Kolosensis 2:2 - BIBLIA - traduson antigu in Krioulo

² pa se korson pudi inci di bon animu, pa e sedu unidu na amor, pa e rikusidu na garandi ntindimentu, pa e ten tudu kuñisimentu di sigridu di Deus. E sigridu i Kristu propi,

Kolosensis 2:2 ပူးပေါင်းရင်းမြစ်များ

1 Reis 3:28

Oca ku tudu jinti di Israel obi manera ku rei julga ki kasu, e sinti garandi rispitu pa el, pabia e oja kuma jiresa di Deus staba nel pa fasi justisa.

Salmus 133:1

Un kusa bon i sabi dimas i pa ermons vivi juntu na unidadi!

Isaias 32:17

Manera ku jinti na yanda na justisa ku retidon, pas, diskansu ku suguransa na ten pa sempri.

Isaias 40:1

Bo Deus fala: “Bo konsola ña pobu, bo konsola elis.

Isaias 53:11

Dipus di sufrimentu ki pasa na si vida, i na oja lus, i na fika kontenti. Ña servu justu na justifika manga di jinti ku kunsil, pabia i na leba se pekadu riba del.

Jeremias 9:24

ma kin ku na njata, pa i njata kuma i kunsin, i sibi kuma ami i SIÑOR ku ta mostra bondadi, ku ta fasi kusas bon ku kusas justu na mundu, pabia N ta kontenti ku e kusas.” Asin ku SIÑOR fala.

Mateus 11:25

Na ki ora Jesus fala: “Obrigadu, ña Pape, Siñor di seu ku tera, pabia bu sukundi e kusas di jinti jiru i ntindidu, bu mostra mininus el.

Mateus 11:27

Ña Pape ntregan tudu kusa. Ningin ka kunsi Fiju si i ka si Pape; ningin ka kunsi Pape si i ka si Fiju, ku kil ku Fiju misti mostral el.

Mateus 13:11

I ruspundi i fala elis: “Abos bo dadu kuñisimentu di sigridu di renu di seu, ma elis e ka dadu e kuñisimentu.

Lukas 1:1

Siñor Teófilu, manga di jinti buska manera di skirbi storia di ke ku kontisi na no metadi.

Bon Noba di Jesus Kristu ku Jon 10:30

Ami ku ña Pape, anos i un son.”

Bon Noba di Jesus Kristu ku Jon 10:38

ma si N ta fasi tarbaju di ña Pape, nin si bo ka fia na mi, bo ta fia na ki tarbaju, pa bo pudi ntindi, bo fia kuma ña Pape sta na mi; ami N sta nel.”

Bon Noba di Jesus Kristu ku Jon 16:15

Tudu kusas ku ña Pape tene i di mi; e ku manda N fala bos kuma Spiritu na toma ña palabra, i na bin konta bos el.

Bon Noba di Jesus Kristu ku Jon 17:3

Vida ku ka ta kaba i es: Pa tudu jinti kunsiu, abo son, uniku Deus di bardadi, ku Jesus Kristu, kil ku bu manda.

Bon Noba di Jesus Kristu ku Jon 5:17

Jesus ruspundi elis: “Ña Pape na tarbaja te gosi; ami N na tarbaja tambi.”

Bon Noba di Jesus Kristu ku Jon 5:23

pa tudu jinti pudi rispita Fiju suma ke rispita si Pape. Kin ku ka rispita Fiju, i ka ta rispita si Pape ku mandal.

Bon Noba di Jesus Kristu ku Jon 6:69

Anos no fia, no sibi kuma abo i ki Santu di Deus.”

Atus 4:32

Ki manga di krenti teneba un pensamentu ku un korson. Ningin ka ta falaba: “E kusa li i di mi.” Tudu se kusas, e ta rapatil ku ŋutru.

Romanus 15:13

Asin Deus, ku ta da speransa, ta inci bos di kontentamentu ku pas pabia di bo fe, pa bo pudi ten garandi speransa na puder di Spiritu Santu.

Romanus 16:25

Gloria pa Deus ku ten puder pa firmanta bos, konformi Bon Noba di Jesus Kristu ku N ta prega, suma no mostradu ja sigridu ku sukundidu antis di mundu formadu.

Romanus 2:4

O bu ta njuti rikesa di si bondadi, kuma ki ta sufriu ku pasensa? Bu ka sibi kuma bondadi di Deus i pa lebau pa ripindimentu?

1 Koríntius 14:31

Abos tudu bo pudi anunsia rekadu di Deus, un di kada bias, pa tudu pudi prindi, e fika animadu.

1 Koríntius 2:12

Anos no ka risibi spiritu di mundu, ma no risibi Spiritu ku bin di Deus, pa no pudi ntindi kusas ku Deus danu di grasa.

Gálatas 3:28

Asin i ka ten judeu ku gregu, i ka ten katibu ku libri, i ka ten macu ku femia, pabia abos tudu bo sedu un son na Kristu Jesus.

