Kolosensis 1:12 - BIBLIA - traduson antigu in Krioulo

¹² pa bo fala obrigadu pa Pape ku fasi bos mersiduris di toma parti di kil ki guarda pa si pobu na renu di lus.

Kolosensis 1:12 ပူးပေါင်းရင်းမြစ်များ

1 Reis 6:7

Pedras ku kasa kumpuduba ku el e bin tudu purparadu; pabia di kila ningin ka obi baruju di martel na kasa, nin di mancadu, nin di un kualker feramentu di feru, oca ke na kumpul.

1 Kronikas 29:20

Dipus Davi fala tudu juntamentu: “Bo ngaba SIÑOR bo Deus!” Asin tudu pobu mborka dianti di SIÑOR, tambi dianti di rei, e ngaba SIÑOR Deus di se papes.

Salmus 116:7

Ña alma, torna fika diskansadu, pabia SIÑOR fasiu ben.

Salmus 36:9

pabia fonti di vida sta na bo; na bu lus no ta oja lus.

Salmus 79:13

Asin anos, bu pobu, karnel ku bu ta bakia, no na falau sempri obrigadu; no na kanta pa ngabau na tudu tempu ku na bin.

Salmus 97:11

Lus ta numia pa justus; kontentamentu ta bin pa retus di korson.

Ditus 16:1

Omi pudi fasi si planus, ma rasposta sertu ta bin di SIÑOR.

Ditus 4:18

Kamiñu di justus i suma purmeru lus di mandrugada, ku ta kumsa na aumenta klaridadi tok sol kaba mansi,

Daniel 2:23

Deus di ña papes, N ngabau, N falau obrigadu, pabia bu dan jiresa ku forsa, bu kontan ke ku no pidiu; bu fasinu sibi suñu di rei.”

Mateus 25:34

Dipus, Rei na fala kilis ku sta na si direita: ‘Bo bin, abos ku ña Pape bensua, pa bo toma yardansa na renu ku purparadu pa bos disna ku mundu kumpudu.

Bon Noba di Jesus Kristu ku Jon 14:6

Jesus falal: “Ami i kamiñu, ami i bardadi, ami i vida. Si algin misti bin pa ña Pape, i ten ku pasa purmeru na mi.

Bon Noba di Jesus Kristu ku Jon 20:17

Jesus falal: “Ka bu pegan, pabia N ka subi inda pa ña Pape, ma bai pa ña ermons, bu fala elis kuma N na subi pa ña Pape ki bo Pape, ña Deus ki bo Deus.”

Bon Noba di Jesus Kristu ku Jon 4:23

Ora na bin, i ciga ja, ku adoraduris di bardadi na adora ña Pape ku Spiritu ku bardadi, pabia ña Pape ta buska kil ku ta adoral asin.

Atus 20:32

“Agora ermons, N ntrega bos na mon di Deus, ku palabra di si fabur. I el ku ten puder pa fasi bos kirsi, pa da bos bon kusas ku Deus tene pa tudu kilis ki separa pa e sedu si pobu.

Atus 26:18

pa bu yabri se uju, pa bu pui elis pa e konverti di sukuru pa lus, di puder di Satanas pa Deus, pa e pudi ten fe na mi, pa se pekadu purdadu, e risibi yardansa na metadi di kilis ku Deus santifika.’

Romanus 11:17

Si utru ramus kebradu, abo ku sedu olivera brabu bu njujadu na lugar delis, bu ten parti na rais ku liti di olivera,

Romanus 15:27

E oja kuma i bon pa e fasi asin; bardadi e ten obrigason di fasil pabia, si judeus rapati ku elis kusas spiritual, elis tambi e dibi di rapati ku judeus kusas material ke tene.

Romanus 8:17

Suma no sedu fijus, no na yarda rikesa di Deus. No na risibil juntu ku Kristu, si kontra no na sufri ku el pa no pudi tambi ten parti na si gloria.

Romanus 9:23

I misti tambi mostra rikesa di si gloria na nos ki ten pena del, kilis ki purpara disna pa risibi e gloria.

1 Koríntius 8:6

ma pa nos i ten son un Deus, Pape, ku kumpu tudu kusas, ku no ta vivi pa el; i ten tambi un son Siñor, Jesus Kristu, ku tudu kusa kumpudu pa si mon, ku anos no na vivi pabia del.

1 Koríntius 9:23

N ta fasi tudu e kusas pabia di Bon Noba, pa N pudi toma parti nel.

