Josué 9:4 - BIBLIA - traduson antigu in Krioulo

⁴ E ranja se planu pa nganal; utru di ki jinti finji sedu mbaŝaduris, e toma sakus beju pa e pui riba di se burus, ku barkafons di biñu di kuru beju, rotu, botadu rumbu.

Josué 9:4 ပူးပေါင်းရင်းမြစ်များ

Kumsada 34:13

Manera ku se irma Dina disonraduba, fijus di Jakó ruspundi Siken ku si pape Amor ku nganu,

Salmus 119:83

Nin ku N sedu suma saku di kuru ku paña fumu, N ka na diskisi di bu regras.

Mateus 10:16

Ali N na manda bos suma karnel na metadi di lubu; gosi bo dibi di jiru suma kobra, mansu suma pumba.

Mateus 9:17

Tambi ningin ka ta pui biñu nobu na saku di kuru beju, pabia saku di kuru beju na bin rumpi; biñu ta darma, saku ta dana, ma biñu nobu ku ka fermenta inda i ta pudu na saku di kuru nobu; de manera tudu dus ka ta dana.”

Markus 2:22

Ningin ka ta pui biñu nobu na saku di kuru beju. Si i pui, ora ku biñu fermenta i ta rumpi kuru; biñu ta darma; saku ta dana. Biñu nobu i dibi di pudu son na saku di kuru nobu.”

Lukas 16:8

“Patron ngaba ki nkargadu malandru suma ki fasi kusa ku jiresa, pabia jinti de mundu li e jiru na trata kusas entri elis mas di ki jinti ku kunsi lus.

Josué 9:12

Bo jubi no pon! No tomalba kinti na furnu oca no rumal na kasa na dia ku no sai pa bin pa bos, ma alil li i seku ja tok i bulura.

Josué 9:13

E barkafons di kuru ku no inci biñu e seduba nobu, ma ali elis li e raca. No ropa ku no sapatus e torna ja beju pabia di kamiñu kumpridu.”

Josué 9:3

Tudu jinti di Jibeon obi ke ku Josué fasi Jerikó ku Ai.

Josué 9:5

E kalsa sapatus beju, capa-capadu; e bisti ropa beju. Tudu pon ke leba pa kamiñu i seku, i bulura.