Kolosensis 3:13 - BIBLIA - traduson antigu in Krioulo

¹³ Bo nguenta ŋutru, bo purda ŋutru si algin ten keŝa kontra utru; suma ku Siñor purda bos, bo fasi asin tambi.

Kolosensis 3:13 ပူးပေါင်းရင်းမြစ်များ

Ditus 19:11

Ntindimentu ta pui algin pa i nguli si raiba; kil ku ta purda i ta ngaña rispitu.

Mateus 5:44

Ma ami, N na fala bos: Bo ama bo inimigu, [bo fala ben pa kilis ku ta fala mal di bos, bo fasi ben pa kilis ku odia bos,] bo ora pa kilis ku ta maltrata bos, e pirsigi bos,

Mateus 6:12

Purdanu mal ku no fasi, suma ku no purda kilis ku fasinu mal.

Markus 11:25

Ora ku bo na ora, si bo tene kualker kusa kontra algin, bo purdal, pa bo Pape ku sta na seu purda bos tambi kusas mau ku bo fasi. [

Lukas 11:4

Purdanu no pekadus, pabia anos tambi no ta purda kilis ku fasinu mal. Ka bu lebanu na probason, ma libranu di ki algin malvadu.’ ”

Lukas 23:34

Jesus fala: “Ña Pape, purda elis, pabia e ka sibi ke ke na fasi.” E juga sorti pa rapati si ropa.

Romanus 15:7

Asin, abos fortis ku frakus, bo risibi ŋutru, suma tambi Kristu risibinu, pa gloria di Deus.

2 Koríntius 2:10

Si bo purda algin kualker ofensa, ami tambi N purdal. Ora ku N purda (si kontra i ten kualker kusa pa N purda), N fasil dianti di Kristu pabia di bos, pa ka Satanas bin ten forsa riba di nos,

2 Koríntius 6:6

No mostra pabia di no vida limpu, no ntindimentu, no pasensa, no bondadi, pabia di Spiritu Santu, ku no amor di bardadi,

Gálatas 6:2

Bo juda ŋutru ku kargu; asin bo ta fasi kil ku lei di Kristu fala.

Efésius 4:2

ku tudu umildadi, mansesa ku pasensa. Bo nguenta ŋutru ku amor.

Efésius 4:32

Bo sedu bon, bo sinti pena di ŋutru, bo purda ŋutru, suma tambi ku Deus purda bos na Kristu.

Efésius 5:2

Bo yanda ku amor, suma ku Kristu tambi amanu, i da si vida pa nos, suma oferta ku sakrifikadu, ku ta da bon ceru ku Deus ta kontenti ku el.

Kolosensis 3:12

Bo sedu pobu di Deus; i ama bos, i kuji bos pa bo sedu di sil. Asin bo ten ku bisti un korson di miserikordia, bondadi, umildadi, mansesa ku pasensa.

Tiagu 2:13

Kilis ku ka ten miserikordia pa utrus, e na julgadu sin miserikordia. Miserikordia ta ngaña riba di julgamentu.

1 Pedru 2:21

I es propi ku Deus coma bos pa el, pabia tambi Kristu sufri pa bos, i disa bos isemplu pa bo yanda na si pe.