Efésius 1:7

Pabia di si sangi no libertadu, no pekadu purdadu, konformi rikesa di fabur di Deus

Efésius 3:16

N pidil pa i tira di rikesa di si gloria pa da bos forsa ku puder dentru di bos, pa meiu di si Spiritu,

Efésius 3:3

Deus mostran si planu sukundidu pa N pudi kunsil. N skirbiba ja puku palabra aserka del.

Efésius 6:22

E ku manda N na mandal pa bos, pa bo pudi sibi kuma ku no sta tudu, pa i anima bos.

Filipensis 2:1

Bo vida na Kristu ta fasi bos forti, si amor ta konsola bos, Spiritu ta da bos kumuñon, bo ta sinti garandi amor pa ŋutru, bo ta sinti pena di ŋutru.

Filipensis 3:8

I ka son es, ma N tene tudu utru kusas suma perda kompletu pa amor di kil ku ten muitu mas balur, ku sedu kuñisimentu di Kristu Jesus ña Siñor. Pabia del ku N bota tudu e kusa, N fasi di konta kuma i muntudu, pa N pudi ngaña Kristu,

Kolosensis 1:26

pa anunsia sigridu ku staba sukundidu di tudu jinti duranti tudu tempu ku pasa ja, ma gosi i diskubridu pa pobu di Deus.

Kolosensis 1:27

Vontadi di Deus i pa si pobu sibi kuma e sigridu i riku, i gloriosu na metadi di jintius. Sigridu i es: Kristu na bos, speransa di gloria.

Kolosensis 1:9

Pa e roson anos tambi, disna di dia ku no obi e noba, no ka para ora pa bos; no pidi Deus pa i inci bos di kuñisimentu di si vontadi, ku tudu jiresa ku ntindimentu ku Spiritu ta da,

Kolosensis 2:19

e larga Kristu ku sedu kabesa. Bas di kabesa, kurpu tudu i ta alimentadu. Juntas ku ligamentus e ta ligal na un son, pa i kirsi suma ku Deus misti.

Kolosensis 3:14

Riba di tudu e kusa bo buri amor ku ta liga tudu kusa pa forma unidadi kompletu.

Kolosensis 4:3

Bo ora tambi pa nos, pa Deus pudi yabrinu porta pa no konta si palabra, tambi no fala di sigridu di Kristu. I pabia de palabra ku manda N sta prezu.

Kolosensis 4:8

I pa e fin ku N na mandal nunde bos, pa bo sibi no stadu, pa i da bos animu.

1 Tesalonisensis 1:5

Oca ku no leba bos Bon Noba, i ka son ku palabra, ma tambi ku puder na Spiritu Santu, ku garandi sertesa. Bo sibi kuma ku no na viviba na bo metadi, pa ben di bos.

1 Tesalonisensis 3:2

no manda Timótiu, no ermon ku tarbaja pa Deus juntu ku nos na anunsia Bon Noba di Kristu, pa da bos animu, pa bo fika firmi na bo fe,

1 Tesalonisensis 5:14

Ermons, no roga bos tambi pa bo raprindi risu kilis ku ka ta tarbaja; bo da koraẑen pa kilis ku ta medi; bo juda kilis ku fraku; bo ten pasensa ku tudu jinti.

1 Timótiu 3:16

I ka ten duvida kuma sigridu di no fe i fundu: “Kil ku parsi na kurpu di omi, na si spiritu i mostradu justu; anjus ojal; tudu rasa kontadu aserka del; jinti di tudu mundu fia nel; i risibidu na gloria na seu.”

Ebreus 10:22

no ciga pertu ku korson limpu, ku garandi sertesa di fe, ku korson purifikadu di konsiensia mau, ku kurpu labadu ku yagu limpu.

Ebreus 6:11

I no vontadi pa kada un di bos mostra mesmu interes te na fin, pa bo pudi yangasa kusas ku bo na pera.

2 Pedru 1:10

Asin ermons, bo fasi forsa kada bias mas pa proba kuma na bardadi bo comadu, bo kujidu. Si bo fasi asin, nunka mas bo ka na kai.

2 Pedru 1:3

Puder di Deus danu tudu ki pirsis pa no tene un vida ku Deus misti, suma ku no kunsi kil ku comanu pa si gloria ku garandesa.

2 Pedru 3:18

Mas minjor bo bai dianti na fabur ku kuñisimentu di no Siñor i Salbadur Jesus Kristu. El pa i dadu gloria, disna di gosi, suma pa tudu sempri. Amen.

1 Jon 3:19

De manera no ta sibi kuma no sta na bardadi, no ta pui no korson diskansadu dianti di Deus.

1 Jon 5:7

I ten tris ku ta da tustumuñu, [na seu: Pape, Palabra ku Spiritu Santu. E tris e sedu un son. I ten tris ku ta testifika na tera]