Kumsada 1:11 - BIBLIA - traduson antigu in Krioulo

¹¹ Dipus Deus fala: “Pa tera pruduzi paja verdi, plantas ku tene simentera, ku arvuris ku ta padi fruta ku tene simentera suma se koldadi, pa e sta tudu na tera.” Asin ki bin sedu.

Kumsada 1:11 ပူးပေါင်းရင်းမြစ်များ

Kumsada 1:12

Tera pruduzi paja, plantas ku tene se simentera suma se koldadi, ku arvuris ku ta padi fruta ku tene simentera nelis suma se koldadi. Deus oja ki kusa tudu, i kontenti ku el.

Kumsada 1:29

Dipus Deus fala: “N da bos tudu planta ku tene simentera na tudu parti di tera, ku tudu arvuri ku ta padi fruta ku tene simentera; e na sedu kumida pa bos.

Kumsada 2:16

SIÑOR Deus da omi ordi, i falal: “Bu sta libri pa kume fruta di tudu arvuri ku sta na jardin,

Kumsada 2:5

planta ka tenba inda na tera, nin paja ka nasiba inda, pabia SIÑOR Deus i ka mandaba inda cuba riba di tera, nin i ka tenba omi ku na labra con,

Kumsada 2:9

SIÑOR Deus fasi pa arvuris nasi na tera, ku bonitu ba pa oja, i bon pa kume. Arvuri ku ta da vida staba na metadi di jardin, ku arvuri ku ta da kuñisimentu di ben ku mal.

Jo 28:5

Con ku kumida ta sai nel i bida la bas suma fugu staba la.

Salmus 1:3

I na sedu suma arvuri ku parantadu lungu di korenti di yagu, ku ta padi si fruta na tempu propi, ku si fojas ka ta konkoñi; tudu ku ki omi fasi i ta kuri diritu.

Salmus 147:8

I ta kubri seu ku nuvens, i ta manda cuba pa tera, i ta pui paja pa i kirsi na montis.

Isaias 61:11

Suma ku con ta pruduzi paja nobu, suma ku orta ta pui si simentera pa i nasi, asin ku SIÑOR Deus na pui retidon ku lovor pa e nasi pa tudu nasons.

Jeremias 17:8

I na sedu suma arvuri ku parantadu lungu di yagu, ku ta larga si rais pa riusiñu; i ka ta sinti medu ora ku kalur na bin, ma si foja ta fika sempri nobu. Na anu ku cuba ka cubi, i ka ta fika kansadu, nin i ka ta disa di padi fiju.”

Mateus 3:10

Mancadu sta ja pruntu pa korta arvuris pa rais. Tudu arvuri ku ka ta padi bon fruta i ta kortadu, i botadu na fugu.

Mateus 6:30

Si Deus bisti de manera paja di matu ku ta nasi aos, amaña i ta kemadu, ku fadi abos, jinti di puku fe.

Markus 4:28

I con propi ku ta da frutu; paja ta sai purmeru; dipus i ta preña; na kabantada i ta padi.

1 Koríntius 15:38

Deus ta bisti kada simentera konformi i misti; kada simentera ku si kurpu propi.

Ebreus 6:7

Deus ta mostra si bondadi pa con ku ta bibi yagu di cuba ku ta kai riba del manga di bias, i ta da bon planta ku bali pa kil ku labral,

Tiagu 3:12

Ermons, pe di figu pudi padi azeitona? O pe di uva pudi padi figu? Asin tambi un fonti ka pudi da yagu salgadu ku yagu dos.