Kumsada 1:31 - BIBLIA - traduson antigu in Krioulo

³¹ Deus oja tudu ki fasi, i kontenti ku el. Ki di tardi ku parmaña i sedu sestu dia.

Kumsada 1:31 ပူးပေါင်းရင်းမြစ်များ

Kumsada 1:13

Ki di tardi ku parmaña i sedu terseru dia.

Kumsada 1:19

Ki di tardi ku parmaña i sedu kuartu dia.

Kumsada 1:23

Ki di tardi ku parmaña i sedu kintu dia.

Kumsada 1:5

Deus coma lus “di dia”, i coma sukuru “di noti”. Ki di tardi ku parmaña i sedu dia di kumsada.

Kumsada 1:8

Deus coma firmamentu seu. Ki di tardi ku parmaña i sedu sugundu dia.

Kumsada 2:2

Oca ku Deus kaba fasi si tarbaju, na setimu dia i diskansa di tudu ki na fasiba.

Kumsada 2:3

Deus bensua setimu dia, i pul un dia aparti, pabia na ki dia i diskansa di tudu ki tarbaju di kumpu kusas.

Jo 38:7

oca ku strelas di parmaña na kantaba juntu ku kontentamentu; tudu anjus di Deus na gritaba ku alegria?

Salmus 104:24

O SIÑOR, bu fasi manga di koldadi kusas! Bu fasil tudu ku jiresa; mundu inci ku bu kriaturas.

Salmus 104:28

Ora ku bu da elis, e ta kumel; si bu yabri bu mon, e ta farta ku kusas bon.

Salmus 104:31

Gloria di SIÑOR pa i tarda pa sempri! SIÑOR pa i kontenti ku kusas ki kumpu!

Salmus 119:68

Abo i bon, bu ta fasi ben; nsinan bu regras.

Saida 20:11

pabia na seis dia SIÑOR kumpu seu, tera ku mar, ku tudu ku sta nelis, ma i diskansa na setimu dia. Asin SIÑOR bensua dia di diskansu, i pul aparti.

Saida 31:17

Na no metadi, ami ku fijus di Israel, i na sedu un sinal pa sempri, pabia na seis dia SIÑOR kumpu seu ku tera, ma na setimu dia i para tarbaja, i diskansa.”

Ditus 16:4

SIÑOR kumpu tudu kusas pa se propi fin, te ki algin ku ka mporta ku el, i kumpul pa dia di mal.

Eklesiastis 3:11

I fasi tudu kusa bonitu pa si tempu sertu; tambi i da omi sintidu di kil ku pasa ku kil ku na bin, ma omi ka pudi ntindi ke ku Deus fasi disna di kumsada te na kabantada.

Miskiñu di Jeremias 3:38

Nta kusa mau ku bon ka ta bin na boka di Deus ku sta riba di tudu?

Ripitison di Lei 32:4

El i Roca; kusas ki fasi i pirfitu; tudu si kamiñus sedu justu. Deus i bardadi; injustisa ka sta nel; el i justu, i retu.

1 Timótiu 4:4

Tudu kusa ku Deus kumpu i bon. Nada ka dibi di negadu, ma i ta risibidu ku gardisimentu,

1 Timótiu 4:5

pabia palabra di Deus ku orason ta fasil sagradu.