Josué 8:35 - BIBLIA - traduson antigu in Krioulo

³⁵ I ka ten nin un palabra ku Moisés manda ku Josué ka lei dianti di tudu juntamentu di Israel, tudu ku minjeris, mininus ku stranjerus ku staba na se metadi.

Josué 8:35 ပူးပေါင်းရင်းမြစ်များ

Esdras 10:1

Oca ku Esdras na oraba asin, i na konfesa pekadu, i na cora, mborkadu dianti di kasa di Deus, multidon di israelitas junta lungu del, omis ku minjeris ku mininus; e na coraba risu.

Neemias 8:2

Asin, na purmeru dia di setimu mis, ki saserdoti Esdras tisi libru di lei dianti di juntamentu, ku seduba di omis ku minjeris, ku tudu mininus ku pudi ntindi ke ku na leidu.

Neemias 8:3

I lei na ki libru na prasa, dianti di porton di yagu, disna di mandrugada te me-dia, dianti di omis ku minjeris ku kilis ku pudi ntindi. Tudu jinti na sukutaba ku atenson leitura di libru di lei.

Saida 12:38

E bai ku manga di jinti di utru rasa, ku manga di limaria, suma karnel ku baka.

Jeremias 26:2

“Asin ku SIÑOR fala: Bai firma na kintal di kasa di SIÑOR, bu papia ku jinti di tudu prasas di Judá ku bin pa adora na kasa di SIÑOR; fala elis tudu palabras ku N mandau; ka bu diskisi di nin un son.

Joel 2:16

Bo junta pobu, bo purpara elis pa runion sagradu, bo junta garandis, bo junta mininus, ku kilis ku na mama; noivu ku noiva pa e disa se kuartu, e bin.

Zakarias 8:23

Asin ku SIÑOR ku ten tudu puder fala: “Na ki dia, des omi di tudu linguas di nasons e na pega na ponta di kamisa di un judeu, e na falal: ‘No na bai ku bos, pabia no obi kuma SIÑOR sta ku bos.’ ”

Markus 10:14

Oca ku Jesus rapara ke ku na pasa, i fika ku kasabi, i fala elis: “Bo disa mininus bin pa mi. Ka bo tuji elis, pabia Deus ta rena riba di jinti suma elis.

Atus 20:27

pabia nunka N ka disa di konta bos tudu kil ku Deus misti.

Atus 21:5

Oca ku no pasa ki dias la, no sai, no kontinua no bias. Elis tudu ku minjeris ku se fijus e kumpañanu te fora di prasa. No finka juju na praia, no ora.

Ripitison di Lei 29:10

Aos abos tudu, bo garandis, kabesas di bo jorsons, bo gubernaduris ku tudu omis di Israel, bo sta dianti di SIÑOR bo Deus,

Ripitison di Lei 29:11

tudu ku bo mininus ku bo minjeris, ku stranjeru ku mora na bo metadi, ku kilis ku ta buska leña pa bos, suma tambi kataduris di yagu.

Ripitison di Lei 29:9

Bo toma sintidu, bo pratika palabras de kontratu, pa kusas pudi kuri bos diritu na tudu ku bo na fasi.

Ripitison di Lei 31:12

Junta pobu, omis, minjeris, mininus, ku stranjerus ku mora na bu prasas, pa e obi, e sibi rispita SIÑOR bu Deus, e pui sintidu pa pratika tudu palabras de lei.

Ripitison di Lei 4:2

Ka bo buri nada riba di ki palabra ku N fala bos, nin ka bo rapati nada del, ma bo obdisi mandamentus di SIÑOR bo Deus ku N na da bos.