Kolosensis 4:18 - BIBLIA - traduson antigu in Krioulo

¹⁸ I ami ku na skirbi es ku ña mon: Manteña di mi Paulu. Bo lembra kuma N sta prezu. Fabur di Deus ta sta ku bos. Amen.

Kolosensis 4:18 ပူးပေါင်းရင်းမြစ်များ

Romanus 16:20

Deus, no fonti di pas, i ka na tarda pa kebra Satanas bas di bo pe. Fabur di no Siñor Jesus ta sta ku bos.

Romanus 16:22

Ami Térsiu, ku skirbi e karta pa Paulu, N manda bos manteña na nomi di Siñor.

Romanus 16:23

Ña gasijadur Gaiu, na kasa nunde ku igreẑa ta junta, i manda manteña pa bos. Erastu, tisoreru di prasa, ku no ermon Kuartu, tambi manda manteña. [

1 Koríntius 16:21

Ku ña mon propi N skirbi es: Manteña di Paulu.

Filipensis 1:7

N tene bos sempri na ña korson. E ku manda N oja kuma i justu pa N sinti asin pa bos, pabia abos tudu bo ta toma parti na mison ku Deus dan, tantu na kalabus suma ora ku N na difindi pa firmanta bardadi di Bon Noba.

Kolosensis 4:3

Bo ora tambi pa nos, pa Deus pudi yabrinu porta pa no konta si palabra, tambi no fala di sigridu di Kristu. I pabia de palabra ku manda N sta prezu.

2 Tesalonisensis 3:17

N skirbi es ku ña mon propi: Manteña di Paulu. Es i manera ku N ta sina tudu karta. I asin ku N ta skirbi.

1 Timótiu 6:21

pabia utrus ku fala kuma e ten e kuñisimentu e bin disvia na fe. Fabur di Deus ta sta ku bos tudu.

2 Timótiu 1:8

Asin, ka bu sinti borgoña di testifika di no Siñor, nin di mi ku sta prezu pa amor del, ma toma parti na sufrimentu pabia di Bon Noba konformi Deus danu forsa.

2 Timótiu 4:22

Siñor ta sta ku bu spiritu. Fabur di Deus ta sta ku bos tudu.

Titu 3:15

Tudu jinti ku sta ku mi e mandau manteña. Fala kilis ku amanu na fe manteña. Fabur di Deus ta sta ku bos tudu.

Ebreus 13:25

Fabur di Deus ta sta ku bos tudu. Amen.

Ebreus 13:3

Bo lembra di kilis ku sta prezu, suma ku bo sta prezu ku elis. Bo lembra di kilis ku maltratadu, suma ki pudi sedu na bo kurpu tambi.