Josué 7:25 - BIBLIA - traduson antigu in Krioulo

²⁵ Josué puntal: “Ke ku manda bu tisinu mufunesa? Aos SIÑOR na tisi mufunesa riba di bo.” Asin tudu Israel fercal ku pedras, e ferca ki utrus tambi ku pedras, e kema elis ku fugu.

Josué 7:25 ပူးပေါင်းရင်းမြစ်များ

Kumsada 34:30

Jakó rabida i fala Simeon ku Levi: “Bo tisin un garandi kansera. Bo pui jinti de tera, ku sedu kananeus ku perizeus, pa e kuda mal di mi, suma anos i un pobu puku na numeru. E na bin junta tudu kontra mi, e na kaba ku mi ku tudu ña familia.”

Kumsada 38:24

Dipus di kuas tris mis, algin bin konta Judá: “Ala Tamar, minjer di bu fiju, i fasi suma minjer di mau vida. Gosi i preña.” Judá fala: “Bo tiral fora pa i kemadu.”

1 Kronikas 2:7

Akan, fiju di Karmi, tisi mufunesa riba di Israel manera ki furta kusa sagradu.

Ditus 1:19

I asin ki kamiñu di algin ku ta yanda na tarpasa. Ki tarpasa i ta tira vida di algin ku yentra nel.

Ditus 15:27

Omi kubisosu ta tisi mufunesa pa si kasa, ma kil ku ta nega suku di bas i ta bibu.

Sirmonias 20:14

Si un omi kasa un minjer juntu ku si mame, es i maldadi. Omi ku tudu dus minjer e na kemadu ku fugu, pa i ka ten maldadi na bo metadi.

Sirmonias 20:2

pa i fala fijus di Israel: “Kualker fiju di Israel, o stranjeru ku mora na metadi di Israel, ku sakrifika si fiju pa deus Molok, i ten ku muri. Juntamentu di pobu na dal ku pedras.

Sirmonias 21:9

“Si fiju femia di un saserdoti bindi si kurpu na mau vida, i na dana nomi di si pape; i ten ku kemadu ku fugu.

Sirmonias 24:14

“Ki algin ku papia mal, tiral fora di kampamentu. Tudu kilis ku obil e na pui se mon riba di kabesa di ki algin; dipus, tudu juntamentu na dal ku pedra.

Gálatas 5:12

Ma ki disinketaduris, i mas minjor e bai kabanta kapa se kurpu!

Ripitison di Lei 13:10

Dal ku pedras tok i muri, pabia i buska lunjusiu di SIÑOR bu Deus ku tirau di Ejitu, di tera di katiberasku.

Ripitison di Lei 13:11

Asin tudu Israel na obi, e na sinti medu; ningin na bo metadi ka na torna fasi un kusa mau suma kila.

Ripitison di Lei 17:5

bu ta leba ki omi o minjer ku fasi ki kusa mau pa porton di prasa, bu dal ku pedra tok i muri.

Ripitison di Lei 21:21

Tudu omis di se prasa e na dal ku pedras tok i muri. Asin bu na tira ki mal na bo metadi; tudu jinti di Israel ku obi e noba e na medi.

2 Tesalonisensis 1:6

Deus na fasi kil ki justu. I na tisi sufrimentu riba di kilis ku pui bos sufri.

Ebreus 12:15

Bo toma sintidu pa ka ningin pirdi fabur di Deus, pa ka nin un rais malgos nasi pa kansa bos, i bin venena manga di jinti;

Josué 6:18

Bo libra di toma kusas ku Deus fala pa dana, pabia, si bo tomal, bo na tisi kastigu ku danu riba di kampamentu di Israel.

Josué 7:15

Ki omi ku ojadu ku kusas ku dibi di danadu, i na kemadu na fugu, ku tudu kusas ki tene, pabia i kebra kontratu di SIÑOR, i fasi un kusa di tulesa na Israel.’ ”

1 Samuel 14:29

Jonatas fala: “Ña pape fasi mal pa no pobu. Bo jubi manera ku ña forsa arnobadu pa manera ku N kume son un bokadu de mel.