Kolosensis 1:16 - BIBLIA - traduson antigu in Krioulo

¹⁶ I pabia del ku tudu kusas kumpudu na seu ku tera, kil ku ta ojadu ku kil ku ka ta ojadu, tronus, gubernus, otridadis ku puderis. Deus kumpu tudu kusa pa meiu del, i pa el.

Kolosensis 1:16 ပူးပေါင်းရင်းမြစ်များ

1 Kronikas 29:11

Abo, SIÑOR, i garandi; bu ten puder ku rispitu ku vitoria; abo i Rei gloriosu. Tudu ku sta na seu ku tera i di bo. Renu i di bo, SIÑOR; abo i kabesa ku sta riba di tudu.

Neemias 9:6

Abo son ku sedu SIÑOR. Bu kumpu seu, te na ki seu mas altu, ku tudu multidon di strelas; bu kumpu tera ku tudu ku sta nel; bu kumpu maris ku tudu ku sta nelis. Abo ku ta guarda tudu vida; puderis di seu ta adorau.

Ditus 16:4

SIÑOR kumpu tudu kusas pa se propi fin, te ki algin ku ka mporta ku el, i kumpul pa dia di mal.

Isaias 43:21

ku sedu e pobu ku N forma pa e pudi ngaban.

Isaias 44:24

SIÑOR, bu Libertadur, kil ku formau na bariga, i fala: “Ami i SIÑOR ku fasi tudu e kusas; N distindi seu, N tira tera na yagu, ami son.

Bon Noba di Jesus Kristu ku Jon 1:10

I staba na mundu; Deus kumpu mundu pa meiu del, ma mundu ka kunsil.

Bon Noba di Jesus Kristu ku Jon 1:3

Deus fasi tudu kusa pa meiu del; i ka ten nada ku fasidu sin el.

Romanus 11:36

Tudu kusa, i el ku kumpul, el ku ta sustental; i pa el tambi. Gloria pa el pa sempri! Amen.

Romanus 8:38

pabia N fia kuma, nin mortu, nin vida, nin anju, nin otridadi, nin puder di dimoniu, nin e tempu li, nin tempu futuru,

Romanus 9:5

I elis ku sai na jorson di papes antigu. Na ladu di familia, Kristu sai na ki jorson. El i sta riba di tudu, i sedu Deus ku dibi di ngabadu pa sempri! Amen.

1 Koríntius 8:6

ma pa nos i ten son un Deus, Pape, ku kumpu tudu kusas, ku no ta vivi pa el; i ten tambi un son Siñor, Jesus Kristu, ku tudu kusa kumpudu pa si mon, ku anos no na vivi pabia del.

Efésius 1:10

E planu, ku Deus na kompleta ora ku tempu ciga, i pa junta tudu ki kumpu, na seu suma na tera, pa fasi un son, ku Kristu suma kabesa.

Efésius 6:12

pabia no ka na geria kontra jinti, ma kontra garandi puderis ku otridadis ku ŝefis sataniku ku ta manda ne mundu sukuru, ku forsa spiritual di mal na mundu selestial.

Ripitison di Lei 4:39

Asin bu dibi di ntindi aos, bu guarda na korson, kuma SIÑOR, el son ki Deus la riba na seu suma li na tera; i ka ten utru.

Filipensis 2:10

pa tudu jinti na seu, ku tera, ku bas di tera, ten ku finka juju pa da Nomi di Jesus rispitu.

Kolosensis 1:15

Kristu i parsensa di ki Deus ku ka ta ojadu; i purmeru Fiju ku sta riba di tudu kriason.

Kolosensis 1:20

Pa meiu del i ta torna tisi tudu kusa, na seu suma na tera, pa el Deus, dipus ki pui pas pabia di sangi di Kristu darmadu na krus.

Kolosensis 2:10

Abos, suma ku bo sta ligadu ku el, bo sta kompletu. I el ku sta riba di tudu gubernu ku otridadi di ar.

Kolosensis 2:15

Na mesmu krus i dispi gubernu ku otridadi di ar se puder, i fasi elis spetakulu dianti di jinti; i leba elis katibu na vitoria di Kristu.

Ebreus 1:2

kil ki pui pa i yarda tudu kusa, ki kumpu mundu tambi pa si mon.

Ebreus 2:10

I bon manera ku Deus, ku kumpu i nguenta tudu kusa, i fasi Jesus pirfitu pabia di si sufrimentu, pa i pudi tisi manga di fiju pa gloria. Jesus i kil ku na gia elis pa salbason.

1 Pedru 3:22

i riba pa seu, i sta na mon direita di Deus, nunde ku tudu anju ku otridadi ku puder di seu sta bas del.