Kolosensis 2:16 - BIBLIA - traduson antigu in Krioulo

¹⁶ Ka bo disa ningin julga bos pabia di kume o bibi, o pabia di dia sagradu, lua nobu, o dia di diskansu.

Kolosensis 2:16 ပူးပေါင်းရင်းမြစ်များ

2 Reis 4:23

I puntal: “Ke ku manda bu na bai pa el aos? I ka lua nobu inda, nin i ka dia di diskansu.” Minjer falal: “Disan son.”

1 Kronikas 23:31

tambi ora ku ofertas kemadu na pursentadu na dias di diskansu, na lua nobu, tambi na dias ku markadu pa festival. E tenba ku pursenta sempri dianti di SIÑOR na numeru markadu, kada kin na sirvis ki skaladu pa el.

2 Kronikas 31:3

Rei tira di si propi limarias pa da pa ofertas kemadu di parmaña ku di tardi, tambi ofertas kemadu di dias di diskansu, lua nobu ku festivalis markadu, konformi i sta skritu na lei di SIÑOR.

Neemias 10:31

Si stranjerus na no tera tisi arus o kualker utru kusa pa bindi na dia di diskansu, o na utru dia sagradu, no ka na kumpra nada. Kada setimu anu no na disa con pa i diskansa; tambi no na purda tudu dibidas.

Neemias 10:33

pa pon sagradu ku ta pudu na mesa, pa ofertas di kumida ku ofertas kemadu ku ta dadu tudu dia, pa ofertas di dias di diskansu, di lua nobu, ku di festivalis ku Deus mandanu pa no guarda kada anu, pa utru ofertas sagradu, ku sakrifisius pa tira pekadu di Israel, ku tudu tarbaju di kasa di no Deus.

Neemias 8:9

Oca ku jinti obi palabras di lei, e kumsa na cora. Neemias, ku sedu gubernadur, ku Esdras ku seduba saserdoti ku pursor di lei, ku levitas ku na nsinaba jinti, e fala tudu pobu: “E dia i dia sagradu pa SIÑOR bo Deus; ka bo miskiña nin ka bo cora.

Salmus 42:4

N ta sinti ña korson na kebra ora ku N lembra manera ku N ta baiba ku manga di jinti pa kasa di Deus, oca ku N ta kantaba ku kontentamentu pa ngaba Deus, na metadi di manga di jinti ku na baiba festival.

Salmus 81:3

Bo toka korneta pa festival, na lua nobu, tambi ora ku lua firma.

Isaias 1:13

Ka bo tisi mas ofertas na nada. Nsensu pa mi i nujenti, suma tambi bo kultus di lua nobu ku dias di diskansu ku bo juntamentus. Bo pekadu, N ka pudi nguental, nin bo juntamentu riliẑiosu.

Ezekiel 4:14

N falal: “Ai, SIÑOR, SIÑOR! Nunka N ka kontamina, pabia N ka kume kusa ku muri, nin kusa sapa-sapadu, disna ku N lanta te gosi, nin karni ku ka sta konformi lei ka yentra na ña boka.”

Ezekiel 45:17

Rei ten ku da limarias pa ofertas kemadu, ofertas di kumida ku ofertas di bibida pa festivalis, lua nobu ku dias di diskansu, ku sedu tudu festivalis markadu pa pobu di Israel. I na da ofertas di kumida ku limarias pa ofertas pa pekadu, ofertas kemadu ku ofertas di pas, pa pekadu di pobu di Israel pudi purdadu.”

Sirmonias 16:31

I un dia sagradu di diskansu pa bos; bo na junjuŋa. Es i na sedu lei pa sempri.

Amos 8:5

Bo ta fala na sintidu: “No ten dipresa pa lua nobu pasa pa no pudi bindi no miju. Si dia di diskansu kaba son, no na yabri fera di trigu. No na usa midida mas pikininu, no na aumenta pres ku jinti na paga, no ngana jinti ku balansu falsu.

Numerus 10:10

Tambi na dia di bo kontentamentu, suma tambi na bo festivalis markadu, o na lua nobu, bo na toka kornetas riba di bo ofertas kemadu ku ofertas di pas. E na pui bo Deus pa i lembra di bos. Ami i SIÑOR bo Deus.”

Mateus 15:11

I ka kil ku ta yentra na boka ku ta kontamina algin, ma kil ku ta sai na boka, el ku ta mancal.”

Markus 7:19

I ka ta yentra na si korson, ma na stomagu; dipus i ta sai pa fora.” Asin Jesus diklara kuma tudu alimentu pudi kumedu.

Atus 15:20

ma no dibi di skirbi elis, pa fala elis pa e libra di kume karni di limaria ku roniadu ku el, ku kil ku tursidu garganti, nin pa e ka kume se sangi, tambi pa e libra di yanda na pekadu seksual.

Romanus 14:10

Abo, pa ke ku bu na julga bu ermon? O abo tambi, pa ke ku bu na njuti bu ermon? Anos tudu no ten ku parsi dianti di tribunal di Deus.

Gálatas 4:10

Bo ta guarda dias, misis, tempus ku anus.

Kolosensis 2:20

Si bo muri ja ku Kristu, bo sta libri di nsinamentu di mundu, ke ku manda bo na yanda inda suma bo sta na mundu? Ke ku manda bo na obdisi ordi di kilis ku na fala bos:

Ebreus 13:9

Ka bo disa manga di koldadi nsinamentu strañu tira bos na bo kamiñu. I mas bon pa no korson risibi forsa di grasa di Deus te pa sigi regras di kumida, ku ka tisi nin purbitu pa kilis ku na yandaba di ki manera.

Ebreus 9:10

pabia i un kusa ku na fasidu son ku kumida, ku bibida, ku manga di sirmonia pa limpesa. E kusas tudu di fora, e pudu son te na tempu ku Deus na pui nobu ordi.

Tiagu 4:11

Ermons, ka bo fala mal di ŋutru. Kil ku na fala mal di si ermon, o i kritikal, i na fala mal di lei, i na julga lei. Si bu na julga lei, bu ka sedu obdisidur di lei, ma si juis.

1 Samuel 20:18

Dipus Jonatas falal: “Amaña i festival di lua nobu. E na sinti bu falta, pabia bu lugar na sta vaziu.

1 Samuel 20:5

Davi fala Jonatas: “Jubi, amaña i festival di lua nobu. N dibi di kume ku bu pape, ma disan pa N bai sukundi na lugar te di tardi di ermon di amaña.