Kolosensis 4:6 - BIBLIA - traduson antigu in Krioulo

⁶ Bo kombersa dibi di sabi, ku ta da gustu pa obi, pa bo sibi kuma ku bo dibi di ruspundi kada un.

Kolosensis 4:6 ပူးပေါင်းရင်းမြစ်များ

1 Kronikas 16:24

Bo diklara si gloria na metadi di nasons, bo konta tudu rasas kusas garandi ki fasi.

Salmus 105:2

Bo kanta pa el, bo ngabal ku kantiga, bo papia di tudu kusa garandi ki fasi.

Salmus 119:13

N ta ripiti ku vos altu tudu leis ku bu da.

Salmus 119:46

N na papia di bu nsinamentus dianti di reis; N ka na burguñu.

Salmus 45:2

Abo i mas bonitu di ki tudu omi; palabras bonitu ta darma na bu boka, pabia Deus bensuau pa sempri.

Salmus 66:16

Abos tudu ku rispita Deus, bo bin, bo obi; N na konta ke ki fasi pa mi.

Ditus 10:21

Boka di algin justu ta alimenta manga di jinti, ma tulus ta muri pa falta di ntindimentu.

Ditus 15:4

Palabra sabi i arvuri di vida, ma palabra tortu ta kebranta spiritu.

Ditus 15:7

Boka di jiru i ta darma kuñisimentu, ma korson di tulu ka ta fasi asin.

Eklesiastis 10:12

Palabra di jiru ta ngañal fabur, ma palabras di tulu ta ngulil.

Ezekiel 43:24

Bu na pursenta elis dianti di SIÑOR. Saserdotis na waga sal riba delis, e na kema elis suma oferta pa SIÑOR.

Sirmonias 2:13

Tempra tudu oferta di kumida ku sal. Ka bu disa sal di kontratu di bu Deus falta na bu ofertas di kumida. Bu ta pui sal na tudu bu ofertas.

Mateus 5:13

“Abos i sal di mundu. Si sal pirdi si gustu, ke ku ta pul mas pa i salga? I ka bali pa nada, son pa bota fora pa jinti masal.

Markus 9:50

Sal i bon, ma si i pirdi si gustu, ku ke ku bo na pul mas pa i salga? Bo tene sal na bo vida, pa bo sta ku ŋutru na pas.”

Lukas 4:22

Tudu jinti na papiaba ben del; e fika dimiradu ku bon palabra ku na saiba na si boka; e punta: “Nta es i ka fiju di José?”

Efésius 4:29

Nin un palabra fiu ka dibi di sai na bo boka, ma son kil ki bon, ku ta juda, ku ta kumpu, ku ta fasi ben pa kilis ku obil.

Ripitison di Lei 11:19

bo nsina elis pa bo fijus, bo papia delis ora ku bo sinta na kasa, ora ku bo na yanda na kamiñu, o bo na bai dita, o bo na lanta na kama.

Kolosensis 3:16

Bo disa palabra di Kristu fika na bo korson, na si rikesa, ku tudu jiresa. Bo nsina, bo konsija ŋutru, bo kanta salmus, inus ku kantigas spiritual, bo kanta pa Deus ku gardisimentu na bo korson.

1 Pedru 3:15

Bo rispita Kristu suma Siñor na bo korson. Bo sta sempri pruntu pa ruspundi kualker algin ku pidi bos pa bo splika aserka di speransa ku bo ten. Bo fasil ku mansesa ku rispitu,