2 Koríntius 11:14

I ka di dimira, pabia Satanas propi i ta finji kuma i sedu anju di lus.

2 Koríntius 5:5

I Deus propi ku purparanu pa e mudansa; i danu si Spiritu pa i sedu no garantia.

Efésius 1:11

Deus ta fasi tudu kusa konformi i marka na si vontadi. I kujinu pa no sedu si pobu na union ku Kristu, konformi planu ki tarda fasi,

Efésius 1:18

N pidi pa i yabri bo ntindimentu pa bo oja si lus, pa bo pudi sibi kal ki speransa ku bo comadu pa el, pa bo oja rikesa gloriosu di garandi benson ki fala i na da si pobu;

Efésius 2:18

I pabia di Kristu ku anos dus rasa no pudi yentra na pursensa di no Pape ku ajuda di ki mesmu Spiritu.

Efésius 3:6

Ki sigridu i kuma, pabia di Bon Noba, jintius ten parti juntu ku judeus na bon kusas ku Deus ta da. E juntadu na mesmu kurpu; e na ten parti na purmesa ku Deus fasi na Kristu Jesus.

Efésius 4:6

un Deus son ki Pape di tudu jinti, ku sta riba di tudu, ku ta tarbaja na tudu, ku sta na tudu.

Efésius 5:11

Ka bo toma parti na obras di sukuru ku ka ten purbitu, ma bo pui ki obras na lus.

Efésius 5:20

Bo fala Deus no Pape sempri obrigadu pa tudu, na nomi di no Siñor Jesus Kristu.

Efésius 5:4

Bo ka dibi di papia palabra fiu, nin kombersa tulu, nin brajerisa indisenti, ma bo dibi di ba ta fala Deus obrigadu.

Efésius 5:8

Purmeru, bo staba na sukuru, ma gosi, suma bo sedu di Siñor, bo sta na lus. Asin bo yanda suma kilis ku pertensi lus.

Kolosensis 2:2

pa se korson pudi inci di bon animu, pa e sedu unidu na amor, pa e rikusidu na garandi ntindimentu, pa e ten tudu kuñisimentu di sigridu di Deus. E sigridu i Kristu propi,

Kolosensis 3:15

Pas ku Kristu da, pa i manda na bo korson. I pa e pas ku Deus coma bos tudu juntu na un kurpu. N misti tambi pa bo korson inci gardisimentu.

Kolosensis 3:17

Tudu ku bo fasi, palabra o tarbaju, bo fasil na nomi di Siñor Jesus; bo fala Deus no Pape obrigadu na si nomi.

Titu 2:14

El i da si vida pa libertanu di tudu maldadi, pa fasinu un pobu puru ku pertensil, ku ten vontadi pa fasi bon tarbaju.

Ebreus 12:23

ku sta na juntamentu alegri; pa igreẑa di purmeru fijus di Deus ku se nomis sta skritu na seu; pa Deus ku sedu juis di tudu jinti, pa spiritus di jinti justu ku sta ja pirfitu,

Ebreus 3:1

Asin, ermons krenti ku Deus coma, bo pui sintidu na Jesus, ku sedu Apostolu i Ŝef di Saserdoti di ki fe ku no ta konta kuma i di nos.

Ebreus 3:14

Gosi no toma parti na Kristu, si no rakada no fiansa di kumsada firmi te na fin.

Tiagu 3:9

Ku el no ta fala ben di Deus no Pape; ku el tambi no ta fala mal di jinti ku kumpudu na parsensa di Deus.

1 Pedru 5:1

N na papia gosi pa kilis na bo metadi ku sedu presbiterus, ami ku sedu presbiteru tambi suma elis, ku sedu tustumuña di sufrimentu di Kristu, ku na bin toma parti na gloria ku ten ku mostradu.

1 Jon 1:3

Kil ku no obi, ku no oja, el ku no na konta bos, pa bo pudi junta ku nos na no ligason ku no Pape, ku si Fiju Jesus Kristu.

Apokalipsi 21:23

Prasa ka pirsisa di sol nin di lua pa numia nel, pabia gloria di Deus ku ta numial; Karnel ku sedu si kanderu.

Apokalipsi 22:14

Sortiadu i kilis ku laba se ropa na sangi di Karnel, pa e ten diritu na arvuri di vida, pa e pudi yentra na porton di prasa.

Apokalipsi 22:5

La i ka na ten mas di noti. I ka na pirsisadu kanderu nin lus di sol, pabia Siñor Deus na numia elis. E na rena pa tudu sempri.