

Sarai, minjer di Abron, i ka padiba nin un fiju ku el. I teneba un minjer katibu di Ejitu, comadu Agar.

Kumsada 20:14

Abimelek toma karnelis ku bakas, ku katibus macu ku femia, i da Abraon, i tornal Sara si minjer,

Kumsada 24:35

SIÑOR darma benson ciu na ña mestre, tok i sedu riku. I dal karnelis, bakas, prata, uru, servus macu ku femia, kamelus ku burus.

Kumsada 26:14

I teneba manga di karnel ku baka ku manga di kriadu, tok filisteus nveẑa del.

Kumsada 30:43

Rikesa di Jakó bin buri ciu; i tene manga di limaria, ku katibus macu ku femia, ku kamelus ku burus.

Kumsada 32:5

I tene bakas, burus, karnelis ku kabras, ku kriadus macu ku femia. I na manda e rekadu pa i pudi oja fabur na uju di Ñu.”

Jo 1:3

I teneba seti mil karnel, tris mil kamelu, mil turu ku kiñentus buru. I seduba omi mas riku na ladu di saida di sol, i teneba manga di tarbajadur.

Jo 42:12

SIÑOR bensua ultimu parti di vida di Jo mas di ki purmeru, pabia i bin tene katorzi mil karnel, seis mil kamelu, dus mil turu ku mil buru.

Lukas 12:45

Ma si ki servu fala na si kabesa kuma si patron na tarda pa bin, i kumsa na suta servus macu ku femia, i na kume, i na bibi, i na cami,