Kumsada 1:9 - BIBLIA - traduson antigu in Krioulo

⁹ Deus fala: “Yagu bas di seu pa i junta na un kau, pa i pudi ten un parti seku.” Asin ki bin sedu.

Kumsada 1:9 ပူးပေါင်းရင်းမြစ်များ

Kumsada 1:8

Deus coma firmamentu seu. Ki di tardi ku parmaña i sedu sugundu dia.

Neemias 9:6

Abo son ku sedu SIÑOR. Bu kumpu seu, te na ki seu mas altu, ku tudu multidon di strelas; bu kumpu tera ku tudu ku sta nel; bu kumpu maris ku tudu ku sta nelis. Abo ku ta guarda tudu vida; puderis di seu ta adorau.

Jo 26:10

I marka orizonti riba di yagu pa i sedu frontera di lus ku sukuru.

Jo 26:7

I distindi seu di norti riba di spasu vaziu, i pindra mundu riba di nada.

Salmus 104:3

Bu ta pui vigas di bu morada na yagu la riba. Bu ta tene nuvens suma bu karu, bu yanda montadu riba di asas di bentu.

Salmus 33:7

I ta junta yagu di mar na un monton; i ta guarda fundura di yagu na armazens.

Salmus 95:5

Mar i di sil, pabia i el ku kumpul; si mon forma tera seku.

Eklesiastis 1:7

Tudu rius ta bai pa mar, ma mar ka ta inci. Yagu ta riba sempri pa lugar ku riu kumsa nel, pa torna kuri mas.

Jeremias 5:22

SIÑOR punta: “Bo ka ten medu di mi? Bo ka ta tirmi ña dianti? I ami ku pui reia pa i sedu frontera ku mar, un barera pa sempri ku mar ka pudi pasa. Maron pudi lanta ma i ka pudi kamba riba del. Nin si i somna, i ka pudi pasa frontera.

Jonas 1:9

I ruspundi elis: “Ami i ebreu; N ta adora SIÑOR, Deus di seu, ku kumpu mar ku con.”

2 Pedru 3:5

E ka misti lembra kuma seu ku tera tenba na antigamenti. Deus papia son; tera sai na metadi di yagu; yagu rodial.

Apokalipsi 10:6

i jurmenta pa kil ku bibu pa tudu sempri, kil ku kumpu seu, tera ku mar, ku tudu ku sta nelis, kuma i ka na tarda ja mas.